ბევრი ლიდერი ქალი გამოკვეთა საპროექტო მუშაობამ.
მარი ჭითანავა ერთ-ერთი მათგანია. ამიტომაც შეჩერდა მასზე არჩევანი, როცა დაიწერა სტატია ჩვენს პარტნიორ მედიაგამოცემაში „აქტ2“.
მარი აფხაზეთიდანაა. 26 წლისაა, სამი შვილის დედა.
ქალთა ფონდი „სოხუმის“ სამუშაო შეხვედრებზე რომ მიიწვიეს, უარი თქვა, არც ინტერესი ჰქონდა და არც დრო. მაგრამ მერე მაინც გადაწყვიტა ჩართვა ზუგდიდის დევნილ ქალთა საინიციატივო ჯგუფში. თანდათან იზრდებოდა მისი ინტერესი, სულ უფრო აქტიურობდა და ისრუტავდა ყველაფერს, რასაც უზიარებდნენ ცოცხალ თუ ონლაინ შეხვედრებზე.
მუშაობა მიმდინარეობს დასავლეთ საქართველოს ხუთ მუნიციპალიტეტში კოალიციური პროექტით „რეგიონული და ადგილობრივი მმართველობის შესაძლებლობების გაძლიერება ქალთა, მშვიდობისა და უსაფრთხოების ეროვნული სამოქმედო გეგმის ლოკალიზაციის პროცესში და ამ პროცესებში იგპ და კონფლიქტით დაზარალებული ქალებისა და ახალგაზრდების მნიშვნელოვანი მონაწილეობის გაზრდა“.
ლიზი ტყაბლაძე - ხონის ახალგაზრდული საინიციატივო ჯგუფის წევრი.
ეს კი მისი წარმატების ისტორიაა...
„ამ პროექტის ფარგლებში გავეცანი ჩემთვის საინტერესო საკითხებს და გამოვიმუშავე ახალი უნარები, რომელსაც შემოდგომში გამოვიყენებ სხვა ღონისძიებებსა და აქტივობებში.
ჩემთვის ახალი გამოცდილება იყო საპროექტო განაცხადის შევსება და ბიუჯეტის შედგენა.
პროექტის ფარგლებში განხორციელებული აქტივობებიდან გამოვყოფდი კედლის მოხატვას, რომელიც ძალიან საინტერესო და სახალისო აღმოჩნდა მონაწილეებისთვის. ბავშვებს მიეცათ საშუალება გამოემჟღავნებინათ თავისი კრეატიულობა და სასურველი შედეგიც მივიღეთ...
ამ პროექტში ჩართულობით გავხდი უფრო დამოუკიდებელი და თავდაჯერებული, ვფიქრობ, რომ მსგავსი ტიპის ღონისძიებები ხელს უწყობს ახალგაზრდების ყოველმხრივ განვითარებასა და ზრდას.“
პროექტი ხორციელდება USAID-ის მხარდაჭერით
ახლა სამი ფსიქოლოგი მუშაობს უკრაინელ ლტოლვილებთან.
მანანა გოცირიძე, რომელსაც ბევრი სამუშაო აქვს ქალთა მხარდაჭერის 10 ცენტრში და სარეაბილიტაციო ცენტრში, უკრაინელების ფსიქოემოციურ განწყობაზეც ზრუნავს.
მეორე ფსიქოლოგი, მარინა სტეპანენკო, კიევიდანაა. ახლა მესამე ფსიქოლოგიც გვყავს - ანია შალიმოვა ხერსონიდან.
ქალთა ფონდი „სოხუმის“ მხრიდანაც კარგი ჟესტია - უცხო ქალაქში თავისი პროფესიით დაასაქმო ადამიანი, შემოსავალიც ჰქონდეს და თანაკუთხელებსაც დაეხმაროს.
საქმე ყველასთვის სამყოფია: 197 ადამიანია ჩვენს საინფორმაციო ბაზაში და ყველას სჭირდება გამხნევება, ფსიქოლოგის კომპეტენტური რჩევა...
მანანა გოცირიძე: შევხვდი ოჯახებს, რომლებიც ჩამოვიდნენ კიევიდან, ოდესიდან, ხარკოვიდან და ხერსონიდან. მარტო ამ ქალაქების დასახელებაც კმარა, რომ მივხვდეთ, რა გადაიტანეს, რას განიცდიან... ტარდება პირველადი ფსიქოლოგიური კონსულტირება, ანამნეზის შეგროვება და თითოეულთან იგეგმება შემდგომი შეხვედრები. როცა მათთან მივდივართ, პროდუქტებიც მიგვაქვს და, ვფიქრობ, ესეც კარგი დახმარებაა.
ფატიმა რობაქიძე - ტყიბულის ქალთა მხარდაჭერის ცენტრის მობილიზატორია. ცენტრი გასული წლის აპრილში გაიხსნა და ის ერთ-ერთია, რომელიც აქტიურად მუშაობს 10 მუნიციპალიტეტში პროექტის „ქალთა უფლებების გაძლიერება დასავლეთ საქართველოში“ ფარგლებში.
წარმატების ამ ისტორიაში ტყიბულის ქალთა მხარდაჭერის ცენტრის მობილიზატორის მონოლოგს გთავაზობთ.
ეს არის ამბავი იმისა, ფატიმა რობაქიძე რიგითი პედაგოგიდან როგორ იქცა სამოქალაქო აქტივისტად:
„მე პედაგოგი ვარ და აქამდე მიმაჩნდა, რომ ერთადერთი ფოკუსი უნდა მქონოდა – სასწავლო პროცესი და საგანმანათლებლო-აღმზრდელობითი გარემოს შექმნა ჩემს კლასში და ჩემი მოსწავლეების მშობლებთან. ვფიქრობდი, რომ სხვა რამისთვის დრო არ უნდა დამეხარჯა. ჩემთვის პირველი „ფანჯარა“ მაშინ გაიხსნა, როცა მცირე დროით სამოქალაქო განათლების გაკვეთილების ჩატარება მთხოვეს.
იმ დროს გავეცანი ქალთა ფონდი „სოხუმის“ მუშაობას და მივხვდი, რომ ყველაფერი, რაც სანუკვარად მიმაჩნია – ხელსაყრელი კლიმატის შექმნა ბავშვებისთვის სწავლებისა და აღზრდისათვის, უამრავ ფაქტორზეა დამოკიდებული.
ისინი სხვანაირ, ბევრად უკეთეს საზოგადოებას შექმნიან...
ლიკა,
ანასტასია,
მარიამი,
მათე,
ნინი,
ნური და სხვები...
სულ ოცნი არიან. ერთნაირად განსხვავებულები და ინდივიდუალურები. ნებისმიერ საკითხზე საკუთარი პოზიციები აქვთ, საკუთარი დამოკიდებულება, საკუთარი არგუმენტები.
ისინი წყალტუბოს ახალგაზრდული ჯგუფის წევრები არიან.
ქალთა მხარდაჭერა, გენდერული თანასწორობის თემა საპროექტოდ შემთხვევით არ შეურჩევიათ. ამ თემაზე ხშირად დისკუსიობენ. ამბიციები დიდი აქვთ და მიაჩნიათ, რომ ხვალინდელი საზოგადოება ბევრად უკეთესი იქნება: ისეთი, სადაც თანასწორობას და ჰარმონიას თანაბარი შესაძლებლობები დააბალანსებს.
“ჩემთვის თანასწორობა ნიშნავს წესრიგს საზოგადოებაში. ამ პროცესში ქალიც და კაციც თანაბრად უნდა იყოს ჩართული. ორივე ერთნაირ გზას უნდა გადიოდეს მიზნის მისაღწევად“- ეს ანასტასიაა. ის ჯგუფის აქტიური წევრია. პროექტის ფარგლებში ვიდეორგოლი შექმნა თანასწორობის თემის პროპაგანდით და ასე მიაწვდინა საზოგადოებას ახალგაზრდების სათქმელი.
2022 წლის მაის-ივნისში ქალთა ფონდ ,,სოხუმთან" ერთად ჩვენი სკოლის მოსწავლეთა საინიციატივო ჯგუფმა განახორციელა პროექტი „სუფთა გარემო და ჯანსაღი ცხოვრების წესი ჩემი არჩევანია“.
პროექტის ფარგლებში სკოლაში ბევრი კარგი საქმე გაკეთდა, რაც მთავარია, მოსწავლეები ბევრად უფრო მოტივირებულნი და თავდაჯერებულები გახდნენ.
პროექტის ფარგლებში მოეწყო შეხვედრები მოსახლეოასთან, გასუფთავდა მდინარის სანაპირო ზოლი და სოფლის ცენტრი, აღსანიშნავია, რომ დასუფთავების აქციაში მონაწილეობდა სოფლის ხელმძღვანელობაც. ასევე მოსწავლეებმა არაჩვეულებრივი შეხვედრა მოაწყვეს საბავშვო ბაღის აღსაზრდელებთან ჯანსაღი კვების მნიშვნელობის თემაზე, მარადმწვანე ხეები დარგეს და სამომავლოდ პროექტის მდგრადობაზე ფიქრობენ, რათა პროცესი გაგრძელდეს და ლამაზი მწვანე კუთხე იყოს სკოლის ეზოში.
პროექტის ბოლოს ჩატარდა სპორტული ღონისძიება, მთელი სკოლის მოსწავლეების მონაწილეობით. თამამად შეიძლება ითქვას, რომ პროექტმა ძალიან დიდი დადებითი ეფექტი მოახდინა მოსწავლეების პიროვნულ ფორმირებაზე, მოტივაციაზე, სხვადასხვა უნარების განვითარებაზე. სკოლის დირექცია, პედაგოგიური კოლექტივი მზადაა, მომავალშიც პროექტის მდგრადობის კუთხით განსახორციელებელ აქტივობებში გვერდით დაუდგეს მოსწავლეებს და ერთად შვცვალონ გარემო უკეთესობისკენ.
პროექტი ხორციელდება USAID-ის მხარდაჭერით
სოფელ კოკის საჯარო სკოლასთან ფონდი „სოხუმი“ უკვე დიდი ხანია თანამშრომლობს. ამ ეტაპზე USAID-სა და ფონდი „სოხუმის“ მხარდაჭერით ახალგაზრდებმა განახორციელებს მცირე პროექტი „გვახსოვდეს აფხაზეთი“, რომლის ფარგლებშიც უამრავი საინტერესო აქტივობა განახორციელეს.
თუ რა სარგებელი მოუტანა ამ პროექტმა ბენეფიციარებს, ამაზე საკმაოდ ბევრი ითქვა, ახლა კი გვსურს გაგიზიაროთ უშუალოდ მონაწილეთა ემოციები... თუ რა შეიძინა ამ პროექტით შემსრულებელმა გუნდმა...
„ამ პროექტში ჩართული რამდენიმე ახალგაზრდისთვის ეს იყო ახალი გამოცდილება.
ზოგადად,არასოდეს ვყოფილვარ აქტიური,თუმცა ამ ნაბიჯის გადადგმის შემდეგ ყველაფერი უკეთესობისკენ შეიცვალა, ხშირად ვმონაწილეობ სხვადასხვა ტიპის ღონისძიებაში და ძალიან მოხარული ვარ, რომ ჩავერთე ამ პროექტის განხორციელების პროცესში.
ჟურნალისტური და პედაგოგიური საქმიანობის თითქმის 40 წლის მანძილზე, შეიძლება ითქვას, განუწყვეტლივ ვმუშაობდი საკუთარ თავზე, ძალიან ბევრს ვკითხულობდი, ვსწავლობდი, სისტემატურად სრულვყოფდი წერის კულტურას, ვიმდიდრებდი ლექსიკას, ვამუშავებდი გამოსახვის ფორმებსა და ჟანრულ სპეციფიკას, თვალს ვადევნებდი მედიის განვითარებასა და ახალ ტექნოლოგიებს.შეიძლება ითქვას, არასოდეს არავისთვის მომითხოვია საკუთარი მოვალეობის შესრულება ისე მკაცრად, როგორც საკუთარი თავისთვის. ჟურნალისტს ხომ, პროფესიული ცოდნის გარდა, ეთიკური სტანდარტების დაცვა და საზოგადოებრივი ინტერესების მუდმივი თანადგომა ევალება.
ჩემი გზა საქალაქო და რეგიონულ პრესაში ასეთია: სხვადასხვა დროს ვიყავი გაზეთ „ქუთაისის“ კორესპონდენტი და ლიტერატურული მუშაკი, „იმერეთის მოამბის“ განყოფილების რედაქტორი, „ახალი ქუთაისის“ რედაქტორის“ მოადგილე, „პოსტსკრიპტუმის“ (“P.S.“)რედაქტორი, ერთდროული თემატური ჟურნალ-გაზეთების რედაქტორი. პარალელურად ვმუშაობდი ახალგაზრდობასთან: გარდა იმისა, რედაქციებში ახალგაზრდა ჟურნალისტების თაობებს ვზრდიდი, წლების მანძილზე ვიყავი მოსწავლე ახალგაზრდობის სასახლის ნორჩ ჟურნალისტთა წრის ხელმძღვანელი, ლექციებს ვკითხულობდი სახელმწიფო და კერძო უმაღლესი სასწავლებლების, პროფესიული კოლეჯების ჟურნალისტიკის ფაკულტეტებზე. ჩემს შეგირდებს შორის ბევრი ცნობილი ჟურნალისტია, რედაქტორია, ან წარმატებით საქმიანობს სამეცნიერო,შემოქმედებით, პედაგოგიურ, საზოგადოებრივ ასპარეზზე, არასამთავრობო ორგანიზაციებში, 15-მდე პროფესორია, ორი „საბას“ პრემიის ლაურეატი - სამწერლო მიღწევებისათვის, არაერთი წარმატებულ სამეცნიერო - შემოქმედებით საქმიანობას ეწევა საზღვარგარეთ.
Injicio ლათინური სიტყვაა და გამოწვევას ნიშნავს. ინიცირება ქიმიური პროცესია, როცა ჯაჭვური რეაქცია იწყება რაიმე ზემოქმედებით...
რომ არ დაგაბნიოთ, ეს ინიციატივის გამოჩენაა.
ახალგაზრდებზე გიამბობთ და ჩვენი ჩანაფიქრიც ეს არის - აქტიურმა ახალგაზრდებმა ინიციატივები გამოავლინონ.
ქალთა ფონდი „სოხუმი“ 10 მუნიციპალიტეტში მუშაობს - სამტრედია, თერჯოლა, ბაღდათი, ვანი, ტყიბული, სენაკი, ზუგდიდი, წალენჯიხა, ჩოხატაური, ქობულეთი. ადრე ქალაქის/სოფლის ცალკეულ სკოლებში ყალიბდებოდა ახალგაზრდული კლუბები, ტარდებოდა შეხვედრები. ახლა კი მუნიციპალიტეტში იქმნება ახალგაზრდობის გაძლიერების ცენტრი, რომელშიც სხვადასხვა სკოლის წარმომადგენლები არიან გაერთიანებულნი.
6-თვიანი სატრენინგო კურსის დროს მონაწილეები ეცნობიან სხვადასხვა თემას, შეხვედრის ჩატარების ტექნიკას. და უკვე პირველი თვის შემდეგ ატარებენ აქტივობებს თავიანთ სკოლებში. სრული კურსის დასრულების შემდეგ კი ყველაზე აქტიურებს ტრენერის წოდება ენიჭება.
ვერცერთ სკოლას ვერ გამოარჩევ, ინიცირებული ღონისძიებები ყველგან ტარდება. ბავშვები პრაქტიკულად ახორციელებენ იმას, რაც ისწავლეს და ეს ძალიან მოსწონთ.
რას ატარებენ? ეს არის: საინფორმაციო შეხვედრა, ფილმის ჩვენება, როლური თამაში, გამოკითხვა, ვიდეორგოლის მომზადება, აქცია...
