ადამიანური უსაფრთხოების თემა - ხონის ქალთა საინიციატივო ჯგუფის მრგვალ მაგიდაზე

  

 

ფონდი „სოხუმის“ ორგანიზებით ხონის ცენტრალურ ბიბლიოთეკაში გაიმართა მრგვალი მაგიდა თემაზე „ადამიანური უსაფრთხოების ინკლუზიური მიდგომები: ქალთა საინიციატივო ჯგუფების მუშაობა, თანამშრომლობა ადგილობრივ ხელისუფლებასთან“.

შეხვედრას ესწრებოდნენ ადგილობრივი თვითმმართველობის და ლოკალური თემის წარმომადგენლები, ჟურნალისტები, აქტივისტები.

მონაწილეებმა მოისმინეს ინფორმაციები ადამიანური უსაფრთხოების ინკლუზიურ მიდგომებზე, გამოწვევებზე, იმაზე, როგორ მუშაობენ ქალთა საინიციატივო ჯგუფები, როგორ ხდება პრობლემათა ადვოკატირება.

დისკუსიისას გარკვეული რეკომენდაციებიც შემუშავდა. საერთო მოსაზრებით, ადამიანური უსაფრთხოების ხარისხის ასამაღლებად აუცილებელია საზოგადოების გააქტიურება, ადგილობრივ ხელისუფლებასთან თანამშრომლობა და იმ პრობლემების ადვოკატირება, რომელთა გადაწყვეტა ადგილობრივ დონეზე შესაძლებელია.

 პროექტი ხორციელდება ორგანიზაციაქალები ქალებისათვის
(Kvinna till Kvinna) მხარდაჭერით (შვედეთი)

მრგვალი მაგიდა ხონში - დევნილთა ინფორმირებულობის გაზრდა

  

დევნილთა და ლტოლვილთა საერთაშორისო დღე მრგვალი მაგიდით აღნიშნეს ფონდი „სოხუმის“ ხონის  ქალთა მხარდაჭერის ცენტრში. შეხვედრამ დიდი ინტერესი გამოიწვია მონაწილეებში და მიღწია მიზანს  - მათ მიიღეს ინფორმაცია მუნიციპალურ პროგრამებზე, გაიგეს უფრო მეტი სოციალური პრობლემების მოგვარების კუთხით არსებულ  მხარდაჭერაზე ადგილობრივი თვითმმართველობის მხრიდან.

პროექტი ხორციელდება ორგანიზაცია Brotfür die Welt – Evangelischer
Entwicklunsdienstმხარდაჭერით (გერმანია)

მუნიციპალურ სოციალურ პროგრამებზე - წყალტუბოს ქალთა მხარდაჭერის ცენტრში

 

წყალტუბოს ქალთა მხარდაჭერის ცენტრში დევნილთა და ლტოლვილთა საერთაშორისო დღესთან დაკავშირებით გამართულ შეხვედრაზე ადგილობრივი თვითმმართველობის და სოციალური მომსახურების სააგენტოს წარმომადგენლებმა შეკრებილებს გააცნეს მუნიციპალური სოციალური პროგრამები. ინფორმირებული დევნილები თავიანთი საჭიროებების მიხედვით გამოიყენებენ სახელმწიფო მხარდაჭერას.

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

შეხვედრა კოკში: ინოვაციური პროექტი და სხვა საკითხები

     

ლტოლვილთა და იძულებით გადაადგილებულთა საერთაშორისო დღეს კოკის ადმინისტრაციულ ერთეულში (ზუგდიდის მუნიციპალიტეტი) გამართულ მრგვალ მაგიდას მუნიციპალიტეტის გამგებლის მოადგილე თამაზ ჟორჟოლიანი გამგეობის სოციალურ საქმეთა და ჯანდაცვის სამსახურის წარმომადგენლებთან ერთად დაესწრო და დევნილებს ის პროგრამები გააცნო, რომელთაც გამგეობა ახორციელებს.

აღინიშნა, რომ პროგრამები მოსახლეობის ინტერესებზეა ორიენტირებული. უახლოეს ხანებში იწყება ინოვაციური პროექტი „ხანდაზმულებზე მზრუნველი მობილური ჯგუფი“.

დამსწრეებმა გამგეობის წარმომადგენლებს კითხვებით მიმართეს და მათგან ამომწურავი პასუხები მიიღეს.

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

მრგვალი მაგიდა ფოთში

  

დევნილთა და ლტოლვილთა საერთაშორისო დღეს მიეძღვნა მრგვალი მაგიდა ფონდი „სოხუმის“ ფოთის ქალთა მხარდაჭერის ცენტრში. შეხვედრის მიზანი იყო დევნილთა ინფორმირებულობის გაზრდა ადგილობრივ მუნიციპალურ სერვისებზე და პროგრამებზე. შეხვედრაზე მოწვეული იყო ფოთის მერიის ჯანდაცვის და სოციალური განყოფილების ხელმძღვანელი მაია მაკალათია და ისაუბრეს მუნიციპალურ პროგრამებზე.

პროექტი ხორციელდება  ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)

სასარგებლო ბმულები

სოციალური ქსელები