რა პრობლემები აქვთ ქალებს სხვადასხვა თემში, როგორ აგვარებენ ამ პრობლემებს, როგორ ხდება ოჯახური ძალადობის შემთხვევების იდენტიფიცირება და რა გამოწვევებს აწყდებიან, - ძირითადად, ამ საკითხებზე გაიმართა მსჯელობა ქალთა მხარდაჭერის ცენტრებში გამართულ სამობილიზაციო შეხვედრებზე.
მონაწილეთა შეფასებით, ყოველთვიური შეხვედრები მათთვის ინფორმირების წყაროა - ეცნობიან ახალ ინფორმაციებს, საუბრობენ საკუთარ პრობლემებზე, ცდილობენ, ხელი შეუწყონ ოჯახური შემთხვევების იდენტიფიცირებას, დაეხმარონ ქალებს სათემო პრობლემების მოგვარებაში. ისაუბრეს ეკონომიკური მხარდაჭერის პროგრამების მნიშვნელობაზე. მიაჩნიათ, რომ ქალებს არა აქვთ საჭირო უნარები, რათა იდეა პროექტად აქციონ და საკუთარი შემოსავალი ჰქონდეთ.
ოჯახური ძალადობის შემთხვევების იდენტიფიცირების და მსხვერპლთა დახმარების კუთხით მობილიზატორებთან ერთად აქტიურად მუშაობენ პარასპეციალისტები.
მთელი თვის განმავლობაში ქალთა მხარდაჭერის ცენტრებში 150-ზე მეტ ქალს მიეწოდა ინფორმაცია ოჯახში ძალადობის მსხვერპლთა დახმარების სერვისებზე. ფსიქოლოგთან კონსულტაციაზე გადამისამართდა ათი ქალი. სამმა ქალმა იურისტის დახმარებით მდგომარეობა გაიუმჯობესა.
სოციალური მუშაობის გაძლიერებით ქალთა მხარდაჭერა უფრო ეფექტიანად მიმდინარეობს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დღის ცენტრების ისტორიაში ეს დღე ყველაზე სასიამოვნოა ხოლმე: ფინიში, სერტიფიკატების მიღება, შედეგების ჩვენება...
წალენჯიხის დღის ცენტრში დასრულდა ქალთა ფონდი „სოხუმის“ მიერ ორგანიზებული საბაზისო ჭრა-კერვის ორთვიანი კურსი.
მოსწავლეებმა დიდი ინტერესით შეისწავლეს სასურველი დიზაინის „გაცოცხლება“. სწავლის პერიოდში ბევრი რამ შეკერეს და შემდგომშიც აქტიურად გამოიყენებენ მიღებულ ცოდნას და გამოცდილებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ორგანიზებით, კანადის თანასწორობის ფონდისა და გერმანული ორგანიზაცია „პური მსოფლიოსათვის“ მხარდაჭერით, გაიმართა კონფერენცია თემაზე: „ქალთა მიმართ ძალადობის პრევენცია და რეაგირება თემზე დაფუძნებული მიდგომებით - პრაქტიკა და ზემოქმედების მექანიზმები“.
კონფერენცია გახსნა ქალთა ფონდი „სოხუმის“ თბილისის წარმომადგენლობის ხელმძღვანელმა ეკატერინე გამახარიამ. მონაწილეებს მისასალმებელი სიტყვით მიმართა ქალთა ფონდი „სოხუმის“ თავმჯდომარემ ალლა გამახარიამ.
ქალთა ფონდი „სოხუმის“ ციფრულ რესურსცენტრზე - ძალადობაგამოვლილი ქალებისთვის სერვისების მიწოდებისა და გაძლიერების ერთწლიან გამოცდილებაზე ისაუბრა თეა თორინავამ, ორგანიზაციის აღმასრულებელმა დირექტორმა.
კონფერენციას ესწრებოდნენ ქალთა მხარდაჭერის ცენტრების მობილიზატორები 10 მუნიციპალიტეტიდან, ურთიერთდახმარების ჯგუფების წევრი ქალები, სოციალური სამუშაოს პარასპეციალისტები და ქალთა უფლებებზე მომუშავე სამოქალაქო საზოგადოების ორგანიზაციების წარმომადგენლები.
გაიმართა ორი პანელური დისკუსია. აღინიშნა, რომ 10 მუნიციპალიტეტში დაფინანსდა 14 სამოქალაქო ინიციატივა, რომელიც ქალებისა და ბავშვებისათვის არაძალადობრივი გარემოს შექმნას ემსახურებოდა.
კონფერენციის დასასრულს, ორგანიზაციის დამფუძნებლებმა - ალლა გამახარიამ, მერი გელაშვილმა და ნანული რამიშვილმა გაიხსენეს ორგანიზაციის 28-წლიანი ისტორია და მონაწილეები მოტივაციით აავსეს.
ქალთა ფონდი „სოხუმი“ განაგრძობს მუშაობას ძალადობის პრევენციისა და ქალთა გაძლიერებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდობის გაძლიერების ცენტრებში შემაჯამებელი შეხვედრები ცოტაოდენი ცვლილებებით ჩატარდა. იყო პრობლემები, მაგრამ ამის მიუხედავად, ახალგაზრდები მაქსიმალურად ჩაერთნენ სატრენინგო პროცესში. ისინი აღნიშნავდნენ, რომ კურსის განმავლობაში ბევრი რამ ისწავლეს, დაიხვეწა მათი სასწავლო თუ ტექნიკური უნარები, რაც გამოადგებათ სასწავლო პრაქტიკაში.
ახალგაზრდებისთვის განსაკუთრებით მნიშვნელოვანი იყო კურსის დასრულების დამადასტურებელი სერტიფიკატების მიღება. უკვე აქტიურად დაიწყო ახალი ჯგუფების ფორმირება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ მონიტორინგის ჯგუფმა განაგრძო საინფორმაციო შეხვედრების ციკლი მოწყვლად ჯგუფებთან. შეხვედრები ჩატარდა წყალტუბოს, ხონის, სამტრედიის, თერჯოლის, ვანის, სენაკის, ზუგდიდის, ჩოხატაურის, ხობის და წალენჯიხის მუნიციპალიტეტებში.
შეხვედრის მონაწილეებს მიეწოდათ ინფორმაცია ადგილობრივ და ცენტრალურ პროგრამებზე, რომლებიც არსებობს ქვეყანაში ძალადობის მსხვერპლთა დახმარების და გაძლიერების და აუტისტური სპექტრის მქონე ბავშვთა რეაბილიტაციის და აბილიტაციის კუთხით.
მონაწილეები ასევე გაეცნენ ქალთა ფონდი „სოხუმის“ მონიტორინგის ახალ მოკლე ანგარიშს „ძალადობაგამოვლილი ქალების მხარდაჭერის სერვისები: ხელმისაწვდომობა და ბარიერები“. ანგარიში ასახავს კვლევის მიგნებებს, რომლებიც ეხება ძალადობაგამოვლილი ქალების ხელმისაწვდომობას მხარდაჭერის სერვისებზე და მოსახლეობის დამოკიდებულებას მათ მიმართ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ოჯახში ძალადობის პრევენცია, მოქალაქეთა ინფორმირება მსხვერპლთა დახმარების სერვისებზე, ქალთა მხარდაჭერა და გაძლიერება - ამ მიმართულებით აქტიურად გრძელდება სოციალური მუშაობა ქალთა მხარდაჭერის ცენტრებში.
თვის განმავლობაში ათი რისკის ჯგუფის ოჯახის იდენტიფიცირება და მათი გადამისამართება მოხდა. რეფერირების პროცესში აქტიურად იყო გამოყენებული ფსიქოლოგის და იურისტის საკონსულტაციო მომსახურება, სარეაბილიტაციო ცენტრი. სერვისების გამოყენება ბენეფიციართა ცხოვრებაში პოზიტიური ცვლილებების საფუძველი ხდება.
საინფორმაციო შეხვედრებზე იკვეთება, რომ ინფორმირების საკითხი და ქალთა მხარდაჭერის აუცილებლობა კვლავ პრიორიტეტულია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
შეხვედრებზე გამოიკვეთა მშობლებსა და შვილებს შორის არსებული პრობლემები. მშობლები საუბრობენ შვილების ქცევის პრობლემებზე, შვილებს კი არ მოსწონთ ოჯახებში არსებული მდგომარეობა.
როგორც შეხვედრებზე აღინიშნა, ოჯახის სტაბილურობას განაპირობებს ოჯახის წევრების მიერ კონფლიქტების კონსტრუქციულად მოგვარების უნარი. ოჯახში, სადაც სუფევს მუქარის, სიმკაცრის და კონფლიქტის ატმოსფერო, ხშირია პიროვნების დამახინჯება. სამწუხაროდ, ჩვენს გარშემო მრავლადაა დისფუნქციური ოჯახები, რომლებსაც არ შესწევთ ძალა, დააკმაყოფილონ ოჯახის წევრების პიროვნული და სულიერი ზრდის მოთხოვნილებები.
ფონდი „სოხუმის“ ფსიქოლოგმა შეხვედრები გამართა თერჯოლის, სამტრედიის, ვანის, წალენჯიხის, ხობის ქალთა მხარდაჭერის ცენტრებში. მისი რჩევები სასარგებლო აღმოჩნდა ქალებისთვის, ამიტომაც ისინი ყოველთვის ინტერესით ელოდებიან შეხვედრებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ძალადობა ჩვენს გვერდით. ჩვენი რეაქციები მოძალადის და მსხვერპლის მიმართ. დაცვის მექანიზმები. ძალადობის პრევენცია - ამ და სხვა საკითხებზე საუბრობენ მაყურებლებთან ერთად ფორუმ-თეატრის წარმოდგენის შემდეგ ახალგაზრდა მსახიობები და რეჟისორი მაგდა ჩიხლაძე.
დისკუსია წარმოაჩენს საზოგადოების დამოკიდებულებას. და განსაკუთრებით იმას, ჯერ კიდევ რამდენი რამეა გასაკეთებელი ძალადობასთან დაკავშირებული პრობლემების მოსაგვარებლად.
ფორუმ-თეატრმა ქუთაისში ჩაატარა წარმოდგენები და აქტუალურ პრობლემებზე დააფიქრა მაყურებელი.
იმისთვის, რომ ფორუმ-თეატრის დადგმული სცენები უფრო მეტმა ადამიანმა ნახოს, მათი ფილმად გადაღება გადაწყდა. ამჟამად აქტიურად მიმდინარეობს ფილმზე მუშაობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ყოველთვის საინტერესოა მუშაობა ადამიანებთან, რომლებსაც სჭირდებათ მხარდაჭერა და ემპათია არსებულ სიტუაციაში. სწორედ ასეთი ადამიანები ჩამოდიან ფონდი „სოხუმის“ სარეაბილიტაციო ცენტრში. მარტში აქ იმყოფებოდნენ ქალები და არასწრულწლოვნები. იყვნენ ბავშვები, რომლებიც იზრდებიან დედის გარეშე. მათ სჭირდებათ ინდივიდუალური მიდგომა. ცენტრის თანამშრომლები სისტემატურად მუშაობდნენ ბენეფიციარებთან.
ფსიქოლოგი ეკა ქვაჩაკიძე აღნიშნავს: „ოჯახსუდიდესი მნიშვნელობა ენიჭება ბავშვის აგრესიულობის ჩამოყალიბებაში. აგრესიული რეაქციების დამახასიათებელ სტილს ადამიანი ინარჩუნებს ხანგრძლივი პერიოდის განმავლობაში. სწორედ ამგვარ პრობლემებს წავაწყდით მუშაობის პროცესში, მაგრამ ჩვენმა მონდომებამ სასიკეთოდ იმოქმედა ბავშვებზე. ეს მათ ნახატებშიც ჩანს“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისში გაიმართა შეხვედრა თემაზე: „ბაგა-ბაღები, ოჯახი, თემი - სოციალური პარტნიორობა ბავშვის კეთილდღეობისთვის“.
მონაწილეებმა მოისმინეს ინფორმაცია ქალთა ფონდი „სოხუმის“ კვლევის - „სკოლამდელი დაწესებულებების სასწავლო-აღმზრდელობით პროცესში ოჯახისა და თემის მონაწილეობის ძირითადი ასპექტები“ შესახებ.
დისკუსიამ გამოკვეთა ინფორმაციის გაცვლის და კოორდინაციის მნიშვნელობა იმ სტრუქტურებს შორის, რომლებიც მუშაობენ ბავშვთა უფლებების დაცვის, სხვადასხვა სოციალური სერვისის მიწოდების მიმართულებით.
„პრობლემა ბევრია, თუმცა ჩვენ, ყველას, მშობლებისა და თემის მონაწილეობის გაძლიერებით შეგვიძლია დავძლიოთ ის წინაღობები, რომლებიც ხელს უშლის ბავშვისთვის სრულფასოვანი, პოზიტიური გარემოს შექმნას, “- ასეთი იყო მონაწილეთა განწყობა.
შეხვედრას ესწრებოდნენ მშობლები, პედაგოგები, ბავშვის უფლებადამცველები, სპეციალური სერვისის მიმწოდებელი ცენტრები, საბავშვო ბაღის მმართველები, დარგის სპეციალისტები, ექსპერტები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)