ქუთაისში, წყალტუბოში, სენაკში ჩატარებულ ვორკშოპზე ახალგაზრდებმა საკუთარი პოზიციები დააფიქსირეს ქალთა უფლებებთან დაკავშირებით. უმრავლესობა მიიჩნევს, რომ ადრეული ასაკიდან უნდა მოხდეს ინფორმირება საკუთარ უფლებებზე, რადგან ქალზე ძალადობა სწორედ მათი უფლებების დარღვევით იწყება.დისკუსიისას, ახალგაზრდებმა რეალური მაგალითებით გაანალიზეს რამდენად კარგად იცნობენ საკუთარ უფლებებს, ნიშნავს თუ არა დათმობა პრობლემის მოგვარებას დარამდენად ეფექტურად ახერხებენ ისინი კონფლიქტური სიტუაციების მართვას.
- ქალთა ძალადობა ჩვენს ქვეყანაში სერიოზული პრობლემაა, რაც ინფორმირების დეფიციტით არის გამოწვეული. სიამოვნებით გავაგრძელებთ დისკუსიებს ამ თემებზე, რადგან გოგონებმა უნდა ისწავლონ საკუთარი უფლებების სწორად გამოყენება. რაც მნიშვნელოვნად დაეხმარება მათ თავი დააღწიონ კონფლიქტურ სიტუაციებს და არ აღმოჩნდნენ მსხვერპლის როლში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
კონფლიქტოლოგიაში ჩატარებული ვორკშოპები ქალთა უფლებებზე საუბრით დაიწყო. მონაწილეებმა აქტიურად განიხილეს, რამდენად არის ქალის უფლებები დაცული საქართველოში და ქართული სტერეოტიპები, მენტალიტეტი რა გავლენას ახდენს ოჯახურ კონფლიქტებზე.