შეხვედრა სამოქალაქო ჩართულობის საკითხებზე

ქუთაისში, ნიკეას 21-ში, საინფორმაციო შეხვედრა გაიმართა პრობლემების ადვოკატირების და სამოქალაქო ჩართულობის საკითხებზე.

საინიციატივო ჯგუფის წევრი მარიკა პაპავა, რომელმაც ქალთა ფონდ „სოხუმში“ გაიარა ტრენინგები, ცდილობს, თავის თემში არსებული პრობლემები განიხილოს და ყველა ბერკეტი გამოიყენოს მათ გადასაჭრელად.

დევნილთა თემში მთავარი პრობლემებია: სანიაღვრე სისტემის გაუმართაობა, დატბორილი სარდაფი და დანესტილი ფასადი.

საინიციატივო ჯგუფმა მოამზადა წერილი, რომელიც შესაბამის უწყებებს წარედგინება. რეაგირების შემდეგ უნდა მოგვარდეს პრობლემები, რომლებიც საფრთხის ქვეშ აყენებს მოსახლეობის ჯანმრთელობას.

პროექტი ხორციელდება USAID-ის ადგილობრივი თვითმმართველობის პროგრამის ფარგლებში