სოფელ გვიშტიბის (წყალტუბოს მუნიციპალიტეტი), სოფელ ორულუს (ზუგდიდის მუნიციპალიტეტი) და ოზურგეთის მე-4 საჯარო სკოლების მოსწავლეებმა ფონდი „სოხუმის“ კონფლიქტოლოგთან ერთად კონფლიქტურ სიტუაციებში ქცევის სტილზე იმსჯელეს. თვალსაჩინო პლაკატების, კონკრეტული მაგალითების მეშვეობით მათ გააანალიზეს სიტუაციები, შეიძინეს ახალი უნარ-ჩვევები.
„გავიგე, როგორ შეიძლება კონფლიქტის მშვიდობიანი გზით მოგვარება,“ „გავეცანი „ოქროს წესს“, „მინდა, რომ მუშაობა გაგრძელდეს“, - ასე შეაფასეს ვორკშოპები სხვადასხვა სკოლის მოსწავლეებმა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)