- პროტესტი ქალთა მიმართ ძალადობას, ჩვენ გვინდა ვიცხოვროთ არაძალადობრივ გარემოში, - ასეთი იყო ფონდი „სოხუმის“ ახალგაზრდა აქტივისტების განწყობა, რომლებიც ჩაერთნენ კამპანიაში „16 აქტიური დღე ქალთა მიმართ ძალადობის წინააღმდეგ“.
საინფორმაციო შეხვედრები, ვორკშოპები, აქციები, ფილმის ჩვენება და დისკუსიები - ახალგაზრდა ლიდერების ინიცირებით ამ ფორმატით დასავლეთ საქართველოს 9 მუნიციპალიტეტში გაიმართა შეხვედრები. აქტივობებში ჩართული იყვნენ: ქუთაისის 31-ე, სენაკის მე-3, ფოთის 21-ე, ხონის მე-2, ნიგვზიანის (ლანჩხუთის მუნიციპალიტეტი), დვაბზუს (ოზურგეთი მუნიციპალიტეტი), დიდი ნეძის (ზუგდიდის მუნიციპალიტეტი), გუმბრინის (წყალტუბოს მუნიციპალიტეტი), მეტლახის (თერჯოლის მუნიციპალიტეტი) საჯარო სკოლები.
ახალგაზრდები მზად არიან, ძალადობის თემაზე დისკუსიები სხვადასხვა ფორმატით მომავალშიც განაგრძონ.