კონფლიქტის მართვა ძალადობის პრევენციისთვის - ეს იყო მრგვალი მაგიდის თემა, რომელიც თერჯოლის ქალთა მხარდაჭერის ცენტრის ინიცირებით 25 ნოემბერს ჩატარდა და შეკრებილ საზოგადოებას ქალთა მიმართ ძალადობის წინააღმდეგ მიმართული 16-დღიანი კამპანიის გახსნა აუწყა.
„სამყარო ძალადობის გარეშე“ - თერჯოლის ქალთა მხარდაჭერის ცენტრის ინიციატივით კამპანიის ფარგლებში ქალთა ნამუშევრების გამოფენა მოეწყო. კამპანიის ფარგლებში ონლაინ ფორმატით ჩატარდა „შემოქმედ ქალთა საათი“ - ქალებმა საკუთარი ლექსები წაიკითხეს.
მონაწილეებმა აღნიშნეს, რომ მსგავსი ტიპის ღონისძიებები ხელს შეუწყობს ქალთა გაძლიერებას და საზოგადოებაში დაგროვილი აგრესიას შეამცირებს.
აქტივობებში ჩართულნი იყვნენ ადგილობრივი თვითმმართველობის და სხვადასხვა სფეროს წარმომადგენელები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური წვლილი შეიტანეს 16-დღიან კამპანიაში ფონდი „სოხუმის“ ფსიქოლოგმა და იურისტმა. მათ დისტანციურად კიდევ სამი ჯგუფური შეხვედრა გამართეს სამტრედიის, ჩოხატაურის და წალენჯიხის ქალთა მხარდაჭერის ცენტრების ბენეფიციარებთან. იურისტი შეკრებილებს ოჯახში ძალადობის წინააღმდეგ მიმართულ კანონზე ესაუბრა. ფსიქოლოგმა გაშალა ნაადრევი ქორწინების თემა - ერთ-ერთი აქტუალური პრობლემა. „არ გაათხოვო არასრულწლოვანი ქალიშვილი, მიეცი განათლება, მიეცი არჩევანი, მიეცი თავდაჯერებულობა“ - ასეთი იყო ფსიქოლოგის რჩევა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ზუგდიდის და ქობულეთის ქალთა მხარდაჭერის ცენტრების ინიცირებით მოხდა სოფლის მოსახლეობის ინფორმირება 16-დღიან კამპანიასა და მსხვერპლთა დახმარების სერვისებზე.
ქობულეთში ჩატარებულ შეხვედრას გენდერული თანასწორობის საბჭოს წარმომადგენელიც შეუერთდა და შეკრებილებს ქალთა მიმართ ძალადობის პრობლემის აქტუალობაზე ესაუბრა.
მოსახლეობის ინფორმირება მუნიციპალურ და სახელმწიფო სერვისებზე ხელს შეუწყობს პრობლემაზე რეაგირებას და ძალადობის ფაქტების შემცირებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფოტოკონკურსის ფინალი და სპეციალურად კამპანიისთვის შექმნილი კლიპების პრეზენტაცია - ასე დახურა 16-დღიანი კამპანია ქალთა ფონდმა „სოხუმმა“ 10 დეკემბერს.
ღონისძიებას ქუთაისის სახელმწიფო ისტორიულ მუზეუმში ესწრებოდნენ ქუთაისის მერი იოსებ ხახალეიშვილი, საკრებულოს დეპუტატები და სახელოვნებო სივრცის წარმომადგენლები.
16 დღეში ფონდმა „სოხუმმა“ 100-ზე მეტი აქტივობა განახორციელა ქალთა მხარდაჭერის 10 ცენტრში, 10 ახალგაზრდულ ცენტრში, დღის სარეაბილიტაციო ცენტრში. კამპანიაში აქტიურად ჩაერთო ფონდი „სოხუმის“ თბილისის წარმომადგენლობა და 16 საინიციატივო ჯგუფი, რომელიც 6 მუნიციპალიტეტში მოქმედებს და ქალებსა და ახალგაზრდებს აერთიანებს... მოეწყო საინფორმაციო და საკონსულტაციო შეხვედრები, ფორუმ-თეატრის წარმოდგენები, ტრენინგები. განსაკუთრებული იყო საქველმოქმედო აქციები, რომლის ფარგლებში ქალებს გადაეცათ მობილური ტელეფონები SAFE YOU აპლიკაციით და სხვა.
კამპანიის დახურვის დღეს ფოტოკონკურსის გამარჯვებულებმა პრიზები და მადლობის სერთიფიკატები მიიღეს.
კამპანიის დახურვა აქტიურად გააშუქა მასმედიამ.
https://www.facebook.com/watch/?v=194330156155925
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
16-დღიანი კამპანიის აქტიური მონაწილე გახდა ბაღდათის ქალთა მხარდაჭერის ცენტრი. მან მუნიციპალიტეტის გენდერული თანასწორობის საბჭოსთან ერთად მოაწყო შეხვედრა ძალადობის თემაზე. შეხვედრაზე მოწვეული იყო კრიზისული ცენტრის იურისტი, რომელმაც მსხვერპლთა დახმარების კუთხით არსებულ სერვისებზე და სამართლებრივ მექანიზმებზე ისაუბრა.
კამპანიის ფარგლებში სოფლებში გაიმართა ძალადობის თემაზე შექმნილი ფილმის ჩვენება და დისკუსიები - დაესწრნენ საჯარო მოხელეები, სამოქალაქო აქტივისტები, პედაგოგები, მოზარდების მშობლები.
ქალთა მიმართ ძალადობა ბოროტებაა და საზოგადოება ამ ბოროტებას წინ უნდა აღუდგეს - ასეთი იყო მონაწილეთა საერთო მოსაზრება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ძალადობის წრე“- ამ ფილმის განხილვამ განსაკუთრებული დისკუსიის ფონზე ჩაიარა. შეხვედრას გენდერული საბჭოს წევრებიც ესწრებოდნენ. მონაწილეებმა ხაზგასმით ისაუბრეს იმ ნეგატიურ გავლენაზე, რომელსაც ქმნის ძალადობის წრე.
მეორე ინიცირებული აქტივობა სოფელ პალურის სკოლაში ჩატარდა. საინფორმაციო შეხვედრის თემა იყო: პირველი უფლებადამცველი ქალები საქართველოში. მონაწილეებმა მოისმინეს ინფორმაცია, როგორ იცავდნენ ქალები საკუთარ უფლებებს წარსულში.შეხვედრის მონაწილეთა აზრით, 16-დღიანი კამპანია ხელს უწყობს საზოგადოებაში ანტიძალადობრივი განწყობის შექმნას.
წალენჯიხის ქალთა მხარდაჭერის ცენტრი ასე აქტიურად ჩაერთო კამპანიაში.
პროექტიხორციელდებაორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ვანის და სამტრედიის ქალთა მხარდაჭერის ცენტრებმა ძალადობის წინააღმდეგ მიმართულ კამპანიაში აქტიურად ჩართეს თვითმმართველობის წარმომადგენლები.
სამტრედიის მუნიციპალიტეტში ახალგაზრდებმა საინფორმაციო ფლაერები დაარიგეს. ვანის ქალთა მხარდაჭერის ცენტრის ორგანიზებით კი მოსწავლეებმა მოამზადეს ვიდეომიმართვა, ჩატარდა აქცია.
ამ აქტივობებით ქალთა მხარდაჭერის ცენტრებმა შეძლეს თვითმმართველობების, სკოლების, ახალგაზრდების და საზოგადოების სხვადასხვა სპექტრის ჩართვა, რაც ხელს უწყობს საზოგადოებაში არაძალადობრივი გარემოს ჩამოყალიბებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკის ქალთა მხარდაჭერის ცენტრი ძალადობის წინააღმდეგ მიმართულ კამპანიას სამი ინიცირებული აქტივობით შეუერთდა.
გენდერული თანასწორობის საბჭოსთან ერთად გამართულ შეხვედრაზე მონაწილეებმა პრობლემის აქტუალობასა და პრიორიტეტულობაზე გააკეთეს აქცენტი.
კამპანიაში სენაკის მოსწავლე ახალგაზრდობის სასახლე, ახალგაზრდული და ხელოვნების ცენტრებიც ჩაერთნენ. ახალგაზრდებმა აქცია ჩაატარეს, ფორუმ-თეატრის ელემენტებით წარმოდგენა გამართეს, თემატური ნახატები გამოფინეს და საინფორმაციო ფლაერები დაარიგეს.
ქალთა მხარდაჭერის ცენტრის ინიციატივით მე-2 სკოლის მოსწავლეებთან ჩატარდა საინფორმაციო შეხვედრა, მონაწილეებმა ძალადობის პრობლემის პრევენციულ ღონისძიებებზე ისაუბრეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დასრულდა ქალთა ფონდი "სოხუმის" მიერ ორგანიზებული მრგვალი მაგიდების შეხვედრები, რომლის მთავარი მიზანი იყო მუნიციპალური სერვისების განვითარება ქალთა მიმართ ძალადობის საკითხებზე ეფექტიანი რეაგირებისთვის - ინტერსექტორული თანამშრომლობითა და კოორდინაციით ცენტრს, რეგიონსა და მუნიციპალიტეტებს შორის.
ამჯერად, ცენტრალურ დონეს საქართველოს მთავრობის ადმინისტრაციის ადამიანის უფლებათა სამდივნოს უფროსი - მაკა ფერაძე და გენდერული თანასწორობის მუდმივმოქმედი საპარლამენტო საბჭოს წევრი - თამარ ტარიაშვილი წარმოადგენდნენ. სამეგრელო-ზემო სვანეთის სამხარეო ადმინისტრაციას კი გენდერულ საკითხებზე პასუხისმგებელი პირი - ნანა კაკაჩია.
შეხვედრის დიდი ნაწილი სამეგრელო-ზემო სვანეთის ცალკეული მუნიციპალიტეტის წარმომადგენლებს დაეთმო, რომლებმაც არსებულ მიღწევებსა და გამოწვევებზე ინფრომაცია ერთმანეთს გაუზიარეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ ფსიქოლოგი და იურისტი აქტიურად ჩაერთნენ 16-დღიან კამპანიაში. მათ ჯგუფური შეხვედრები ჩაატარეს სენაკის, თერჯოლის და ქობულეთის ქალთა მხარდაჭერის ცენტრების ბენეფიციარებთან - ესწრებოდა 49 ადამიანი. იურისტმა ისაუბრა საქართველოს კანონზე ოჯახში ძალადობის აღკვეთის და მსხვერპლთა დაცვისა და დახმარების შესახებ, ფსიქოლოგიური საუბრები კი ეხებოდა თემას „როგორ გამოვიცნოთ ფსიქოლოგიური ძალადობა და არ გავხდეთ მსხვერპლი“.
განსაკუთრებული აქცენტი გაკეთდა 16-დღიან კამპანიაზე და საზოგადოების მხრიდან მხარდაჭერის მნიშვნელობაზე.
ფსიქლოგი და იურისტი, პარალელურად, ატარებენ ინდივიდუალურ საკონსულტაციო შეხვედრებს, ეხმარებიან ქალებს თავიანთი პრობლემების მოგვარებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)