თერჯოლის ქალთა მხარდაჭერის ცენტრში დასრულდა სხვადასხვა პროფესიული კურსი. შემდეგ ბენეფიციარებმა გაიარეს სპეციალური ტრენინგი, სადაც ისწავლეს ბიზნეს იდეების ჩამოყალიბება და საპროექტო წინადადებების წარდგენა.
შემდგომი ეტაპი ბიზნეს პროექტების საფინალო კონკურსი იყო. მცირე გრანტების პროგრამის ფარგლებში გამარჯვებულ ბენეფიციარებს ბიზნესისთვის საჭირო ინვენტარი გადაეცათ. მათ უკვე შეუძლიათ დამოუკიდებელი საქმიანობის დაწყება და საკუთარი ფინანასური მდგომარეობის გაუმჯობესება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ინიციატივით, ჩოხატაურის მერიის ბავშვთა უფლებების დაცვის განყოფილების ხელმძღვანელთან, სოციალურ მუშაკთან, მერის წარმომადგენლების კოორდინატორთან ერთად ჩატარდა შეხვედრა თემის აქტივისტებთან და სხვადასხვა პროგრამის ბენეფიციარებთან.
მოხდა ინფორმაციის გაცვლა ქალთა ჯგუფების საჭიროებებზე, სოციალური მუშაობის კუთხით არსებულ გამოწვევებზე. შეხვედრის მონაწილეები გაეცნენ ფონდი „სოხუმის“ სერვისებს, ახალ მუნიციპალურ პროგრამებს, განისაზღვრა თანამშრომლობა ქალთa მიმართ ოჯახში ძალადობის პრევენციის და დაზარალებულთა დახმარების საკითხებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდობის გაძლიერების ცენტრებში ბოლო, მეექვსე თვე დაიწყო. ამ დროს დიდი სამზადისია შემაჯამებელი შეხვედრების ჩასატარებლად. ცენტრების წევრები, განსაკუთრებით - ლიდერები პრეზენტაციებს ამზადებენ, ხდება იმ ცოდნის და უნარების წარმოჩინება, რაც ხუთთვიანი მუშაობის შედეგად მიიღეს.
მარტის დასაწყისიდან ხუთი შეხვედრა ჩატარდა სამტრედიის, სენაკის, ჩოხატაურის, ზუგდიდის და თერჯოლის ახალგაზრდებთან. ახალგაზრდების გამოსვლებმა, უკუკავშირმა სერიოზული შედეგები და პოზიტიური ცვლილებები დაანახა დამსწრეებს - პედაგოგებს და მშობლებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მრგვალ მაგიდას სამტრედიის საკრებულოს სხდომათა დარბაზში ესწრებოდნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის, სოციალური, საგანმანათლებლო და სამედიცინო სფეროების წარმომადგენლები.
შეხვედრაზე მთავარი აქცენტი გაკეთდა ოჯახში ძალადობის მსხვერპლის დახმარებასა და ადგილობრივ სტრუქტურებთან თანამშრომლობის მნიშვნელობაზე.
მოწვეულმა იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების შესახებ. ყურადღება გაამახვილა უწყებებს შორის თანამშრომლობაზე, რაც ხელს შეუწყობს ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სამტრედიის საკრებულოში შეიკრიბნენ საბავშვო ბაღის ხელმძღვანელები. ქალთა ფონდმა „სოხუმმა“ გენდერული თანასწორობის საბჭოსთან თანამშრომლობით მათთვის საინფორმაციო შეხვედრა ჩაატარა.
შეხვედრაზე განიხილეს აქტუალური საკითხები: ქალთა მიმართ და ოჯახში ძალადობის ძალადობის პრევენცია, რეფერირების ადგილობრივ სტრუქტურებს შორის კოორდინაცია, მოწყვლადი ოჯახების საჭიროებების იდენტიფიცირება და სოციალური პარტნიორობის ადგილობრივი სისტემის აუცილებლობა.
შეხვედრას ესწრებოდნენ მერიის ბავშვთა უფლებების დაცვის და მხარდაჭერის განყოფილების წარმომადგენლები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ინიციატივით, ხობის მერიის ბავშვთა უფლებების დაცვის განყოფილებასა და სკოლამდელ სააღმზრდელო გაერთიანებასთან თანამშრომლობით ჩატარდა შეხვედრა „ადგილობრივი თანამშრომლობა ბავშვზე/ოჯახებზე ორიენტირებული ფსიქოსოციალური გარემოსთვის“.
გაიმართა მნიშვნელოვანი დიალოგი ბავშვზე/ოჯახებზე ორიენტირებულ სერვისებზე, გამოწვევებზე, ბავშვთა უფლებების დაცვის საკითხებში თანამშრომლობის ასპექტებზე, ოჯახში ძალადობის პრევენციის და დაზარალებულთა დახმარების საკითხებზე. მოხდა ინფორმაციის გაცვლა რთულ ქეისებზე და დაიგეგმა კონკრეტული ერთობლივი ღონისძიებები ყველაზე მოწყვლადი კატეგორიის დასახმარებლად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოფელ ახალსოფელში (სენაკის მუნიციპალიტეტი) ქალთა ფონდი „სოხუმის“ წარმომადგენლებმა მუნიციპალიტეტის ბავშვთა განყოფილებასთან ერთად საინფორმაციო შეხვედრა გამართეს.
შეხვედრას ესწრებოდნენ მერიის ბავშვთა უფლებების დაცვის და მხარდაჭერის განყოფილების წარმომადგენელები, მრავალშვილიანი და მარტოხელა დედები, საბავშვო ბაღის პედაგოგები და მოწყვლადი კატეგორიის ქალები.
შეხვედრის მიზანი იყო ქალთა მიმართ და ოჯახში ძალადობის საკითხების რეფერირების ადგილობრივ სტრუქტურებს შორის კოორდინაციის და ინფორმაციის გაცვლის სისტემის ხელშეწყობა. ისაუბრეს ოჯახში ძალადობის პრევენციაზე, მოწყვლადი ქალების და ბავშვიანი ოჯახების საჭიროებებზე, მუნიციპალურ სერვისებზე და ქალთა ფონდი „სოხუმის“ მიერ შეთავაზებულ სერვისებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
8 მარტი ქალთა ფონდი „სოხუმის“ დაბადების დღე და ჩვენი პოზიტიური, საჭირო და გაბედული საქმიანობის დღესასწაულია. ჩვენი ორგანიზაცია 27 წლის გახდა და ამ წლების განმავლობაში ბევრი ქალის ცხოვრება შეცვალა.
ქალთა ფონდმა „სოხუმმა“ დაბადების დღე Boutique Hotel Argo-ში აღნიშნა.
შეკრებილებმა ნახეს თამარ მშვენიერაძის და მარიამ ჯაჭვაძის ფილმი „ანას პროცესი“. შემდეგ იყო დისკუსია და დიალოგი შემოქმედებით ჯგუფთან.
დანარჩენი ისე წარიმართა, როგორც დაბადების დღეს შეეფერება:
იყო მოგონებები - ფონდი „სოხუმის“ წარმატების ისტორიები, 27 წლის გუნდის საკადრო გალერეა.
იყო მილოცვები...
და ბოლოს ქალთა ფონდი „სოხუმის“ თავმჯდომარემ ალლამ გამახარიამ გაჭრა სადღესასწაულო ტორტი წარწერით: ერთად - 27 წელი.
დიდი ისტორიის და გამოცდილების მქონე ორგანიზაცია აქტიურად განაგრძობს მუშაობას არჩეული მიმართულებების მიხედვით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ცხოვრების განმავლობაში ადამიანი სხვადასხვა ბიოლოგიურ, ფსიქოლოგიურ და სოციალურ მოთხოვნას უპირისპირდება, რაც მისგან ადეკვატურ რეაქციას მოითხოვს. ამგვარი მოთხოვნების მიმართ ეფექტიანი რეაგირების უნარი ადაპტაციის სახელით არის ცნობილი. ფსიქოლოგიური პროცესების და სოციალური პირობების გათვალისწინება გვიადვილებს ადამიანის ქცევის პროგნოზირებას“, - აღნიშნა ფსიქოლოგმა. მისი შეხვედრების ძირითადი თემა იყო „ადამიანის ქცევა სოციალურ გარემოში“.
შეხვედრები, ძირითადად, წარიმართა ჯგუფური ფორმატით. იყო რამდენიმე ინდივიდუალური შეხვედრაც.
სამტრედიის, ზუგდიდის (სოფელ დიდინეძში), სენაკის, წალენჯიხის და ქობულეთის ქალთა მხარდაჭერის ცენტრებში ფსიქოლოგი ეკატერინე ქვაჩაკიძე შეხვდა სკოლის პედაგოგებს, საბავშვო ბაღის აღმზრდელებს, მოსწავლეებს, რისკის ჯგუფის და სოციალურად დაუცველ ქალებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური იყო თებერვალი ფსიქოლოგ მანანა გოცირიძისთვის:
- მან ჯგუფური ფსიქოლოგიური შეხვედრა გამართა თერჯოლაში. 12 ქალთან გაიმართა საუბარი იმაზე, თუ როგორ ვლინდება მსხვერპლის სინდრომი და როგორ უნდა დაძლიოს მსხვერპლის პოზიცია. ასევე ჩატარდა ინდივიდუალური კონსულტაცია ძალადობის მსხვერპლთან.
- 12-დან 23 თებერვლამდე ქუთაისის სარეაბილიტაციო ცენტრში ძალადობის მსხვერპლთა კიდევ ერთი ჯგუფი იმყოფებოდა - ორი ქალი და ექვსი ბავშვი. მათ მიიღეს იურისტის, ფსიქოლოგისა და სოციალური მუშაკის კომპლექსური დახმარება. წასვლის წინ ერთ-ერთმა თქვა: „ძალიან ბედნიერი ვარ, რომ ასეთ შესანიშნავ ადგილას მოვხვდი. ყველა ქალი უნდა ჩამოვიდეს აქ, რათა გაიგოს თავისი მდგომარეობა და მოუსმინოს საკუთარ თავს. ჩემს უფროს ქალიშვილს ეშინოდა ფსიქოლოგის, მაგრამ იმდენად მოსწონდა, რომ ყოველდღე ელოდა საინტერესო, სასარგებლო საუბრებს“.
- პარასკევობით მიმდინარეობდა ფსიქოლოგიური რეაბილიტაცია ქუთაისის დღის ცენტრის პოლიმერულ თიხასთან მუშაობის ახალ ჯგუფთან.
- შემოვიდა 8 ზარი - ფსიქოლოგი გამოეხმაურა ბენეფიციარების ემოციურ მდგომარეობას და დაეხმარა მათ საჭიროებისამებრ.
- ონლაინ 11 ინდივიდუალური კონსულტაცია ჩატარდა რეგიონებში სხვადასხვა პლატფორმის მეშვეობით.
- ქუთაისში გაიმართა 12 ინდივიდუალური ფსიქოთერაპიული სესია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)