გაეროს ქალთა ორგანიზაციის ინიციატივით გაიმართა ორდღიანი სემინარი თემაზე: „ადამიანის უსაფრთხოების მონიტორინგი - გენდერულად სენსიტიური მონიტორინგის ინსტრუმენტი“.
სემინარი გამიზნულია სახალხო დამცველის აპარატის თანამშრომლებისა და არასამთავრობო ორგანიზაციების წარმომადგენლებისთვის. სემინარს უძღვება საერთაშორისო ექსპერტი ზარა ჯარვინენი, რომელმაც შეიმუშავა „გენდერულად მგრძნობიარე ადამიანის უსაფრთხოების მონიტორინგის სახელმძღვანელო“ სახალხო დამცველის აპარატისა და სამოქალაქო საზოგადოების ორგანიზაციებისთვის. ღონისძიების მიზანია, მონაწილეთა შესაძლებლობების გაძლიერება, რათა მათ შეძლონ კონფლიქტის შედეგად დაზარალებული და იძულებით გადაადგილებულ პირთა უსაფრთხოების მდგომარეობის გენდერულ ჭრილში შეფასება, მონიტორინგი, გაანალიზება და ანგარიშგება, მათ შორის ერთობლივი ძალისხმევითა და თანამშრომლობით.
სემინარში მონაწილეობდა ქალთა ფონდი „სოხუმის“ თბილისის წარმომადგენლობის ხელმძღვანელი ეკატერინე გამახარია.
ქალთა ფონდი „სოხუმის“ მიერ დასავლეთ საქართველოში მოქმედი ქალთა სამოქალაქო სექტორის წარმომადგენლებისთვის პრაქტიკული ტრენინგი ჩატარდა. ტრენინგი ეძღვნებოდა თემას: „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში.“ ტრენინგს ფონდი „სოხუმის“ თბილისის ოფისის ხელმძღვანელი - ეკატერინე გამახარია უძღვებოდა.
ტრენინგზე მონაწილეები გაეცნენ ომისა და კონფლიქტების დროს გენდერული ძალადობის ტიპიურ ფორმებს და იმსჯელეს ქალებსა და გოგონებზე და სხვა მოწყვლად ჯგუფებზე, შეიარაღებული/ძალადობრივი კონფლიქტების პირდაპირ და არაპირდაპირ ზეგავლენაზე. ტრენინგის მსვლელობისას მონაწილეები აქტიურად უზიარებდნენ ერთმანეთს ომის შემდგომი პერიოდის პირად გამოცდილებას და მსჯელობდნენ იმ სტრატეგიებზე, რომლებიც მნიშვნელოვანია ქალების ძალადობისგან ეფექტიანი დაცვისთვის.
ტრენინგი გაიმართა WAVE ქსელში გაერთიანებული ქალთა ორგანიზაციების: სექსუალური ძალადობის მსხვერპლთა კრიზისული ცენტრი“ (ერევანი, სომხეთი), ქალთა ფონდი „სოხუმი“ (ქუთაისი და თბილისი, საქართველო); გაერთიანებულ ქალთა ფონდი „ბანია ლუკა“ (ბანია ლუკა, ბოსნია და ჰერცეგოვინა) შემუშავებული ტრენინგ მოდულის გამოყენებით, რომელიც დაეყრდნო 2022 წელს გამოცემულ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში: ქალთა არასამთავრობო ორგანიზაციების გამოცდილება და რეკომენდაციები“.
გზამკვლევი ხელმისაწვდომია შემდეგ ბმულზე - https://wave-network.org/wp-content/uploads/Toolkit-Georgian.pdf?fbclid=IwAR3BARq16d_osbFVok5ogeTVDevjYSeVIkdY2zTYzR6zg0sJWSSH6wO9sa8
შერიგებისა და სამოქალაქო თანასწორობის საკითხებში სახელმწიფო მინისტრმა - თეა ახვლედიანმა, უწყების ინიციატივით დაარსებული „შერიგებისა და ჩართულობის პოლიტიკის საკითხებზე მომუშავე ექსპერტთა საკონსულტაციო საბჭოსა“ და ,,მშვიდობის მშენებლობის პროცესში ქალთა ეფექტიანი მონაწილეობის გაძლიერების საკითხებზე საკონსულტაციო პლატფორმის“ წევრებთან შეხვედრა გამართა. შეხვედრას ესწრებოდა ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია.
საბჭოსა და პლატფორმის წევრებმა გააზიარეს მოსაზრებები იმ აუცილებელი ნაბიჯების შესახებ, რაც სამშვიდობო პოლიტიკის ეფექტიანობის გაძლიერებას მოემსახურება. ფონდი „სოხუმის“ წარმომადგენელმა ხაზი გაუსვა პლატფორმის ფარგლებში თემატური შეხვედრების გამართვის და მათი რაოდენობის გაზრდის აუცილებლობას, რაც საკითხებზე თვისებრივი და დროული განხილვის შესაძლებლობას მისცემდა მონაწილეებს. ასევე, აღნიშნა თემატურ შეხვედრებში სხვადასხვა დარგობრივი უწყების ჩართვის შესახებ, რაც სამოქალაქო სექტორის მიერ სამშვიდობო ინიციატივების ირგვლივ წამოჭრილ საკითხებზე და კონფლიქტით დაზარალებული ადამიანების ინტერესებსა და საჭიროებებზე სათანადო და დროული რეაგირების ხარისხს გაზრდიდა.
ქალებზე, მშვიდობასა და უსაფრთხოებაზე გაიმართა გაეროს ღია კარის დღე, რომელიც გაეროს სააგენტოების წარმომადგენლებსა და სამოქალაქო საზოგადოებას, დევნილ და კონფლიქტის შედეგად დაზარალებულ ქალებსა და ახალგაზრდებს შორის დიალოგის წარმართვასა და ადგილებზე არსებული საჭიროებების და გამოწვევების შესახებ ინფორმაციის გაცვლას ემსახურება.
შეხვედრაში ქალთა ფონდი „სოხუმი“ წარმოდგენილი იყო დევნილ და კონფლიქტით დაზარალებულ ლიდერ ქალებთან, რომლებთან ერთად, ქალების გაძლიერებასა და არსებული პრობლემების გადაწყვეტის პროცესში მათ აქტიურ ჩართვაზე წლებია, მუშაობს.
ონლაინ რეჟიმში ფონდი „სოხუმის“ ქალთა მხარდაჭერის ცენტრების მობილიზატორებისთვის პრაქტიკული ტრენინგი ჩატარდა. ტრენინგი ეძღვნებოდა თემას: გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში. ტრენინგს ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია უძღვებოდა.
ტრენინგზე მონაწილეები გაეცნენ ომისა და კონფლიქტების დროს გენდერული ძალადობის ტიპიურ ფორმებს და იმსჯელეს ქალებსა და გოგონებზე და სხვა მოწყვლად ჯგუფებზე, შეიარაღებული/ძალადობრივი კონფლიქტების პირდაპირ და არაპირდაპირ ზეგავლენაზე.
კიშინიოვში (მოლდოვა) ეკატერინე გამახარია, ქალთა ფონდის „სოხუმის“ თბილისის წარმომადგენლობის ხელმძღვანელი, მოლდოვის სამშვიდობო მოლაპარაკებებთან შექმნილ ქალთა მრჩეველთა საბჭოს (WAB) წარმომადგენლებთან არაფორმალურ სადისკუსიო სესიას გაუძღვა. სესია გაიმართა Folke Bernadotte Academy (FBA) და UN Women-ის მხარდაჭერით, როგორც ვორკშოპის ნაწილი, რომელიც მიზნად ისახავდა საბჭოს წევრთა ადვოკატირების და მოლაპარაკებების უნარ-ჩვევების გაძლიერებას.
არაფორმალური სადისკუსიო სესიის დროს, ეკატერინემ ქალთა საბჭოს წევრებს საქართველოს სამშვიდობო პროცესებში ადგილობრივი ქალი-აქტივისტების ჩართულობის გამოცდილება გაუზიარა და დეტალურად მიმოიხილა სამშვიდობო მოლაპარაკებების დელეგატებსა და ადგილობრივ ქალთა ორგანიზაციებს შორის თანამშრომლობის დინამიკა, არსებული მიღწევები და გამოწვევები. სესია საკმაოდ ინტერაქტიულ და ღია რეჟიმში მიმდინარეობდა.
„მჯერა, გამოცდილების გაზიარების და ცოდნის გაცვლის სარგებლიანობის. შეხვედრამ დამარწმუნა, რომ მოლდოველ და ქართველ სამშვიდობო აქტივისტ ქალებს შეუძლიათ ისწავლონ ერთმანეთისგან, გააძლიერონ ერთმანეთი და გააერთიანონ ძალისხმევა ინკლუზიური მშვიდობის შენების გზაზე“, - აღნიშნა ეკატერინემ თავისი ვიზიტის შესახებ.
ინციდენტების პრევენციისა და მათზე რეაგირების მექანიზმის (IPRM) მონაწილეებისა და სამოქალაქო საზოგადოების წარმომადგენლების საინფორმაციო შეხვედრა გაიმართა. შეხვედრაში ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია და კონფლიქტის გამყოფ ზოლში მცხოვრები სათემო ლიდერი ქალები იღებდნენ მონაწილეობას.
გამართული დისკუსიის ფარგლებში ქალთა საკითხებზე მომუშავე არასამთავრობო ორგანიზაციების წარმომადგენლებმა, ასევე კონფლიქტით დაზარალებულმა, მათ შორის გამყოფი ხაზის მიმდებარე სოფლებში მცხოვრებმა და დევნილმა ქალებმა დეტალურად განიხილეს საქართველოს მიერ არაკონტროლირებად რეგიონებსა და კონფლიქტის გამყოფი ხაზის სიახლოვეს მდებარე სოფლებში არსებული მდგომარეობა, ჰუმანიტარული გამოწვევები და ადგილობრივი მოსახლეობის, მათ შორის, კონფლიქტით დაზარალებული ქალების კონკრეტული საჭიროებები. ქალებმა ხაზი გაუსვეს გამყოფი ზოლის მოსახლეობაში ფიზიკური საფრთხის გაზრდილ განცდას, განსაკუთრებით რუსი მესაზღვრეეების მიერ საქართველოს მოქალაქის მკვლელობის შემდეგ; ასევე აღინიშნა მოსახლეობაში მენტალური და ფსიქოლოგიური ჯანმრთელობის გაუარესების ტენდენცია, მძიმე სოციალურ-ეკონომიკური მდგომარეობა და საბაზისო საჭიროებებსა და მომსახურებაზე ხელმიუწვდომლობა.
ქალთა ფონდი „სოხუმის“ თბილისის ოფისის ხელმძღვანელს - ეკატერინე გამახარიას ჰქონდა პატივი, წარმოედგინა ქალთა ფონდი „სოხუმი“ და სამოქალაქო საზოგადოების ორგანიზაციები, როგორც პანელისტს კანადის უსაფრთხოების თანამშრომლობის ფორუმის თავმჯდომარისა და ირლანდიის ადამიანური განზომილების კომიტეტის მიერ ორგანიზებულ ღონისძიებაზე. ღონისძიება მიეძღვნა კრიტიკულად მნიშვნელოვან თემას - „ომის გავლენა მოქალაქეებისა და სამხედრო პირების ფსიქიკურ ჯანმრთელობაზე“.
პანელურ მომხსენებლებს შორის იყვნენ: ბატონი ალექსანდრე კლენი, უკრაინის შეიარაღებული ძალების კლინიკური ფსიქოლოგი, დოქტორი ჯულიანა სტოიანოვა, ჩრდილოეთ მაკედონიის რესპუბლიკის თავდაცვის სამინისტროს ადამიანური რესურსების დეპარტამენტის უფროსის მოადგილე, ბატონი ენდრიუ გარდნერი, ODIHR ადამიანის უფლებათა დეპარტამენტის უფროსის მოადგილე და გენერალ-მაიორი მარტ ბილოდო, ქირურგი კანადის შეიარაღებულ ძალებში.
ქალთა ფონდი „სოხუმის“ თბილისის წარმომადგენლობის ხელმძღვანელმა - ეკატერინე გამახარიამ მადრიდში WAVE ქსელის მიერ გამართულ 25-ე საერთაშორისო კონფერეციაში მიიღო მონაწილეობა. კონფერენცია მიეძღვნა თემას „ინსტიტუციური ძალადობა და მისი გავლენა ქალთა უფლებებზე ევროპაში“, რომელშიც ევროპის სხვადასხვა ქვეყნის 200-მდე ქალთა უფლებადამცველმა იმსჯელა სახელმწიფო სტრუქტურების მხრიდან ძალადობაგამოვლილ ქალთა, ქალ მიგრანტთა, შშმ პირთა მიმართ ინსტიტუციურ ძალადობაზე.
კონფერენციის დროს ეკატერინე გამახარიამ მონაწილეობა მიიღო პარალელურ პანელურ დისკუსიაში ეუთოსა (OSCE) და ქსელი WAVE-ის პროექტში ჩართულ პარტნიორ არასამთავარობო ორგანიზაციების წარმომადგენლებთან ერთად, მათ შორის: ცენტრი „ქალთა პერსპექტივები“ (ლვოვი, უკრაინა), სექსუალური ძალადობის კრიზისული ცენტრი (ერევანი, სომხეთი), ფონდი „გაერთიანებული ქალები ბანია ლუკა“ (ბოსნია&ჰერცეგოვინა), შესაძლებლობა ჰქონდა გაეზიარებინა ინფორმაცია გზამკვლევის შესახებ „გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში, ქალთა არასამთავრობო ორგანიზაციების გამოცდილება და რეკომენდაციები“ რომელშიც აღწერილია უკრაინის, სომხეთის, საქართველოს და ბოსნია-ჰერცეგოვინას ქალთა ორგანიზაციების გამოცდილება და საუკეთესო პრაქტიკები, კონფლიქტით დაზარალებული ქალების მიმართ ძალადობის პრევენციისა და რეაგირების მიმართულებით ომის, გაჭიანურებული კონფლიქტების და პოსტკონფლიქტურ პირობებში.
პრაქტიკული სახელმძღვანელო ხელმისაწვდომია აქ
სასტუმრო „თბილისი რუმსში“ გაეროს ქალთა ორგანიზაციისა და სამოქალაქო საზოგადოების პარტნიორ ორგანიზაციების - იძულებით გადაადგილებულ ქალთა ასოციაცია „თანხმობის“, ქალთა საინფორმაციო ცენტრის და ქალთა ფონდი „სოხუმის“ ორგანიზებით გაიმართა იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების გადაუდებელი საჭიროებების მოგვარების თაობაზე ადვოკატირების გაფართოებული შეხვედრა.
ღონისძიებაში მონაწილეობდნენ ეროვნული და ადგილობრივი ხელისუფლების წარმომადგენლები, სახალხო დამცველი; საქართველოს ადგილობრივ თვითმმართველობათა ეროვნული ასოციაცია; ადგილობრივი ხელისუფლება სამიზნე მუნიციპალიტეტებიდან; გარდა ამისა, შეხვედრას ესწრებოდნენ საერთაშორისო ორგანიზაციები, საქართველოში მოქმედი დონორი ორგანიზაციები, ქალების, მშვიდობისა და უსაფრთხოების დღის წესრიგზე მომუშავე საერთაშორისო არასამთავრობო ორგანიზაციები, კერძო სექტორი - ქალთა გაძლიერების პრინციპების ხელმომწერი კომპანიები, ქალთა ადგილობრივი ორგანიზაციები, იძულებით გადაადგილებული და კონფლიქტი შედეგად დაზარალებული ქალები - თემის ლიდერები.
შეხვედრაზე ყურადღება გამახვილდა ეროვნულ სამოქმედო გეგმაში ასახულ ძირითად აქტივობებზე და იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების კეთილდღეობაზე, რომლებიც ცხოვრობენ გამყოფ ხაზთან და დევნილთა დასახლებებში.