ოზურგეთის მუნიციპალიტეტში დასრულდა საჯარო მმართველობის რეფორმის საგზაო რუკის მეოთხე მონიტორინგი და მოქალაქეთა საჭიროებების კვლევა. სამუშაო ჯგუფმა შეხვედრა გამართა ოზურგეთის მუნიციპალიტეტის საკრებულოს სხდომათა დარბაზში. სამოქალაქო საზოგადოების ადგილობრივი ორგანიზაციების წარმომადგენლებმა ჩატარებული მუშაობის შედეგებზე ისაუბრეს. შეხვედრა აქტიურად წარიმართა. მონაწილეთა მხრიდან იყო შეკითხვები, რომლებზეც კომპეტენტური პასუხები გაიცა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
სასარგებლო, კრეატიული, დროული...
მონაწილეთა შეფასებით, ასეთი იყო ტრენინგი, რომელზეც კომუნიკაციისა და პიარის მეთოდებსა და ცნობადობის გაზრდაზე ისაუბრეს ტრენერებმა 8 მუნიციპალიტეტის სამოქალაქო საზოგადოების ორგანიზაციების წარმომადგენლებთან.
ონლაინ ფორმატის მიუხედავად, მონაწილეები აქტიურად ჩაერთნენ სატრენინგო პროცესში. მათთვის მნიშვნელოვანი აღმოჩნდა პრაქტიკული მაგალითების ფონზე გადმოცემული ინფორმაციები აქტუალურ საკითხებზე: სამიზნე აუდიტორიის განსაზღვრა, ეფექტიანი საკომუნიკაციო კამპანიის დაგეგმვა და წარმართვა, ვებგვერდის და სოციალური მედიის მართვა.
პროექტი ხორციელდება ევროკავშირის მხარდაჭერით
რიგით მეთორმეტე, ბოლო ფორუმი ონლაინ ფორმატში ჩატარდა. სამოქალაქო საზოგადოების ორგანიზაციების ფორუმის წევრებმა შეაჯამეს განხორციელებული პროექტები, გამოიკვეთა შედეგები, ცვლილებები და გავლენა საზოგადოებაზე.
ანტიკორუფციული გეგმის შექმნა, ქალთა საჭიროებების შესწავლა და რეკომენდაციების შემუშავება ადგილობრივი ხელისუფლებისთვის, შშმ პირების საჭიროებების შესწავლა, გენდერული პოლიტიკის გაუმჯობესების ხელშეწყობა, საჯარო მოხელეების და გენდერული საბჭოს წევრების გადამზადება, საჯარო მოხელეთა ეთიკის კოდექსის შემუშავება და დამტკიცება, გენდერული ბიუჯეტისა და სამოქალაქო ბიუჯეტირების დანერგვა, ვებგვერდის განახლება, ელექტრონული პეტიციის აპლიკაციის შექმნა და ამოქმედება - ეს არის საგრანტო პროექტების შედეგების ნაწილი 8 მუნიციპალიტეტში.
სამოქალაქო საზოგადოების ადგილობრივმა ორგანიზაციებმა უკვე თქვეს თავიანთი სათქმელი საჯარო რეფორმის განხორციელების კუთხით.
პროექტი ხორციელდება ევროკავშირის მხარდაჭერით
გამოცდილების გაზიარება ყველაზე კარგი გზაა სიახლეების დასანერგად. ფონდი „სოხუმისთვის“ ეს მუშაობის განსაკუთრებული მეთოდია და სხვადასხვა მუნიციპალიტეტს ხშირად აძლევს ამ შესაძლებლობას.
გურიის, იმერეთის და რაჭა-ლეჩხუმის სამოქალაქო საზოგადოების ორგანიზაციების ფორუმი თავიდანვე ითვალისწინებდა თანამშრომლობას და ერთმანეთის დახმარებას.
პროექტში სამი ორგანიზაციაა ჩართული: ფონდი „სოხუმი“, მეწარმე ქალთა ფონდი და იმერეთის მხარის მეცნიერთა კავშირი „სპექტრი“.
სამოქალაქო საზოგადოების ორგანიზაციების ფორუმში კი 16 ორგანიზაცია გაერთიანდა 2019 წლის ოქტომბერში. მათი გეოგრაფიული არეალი ფართოა: რვა მუნიციპალიტეტი (ხონი, ვანი, თერჯოლა, ბაღდათი, ლანჩხუთი, ოზურგეთი, ცაგერი, ამბროლაური).
ფორუმი შეიქმნა იმისთვის, რომ აქტიურად ჩართოს საზოგადოება საჯარო მმართველობის რეფორმის საგზაო რუკის მონიტორინგის პროცესში.
დაჩი გონიერი და საქმიანი კაცია. წელს, აპრილის დასაწყისში დაიბადა. დედასთან ერთად ხშირად „მუშაობს“. დაბადებამდეც ეხმარებოდა. ასე რომ - ბაღდათელები დაჩი ფურცელაძეს უნდა უმადლოდნენ სერიოზული დოკუმენტების მომზადებას.
ვისაც ხუმრობა გგონიათ, ვერ დაგეთანხმებით. იმიტომ რომ დაჩი მართლა მუშაობს დედასთან ერთად. დაჩის დედიკო ახალგაზრდა, ლამაზი და ჭკვიანი ქალია. სკოლა დიმში დაასრულა, მერე კი წარჩინებით დაამთავრა თბილისის სახელმწიფო უნივერსიტეტის იურიდიული ფაკულტეტი და სამაგისტრო პროგრამა.
ბაღდათში ჩვენი პროექტის განხორციელება რომ დაიწყო, სამუშაო ჯგუფში საკრებულოს წევრები მოიწვიეს. ჯგუფის თავმჯდომარედ აირჩიეს გურამ კიკნაველიძე - საკრებულოს საფინანსო-საბიუჯეტო საკითხთა კომისიის თავმჯდომარე. მეორე წევრი გვანცა გრძელიძეა, იურიდიულ და საპროცედურო საკითხთა კომისიის თავმჯდომარე. მოკლედ, ორივე საჭირო ადამიანია - ჯგუფს საკუთარი ლობისტები ჰყავს ფინანსურ და სამართლებრივ საკითხებში. ამიტომაც ბაღდათის სამუშაო ჯგუფი აქტიურობით გამოირჩევა და საჯარო მმართველობის რეფორმასაც წარმატებით ახორციელებს.
ვანის მუნიციპალიტეტის წარმომადგენელთათვის ონლაინ ფორმატში ჩატარდა დებატები, სადაც მიღწეული შედეგები შეაჯამეს. შეხვედრას ეწრებოდნენ სამუშაო ჯგუფის წევრები, ადგილობრივი თვითმმართველობისა და სამოქალაქო სექტორის წარმომადგენლები.
შეხვედრა განსაკუთრებული იყო იმით, რომ პარტნიორი მუნიციპალიტეტების წარმომადგენლებმა შეკრებილებს გააცნეს წარმატებული პრაქტიკა: წყალტუბოს მუნიციპალიტეტის წარმომადგენელმა სამოქალაქო ბიუჯეტის დანერგვის პრაქტიკაზე ისაუბრა, ხონის მუნიციპალიტეტის წარმომადგენელმა კი ონლაინ პეტიციის სისტემის დანერგვაზე მიაწოდა ინფორმაცია მონაწილეებს. აღინიშნა, რომ წარმატებული გამოცდილების გაზიარება მნიშვნელოვანია იმ მუნიციპალიტეტებისათვის, რომლებიც ახლა მუშაობენ ამ მიმართულებით.
პროექტი ხორციელდება ევროკავშირის მხარდაჭერით
დებატები ცაგერში, COVID-19 ვითარებიდან გამომდინარე, ონლაინ Zoom-ფორმატში ჩატარდა მეწარმე ქალთა ფონდის ორგანიზებით. შეხვედრაზე მონაწილეებს - საკრებულოსა და მერიის, სამოქალაქო სექტორის და მედიის წარმომადგენლებს - შესაძლებლობა ჰქონდათ, მუნიციპალიტეტში ჩატარებული საჭიროებების კვლევა და მცირე პროექტების ფარგლებში შესრულებული სამუშაოების შედეგები მოესმინათ. საინტერესო იყო ხონისა და წყალტუბოს წარმატებული მაგალითების გაზიარება პეტიციასა და სამოქალაქო ბიუჯეტირების თემაზე.
დამსწრეთა მხრიდან იყო დიდი ინტერესი, რაც აქტიური ჩართვით და რეკომენდაციებით გამოიხატა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
დებატებში, რომელიც ონლაინ ფორმატში ჩატარდა, მონაწილეობდნენ ბაღდათის სამუშაო ჯგუფის წევრები, ადგილობრივი თვითმმართველობის და სამოქალაქო საზოგადოების ორგანიზაციების წარმომადგენლები, ასევე - ექსპერტები წყალტუბოსა და ხონის მუნიციპალიტეტებიდან.
ადგილობრივმა პარტნიორმა ორგანიზაციებმა მათ მიერ განხორციელებული მცირე პროექტების შედეგებზე ისაუბრეს, წარმოადგინეს ბაღდათის მუნიციპალიტეტში ჩატარებული საჭიროებების კვლევა.
დებატებზე განსაკუთრებული განხილვის საგანი იყო წყალტუბოს მუნიციპალიტეტის გამოცდილება სამოქალაქო ბიუჯეტირებასთან დაკავშირებით. მონაწილეთათვის მნიშვნელოვანი აღმოჩნდა ელექტრონული პეტიციის თემაც. ვებგვერდს ეს ფუნქცია აქვს, მაგრამ აქამდე არ იყო გამოყენებული. ხონის პრაქტიკით კი დაინახეს, როგორ შეიძლება ეს საკითხი აქტუალური გახადო მოსახლეობაში.
თერჯოლის დებატებმა გაამართლა ფორუმის მთავარი მისია: სამოქალაქო საზოგადოების ორგანიზაციების ფორუმის წევრები სწავლობენ ერთმანეთისგან და საუკეთესო პრაქტიკებს გადასცემენ ერთი მუნიციპალიტეტიდან მეორეში.
ჯერ იყო თერჯოლის სამუშაო ჯგუფის შეხვედრა, სადაც დაიგეგმა და განისაზღვრა დებატების ჩატარება.
22 ივლისს კი ონლაინ დებატები ჩატარდა: საინტერესო, აქტიური, შინაარსიანი, კონკრეტული მაგალითებით და შედეგებით...
შეხვედრაში მონაწილეობდნენ თერჯოლის ადგილობრივი თვითმმართველობის, სამოქალაქო საზოგადოების ორგანიზაციების და სხვადასხვა სფეროს წარმომადგენლები, ასევე სტუმრები წყალტუბოს და ხონის მუნიციპალიტეტებიდან.
პრესკონფერენცია ჩატარდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
ფონდი „სოხუმის“ წარმომადგენელმა მოწვეულ ჟურნალისტებს წარუდგინა პარტნიორი ორგანიზაციების მიერ განხორციელებული მოქალაქეთა ადგილობრივი საჭიროებების მეორე კვლევის შედეგები და ანალიზი. კვლევა მიზნად ისახავდა საჯარო მმართველობის რეფორმის შესახებ საზოგადოების ინფორმირებულობის, ელექტრონული მომსახურების გამოყენების ხარისხის ანალიზსა და მუნიციპალიტეტებში საჯარო მმართველობის რეფორმის კონკრეტული შედეგების და გამოწვევების განსაზღვრას.
პრესკონფერენციას ესწრებოდა 24 ჟურნალისტი და მედიაში გაშუქდა განხილული საკითხები.