ფორუმ-თეატრის პირველი ვიზიტი სიმონეთში

1 2

 3 4

სოფელ სიმონეთის (თერჯოლის მუნიციპალიტეტი) საჯარო სკოლაში ფორუმ-თეატრი პირველად ჩავიდა. ამიტომ თავიდან იყო წამყვანმა - ჯოკერმა აუდიტორიას გააცნო ფონდი „სოხუმის“ მუშაობა, ფორუმ-თეატრის სპეციფიკა. შემდეგ გათამაშდა 5 წარმოდგენა. დიდი ინტერესი გამოიწვია დედა-შვილის სცენამ. მაყურებელი აქტიურად ჩაერთო სცენებში და ცდილობდა, შეეცვალა ძალადობის ვექტორი. დისკუსიის საგანი გახდა მიგრაციის თემაზე შექმნილი წარმოდგენა.

დისკუსიები და ძალადობის მაგალითები - ყველაფერი ეს  შთამბეჭდავი იყო მაყურებლისთვის. 

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

ჩრდილების თეატრის სტუმრობა ხაჯალიაში

1 2 3

ჩრდილების თეატრი პირველად ესტუმრა სოფელ ხაჯალიას (ლანჩხუთის მუნიციპალიტეტი) საჯარო სკოლას. მაყურებლები პირველი და მეორე კლასების მოსწავლეები იყვნენ. მათთვის ნაჩვენები იყო ზღაპარი „თალგამი“. ბავშვებს მსგავსი წარმოდგენა არ ჰქონდათ ნანახი და ძალიან მოეწონათ.

პედაგოგები კითხვებს უსვამდნენ, ისინი კი ხალისით პასუხობდნენ. კარგად გამოჩნდა, რომ ჩრდილების თეატრი ნამდვილი თერაპიაა ბავშვებისთვის და კიდევ - ასწავლის, რომ ყველა თანაბარია და ყველა უნდა დაეხმაროს ერთმანეთს.

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

ფორუმ-თეატრის წარმოდგენები ხონსა და წყალტუბოში

1 2 3

ფორუმ-თეატრის წარმოდგენებს ესწრებოდნენ მოსწავლეები და პედაგოგები. გამოსვლები გაიმართა ხონსა და წყალტუბოში. განსაკუთრებით საინტერესო იყო სამი ახალი სცენა: ემიგრაციიდან დაბრუნებული დედა, რომელიც შვილებს არ უნდათ. მამა, რომელიც საყვარლის გულისთვის სახლს ჩადებს ბანკში. ოჯახი, რომლის ერთადერთი შვილი ნარკომანია. ამ სცენებმა და მათში განვითარებულმა კონფლიქტებმა ააღელვა მაყურებლები. მათ საკუთარი ისტორიებიც გაუზიარეს სხვებს და აქტიურად ჩაერთნენ დისკუსიაში.

 პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

როცა ფორუმ-თეატრი პირველად მოდის სკოლაში...

1 2

 3 4

ფორუმ-თეატრის პირველი ვიზიტი ყოველთვის განსაკუთრებულია. ასე იყო იანვრის ორივე შეხვედრის დროს - ხაჯალიას (ლანჩხუთის მუნიციპალიტეტი) და ანასეულის (ოზურგეთის მუნიციპალიტეტი) საჯარო სკოლებში.

წარმოდგენებმა (ოჯახური ძალადობის სცენა, ურთიერთობები მშობლებსა და შვილებს შორის) მოსწავლეებსა და მასწავლებლებში დიდი ვნებათაღელვა გამოიწვია. განსაკუთრებით ემოციური იყო სცენა - დედის დაბრუნება ათწლიანი ემიგრაციიდან და პრობლემა, შვილებმა რომ არ მიიღეს. განსაკუთრებით განიცადეს მათ, ვისი ახლობლებიც საზღვარგარეთ მუშაობენ.

შეხვედრებზე ყველაფერი იყო: გაოცება, ინტერესი, დისკუსია, აქტიური ჩართულობა, ტაში... ხაჯალიას სკოლის დირექტორმა  სურვილი გამოხატა, წარმოდგენები სოფლის კლუბში ჩატარდეს. ეს ფორუმ-თეატრის აქტუალური მუშაობის ერთ-ერთი მნიშვნელოვანი შედეგია.

ფონდი „სოხუმის“ ფორუმ-თეატრის მუშაობით დაინტერესდა საინფორმაციო პორტალი „ქუთაისიპოსტი“. ჟურნალისტები ახალგაზრდა მსახიობებთან ერთად სოფელ ხაჯალიაში გაემგზავრნენ, წარმოდგენები გადაიღეს, ინტერვიუები ჩაწერეს...

პროექტი ხორციელდება  ორგანიზაცია Brot für die WeltEvangelischer
Entwicklunsdienst მხარდაჭერით (გერმანია)

ჩრდილების თეატრი ხონის მუნიციპალიტეტში

1 2 3 4

ფონდი „სოხუმის“ ჩრდილების თეატრი ნოემბერში ხონის მუნიციპალიტეტს ესტუმრა და პატარები გაახარა.

თეატრის წარმოდგენა „თალგამი“ ჩატარდა ორ სოფლის - კუხის და ნახახულევის საბავშვო ბაღებში. პედაგოგებმა კმაყოფილება გამოხატეს, რადგანაც არ არიან განებივრებულები უფასო საბავშვო სპექტაკლებით.

ბავშვები კიდევ უფრო კმაყოფილები იყვნენ. კუხში 34 მაყურებელი იყო, დარბაზში კი სამარისებური სიჩუმე იდგა. პატარები ყურადღებით ადევნებდნენ თვალს - მსგავსი რამ იშვიათია, რადგან ბავშვების რაოდენობა ყოველთვის იწვევს ხმაურს.

ამ წარმოდგენებით ბავშვებმა გაიგეს, რომ ყველა თანასწორია და პრობლემა ერთად, მეგობრულად უნდა მოაგვარონ. სწორედ ეს არის სპექტაკლის მიზანი.

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

სასარგებლო ბმულები

სოციალური ქსელები