წარმოგიდგენთ ქალთა ფონდი „სოხუმის” ახალი კვლევის ანგარიშს "ადამიანური უსაფრთხოების განზომილებები: უსაფრთხოებისა და კეთილდღეობის გაუმჯობესება საქართველოს თემებში“, რომლის მთავარ მიზანს ორგანიზაციის ექვს სამიზნე მუნიციპალიტეტში (ზუგდიდის, წალენჯიხის, სენაკის, ქუთაისის, წყალტუბოსა და ხონის მუნიციპალიტეტები) მოსახლეობის ადამიანური უსაფრთხოების სხვადასხვა განზომილების, მათ შორის ეკონომიკური, საზოგადოებრივი, სასურსათო, პირადი, ჯანმრთელობისა და ეკოლოგიური უსაფრთხოების ხარისხის შეფასება და მოსახლეობის წინაშე არსებული უნიკალური გამოწვევების შესწავლა წარმოადგენდა.
სამიზნე მუნიციპალიტეტებში, ადამიანური უსაფრთხოების სხვადასხვა კატეგორიისა და პარამეტრის თვალსაზრისით, მოსახლეობაში უსაფრთხოების განცდა საშუალო მაჩვენებელს უტოლდება. მონაწილეთა უმეტესობამ საკუთარი უსაფრთხოების განცდა 5-ქულიან სკალაზე 3 ქულით შეაფასა, რაც უსაფრთხოებისა და კეთილდღეობის ზომიერ, საშუალო აღქმაზე მიუთითებს. ანგარიშში წარმოდგენილია დეტალური რეკომენდაციები, რაც ხელს შეუწყობს მოსახლეობის წინაშე არსებული გამოწვევების გადაჭრას და საზოგადოების კეთილდღეობისა და უსაფრთხოების გაუმჯობესებას.