ხონის მუნიციპალიტეტის საკრებულოს სააქტო დარბაზში, ქალთა ჯგუფის წევრებთან  მორიგი  საინფორმაციო  შეხვედრა გაიმართა. შეხვედრაზე  აჩვენეს ფილმი ქართველ ფემინისტ ქალზე, ქალთა უფლებებისთვის მებრძოლ კატო მიქელაძეზე. ფილმს დისკუსია მოყვა, რომელშც მონაწილეობა კლუბის ყველა წევრმა მიიღო.

საინფორმაციო შეხვედრა შედგა ქალთა საინიციატივო მეორე  ჯგუფის წევრებთანაც. დამსწრეებმა ნახეს    ფილმი „მუსლიმი გოგოები თანასწორობითვის“, რომლის  დასრულების შემდეგ დისკუსია გაიმართა.  ორივე შეხვედრის დასაწყისში ქალბატონებს გაზაფხულის შემობრძანება და მარტის დღესასწაულები მიულოცეს.

ასევე ორივე ჯგუფმა  2024 წლის თებერვალში ჩატარებული ადგილობრივი კვლევის სამუშაოებიც შეაჯამა. ხონის მესამე საჯარო სკოლაში გაიმართა ახალგაზრდებთან საინფორმაციო  შეხვედრა. ჯგუფის ერთ-ერთმა  წევრმა 8 მარტის შესახებ პრეზენტაცია წარადგინა  და ქალთა სოლიდარობზე ისაუბრა. ახალგაზრდებმა  ორი  ფილმი - „არ ილაპარაკო“ და „ყოველთვის 5-1,, ნახეს. მოეწყო დისკუსიაც.

ზუგდიდის მუნიციპალიტეტის სოფელ დიდინეძის ქალთა საინიციატივო ჯგუფის წევრებმა,მშვიდობასა და სოლიდარობაზე,ასევე,ქალთა უფლებების საკითხებზე იმსჯელეს.ისაუბრეს წარმატებული ქალების შესახებ,გაიხსენეს მათი ისტორიები და როლი,მნიშვნელოვანი ცვლილებების განხორციელების პროცესში.აღინიშნა,რომ ქალთა და ზოგადად,ადამიანების მიმართ სოლიდარობა-ეს არის ძალა,მხარდაჭერა და თანაგრძნობა,რომელიც ხელს უწყობს წარმატებას. იგივე თემების ირგვლივ ისაუბრეს ახალგაზრდული ჯგუფის წევრებმა და ქალთა უფლებებსა და თანასწორობაზე გაამახვილეს ყურადღება.ახალგაზრდების აზრით,სოლიდარობა უმნიშვნელოვანესია მშვიდობის მშენებლობის პროცესში,ხოლო ამ მიმართულებით ქალთა მხარდაჭერა,კიდევ უფრო საჭირო.

„ძალიან საჭირო ინფორმაციები მივიღეთ ადვოკატირების პროცესთან დაკავშირებით.“

„თითქოს ყველაფერს ასე ვაკეთებდით, მაგრამ ტრენინგზე გავიგეთ, თუ რაოდენ საჭიროა სწორი გათვლების გაკეთება.“

„ვიმუშავეთ ადვოკატირების გეგმის შედგენაზე. მიღებული ცოდნა ადვოკატირების სწორად წარმართვაში დაგვეხმარება.“

ასე ამბობდნენ ტრენინგის ბოლოს მონაწილეები - ქუთაისის დევნილთა სხვადასხვა თემის წარმომადგენელი ლიდერი ქალები და გოგონები. ტრენინგი ფონდი „სოხუმის“ ოფისში გაიმართა თემაზე: „სათემო ადვოკატირება, ადვოკატირების სტრატეგია  და სამოქმედო გეგმის შედგენა.“

მონაწილეებმა „პრობლემის ხის“ მეთოდით იმუშავეს გამომწვევ მიზეზებზე და შედეგებზე, გააკეთეს SWOT ანალიზიც - ძლიერი და სუსტი მხარეები, შესაძლებლობები  და რისკები.

თეორიული ნაწილის მოსმენის შემდეგ, მონაწილეებმა ჯგუფებში კონკრეტული პრობლემის ადვოკატირების სამოქმედო გეგმაზე იმუშავეს.

 

პროექტი ხორციელდება USAID-ის ადგილობრივი თვითმმართველობის პროგრამის ფარგლებში

სათემო ადვოკატირება, ადვოკატირების სტრატეგია  და სამოქმედო გეგმის შედგენა - ამ საკითხებზე გაიმართა ტრენინგი ქალთა ფონდი „სოხუმის“ ოფისში. მასში მონაწილეობდნენ ლიდერი ქალები ქუთაისის დევნილთა სხვადასხვა თემიდან.

მონაწილეებმა გაარკვიეს, რა ფაქტორები განსაზღვრავს პრობლემის აქტუალობას, რა გზას გადის პრობლემა იდენტიფიცირებიდან მოგვარებამდე, რა უზრუნველყოფს ადვოკატირების წარმატებას.

ადვოკატირების არსში გარკვევის შემდეგ მათ პრობლემის „ხის მეთოდით“ შედეგები და გამომწვევი მიზეზები განიხილეს. SWOT ფორმის გამოყენებით კი შეძლეს ძლიერი და სუსტი მხარეების, შესაძლებლობების და რესურსების გაანალიზება, მოსალოდნელი რისკების განსაზღვრა.  

ტრენინგის მეორე ნაწილში მონაწილეები სამ ჯგუფად განაწილდნენ და ჯგუფებში  კონკრეტული პრობლემის ადვოკატირების სამოქმედო გეგმაზე იმუშავეს.

უკუკავშირით დასტურდება, რომ ისინი მზად არიან, მიღებული ცოდნა პრაქტიკაში გამოიყენონ:

„გავეცანით ადვოკატირების პროცესს. ჩვენთვის ყველა ინფორმაცია აუცილებელია“.

„ვიმუშავეთ ადვოკატირების გეგმის შედგენაზე, ყველა აქტივობა გავწერეთ, რისკები გავთვალეთ. ყველა მასალას პრაქტიკულად გამოვიყენებთ.“

 

პროექტი ხორციელდება USAID-ის ადგილობრივი თვითმმართველობის პროგრამის ფარგლებში

წყალტუბოს ახალგაზრდულ ჯგუფთან ტრენინგი გაიმართა თემაზე: „მედიაწიგნიერება და დეზინფორმაცია.“ მიღებული ცოდნა  მონაწილეებს დაეხმარება ინფორმაციის პირველწყარო მოძებნონ და ხელი შეუშალონ დეზინფორმაციის გავრცელებას. მეორე ახალგაზრდულ ჯგუფში კი სოლიდარობის თემაზე იმსჯელეს. მონაწილეთა შეფასებით , ქალებს ყველაზე მეტად საკუთარი უფლებების დაცვის დროს სჭირდებათ სოლიდარობა და მხარდაჭერა.

„ქალები, მშვიდობა, სოლიდარობა“- ამ თემაზე კი  დებატები ქალთა საინიციატივო ჯგუფის წევრებმა გამართეს.ისაუბრეს თანასწორობაზე, ძალადობასა და სოლიდარობის მნიშვნელობაზე. მარტის თვის ღონისძიებები ყველა ჯგუფში თემატურად ქალს და ქალის უფლებებს მიეძღვნა.

სენაკში ქალთა საინიციატივო ჯგუფის წევრებმა ქალებზე, მშვიდობასა და სოლიდარობის საკითხებზე იმსჯელეს.  გაიხსენეს წარმატებული ქალების ისტორიები, რომლებმაც მნიშვნელოვანი ცვლილებები განახორციელეს. სოლიდარობა ნებისმიერ საკითხში მნიშვნელოვანია, ეს არის ძალა, მხარდაჭერა, თანაგრძნობა, რომელიც განსაზღვრას წარმატებას - აღნიშნეს შეხვედრის მონაწილეებმა.

იგივე თემაზე ისაუბრეს ახალგაზრდული ჯგუფის წევრებმა და ქალთა უფლებებსა და თანასწორობაზე გააკეთეს აქცენტი. ახალგაზრდების აზრით, სოლიდარობა ყველაზე მეტად სჭირდება მშვიდობისმ შენებლობას და ამ საქმეში ქალებს მეტი მხარდაჭერა უნდა ჰქონდეთ.

ზუგდიდის მუნიციპალიტეტის სოფელ კოკის ახალგაზრდული საინიციატივო ჯგუფისთვის ჩატარდა ტრენინგი თემაზე: დეზინფორმაცია,არასწორი ინფორმაციისა და ცრუ ნარატივების გავრცელება,როგორც,თანამედროვე სამყაროს მნიშვნელოვანი გამოწვევა.მედიაწიგნიერების არსისა და მნიშვნელობის შესახებ ახალგაზრდებს ინფორმაცია გამოცდილმა ტრენერმა მიაწოდა.მონაწილეებმა განიხილეს დეზინფორმაციის საკითხები და დაეუფლნენ ყალბი ინფორმაციის რეალობისგან გარჩევის პრაქტიკულ უნარებს. კოკის ქალთა საინიციატივო ჯგუფის წევრებმა მშვიდობისა და სოლიდარობის საკითხებზე გაამახვილეს ყურადღება,იმსჯელეს ქალის როლზე და წარმატებული ქალების ისტორიები გაიხსენეს,ისაუბრეს მათ წვლილსა და განხორციელებულ საქმეებზე.სოლიდარობა სერიოზული ძალა,მხარდაჭერა და თანაგრძნობაა,რომელიც წარმატებას განსაზღვრავს და მნიშვნელოვანია ნებისმიერ საკითხსა და გარემოებაში-აღინიშნა შეხვედრაზე.

„დღეს გავაცნობიერე, რა უფლებები გვაქვს და ვის უნდა მივმართოთ საჭიროების შემთხვევაში. მნიშვნელოვანია სწორი კომუნიკაცია და ქმედებები“.

„ტრენინგმა დამანახა ქალთა ლიდერობის მნიშვნელობა. საკუთარი რესურსებიც გავთვალე პრობლემების ადვოკატირების პროცესში.“

„ზოგჯერ არც კი ვიცით მუნიციპალური პროგამების შესახებ, ზოგჯერ იმაზე დიდი საჭიროებები გვაქვს, ვიდრე ადგილობრივი თვითმმართველობის ბიუჯეტშია მოაზრებული. ასეთი ტრენინგები სწორ მოქალაქეობრივ პოზიციას გვიყალიბებს“.

ასეთი იყო მონაწილეთა უკუკავშირი ტრენინგის ბოლოს. ქუთაისში მცხოვრები დევნილი ქალებისა და გოგონებისთვის ტრენინგი ჩატარდა აქტუალურ თემაზე: „ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“.

დევნილ ქალთა ჩართულობა ადგილობრივი პოლიტიკის ფორმირების პროცესში მნიშვნელოვნად გაიზრდება პროექტით დაგეგმილი აქტივობების შედეგად.

 

პროექტი ხორციელდება USAID-ის ადგილობრივი თვითმმართველობის პროგრამის ფარგლებში

სამუშაო ჯგუფის შეხვედრაში მონაწილეობდნენ ქუთაისის სხვადასხვა თემში მცხოვრები დევნილი ქალები და გოგონები.

შეხვედრაზე მოხდა სამიზნე თემებში არსებული პრობლემების იდენტიფიცირება და პრიორიტეტიზაცია: მიუსაფარი ძაღლების სიმრავლე; სკვერის და სპორტული მოედნის რეაბილიტაცია; დასუფთავების პრობლემა; შიდა გზის რეაბილიტაცია, გარე განათების არარსებობა, სანიაღვრე-სადრენაჟე სისტემის გაუმართაობა.

სამუშაო ჯგუფის ერთობლივი ძალისხმევა საფუძველს უყრის მიზნობრივ ქმედებებს და გადაწყვეტილებებს. მონაწილეთა ჩართულობა და ენთუზიაზმი ასახავს კოლექტიურ ვალდებულებას ქუთაისის დევნილთა დასახლებებში არსებული გამოწვევების დაძლევის და ცხოვრების ხარისხის გაუმჯობესებისკენ.

 

პროექტი ხორციელდება USAID-ის ადგილობრივი თვითმმართველობის პროგრამის ფარგლებში

ქუთაისის სამუშაო ჯგუფის შეხვედრაზე მოხდა სამიზნე თემებში არსებული პრობლემების იდენტიფიცირება და პრიორიტეტებად დაყოფა.

შეხვედრაში მონაწილებდნენ ქუთაისის სხვადასხვა თემში მცხოვრები დევნილი ქალები და გოგონები. მათ დააფიქსირეს მწვავე პრობლემები: დაზიანებული სახურავები თუ ფასადები, აივნების არარსებობა, ნესტიანი კედლები, მოუწესრიგებელი შიდა გზები... გაამახვილეს ყურადღება იმაზე, რომ დასახლებაში არ არის მინისტადიონი, სანაგვე ურნები.

პროექტის ფარგლებში სამუშაო ჯგუფის წევრები ქალთა ფონდი „სოხუმის“ დახმარებით პასუხისმგებელ პირებს შეხვდებიან იდენტიფიცირებული პრობლემების ადვოკატირების მიზნით.

პროექტი ხორციელდება USAID-ის ადგილობრივი თვითმმართველობის პროგრამის ფარგლებში

სასარგებლო ბმულები

სოციალური ქსელები