ფონდი „სოხუმის“ მცირე პროექტი „ძალადობის გარეშე ნაბიჯ-ნაბიჯ მშვიდობის შენებისთვის“ აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში (ქუთაისი) მშვიდობის თემაზე შესრულებული ნახატების გამოფენა-კონკურსით დასრულდა.
კონკურსში მონაწილეობა სკოლის თითქმის ყველა კლასის მოსწავლემ მიიღო. ზოგიერთმა მათგანმა რამდენიმე ნახატი მოამზადა.
მონაწილეები დაყოფილი იყო სამ კატეგორიად: პირველი-მესამე, მეოთხე-მეშვიდე, მერვე-მეთერთმეტე კლასები. სამივე ჯგუფიდან 1-ლი, მე-2 და მე-3 ადგილის მფლობელები სერტიფიკატებით და საჩუქრებით დაჯილდოვდნენ. სიმბოლური საჩუქრები გადაეცათ პროექტის იმ მონაწილეებსაც, რომლებმაც ჩაატარეს გაკვეთილები სხვადასხვა კლასის მოსწავლეებთან.
პროექტი ხორციელდება არასამთავრობო ორგანიზაციის
„ქალები განვითარებისთვის“ მხარდაჭერით (სომხეთი)
