ლენტეხის, ცაგერის და ამბროლაურის მუნიციპალიტეტებში ჩატარდა საინფორმაციო შეხვედრები სამედიცინო პერსონალთან თემაზე „ქალთა მიმართ და ოჯახში ძალადობა - ექიმების როლი ძალადობის პრევენციასა და მსხვერპლთა დახმარების კუთხით“. მონაწილეებს მიეწოდათ ინფორმაცია პროექტის ფარგლებში დაგეგმილი ტრენინგის შესახებ - რაჭა-ლეჩხუმის და ქვემო სვანეთის რეგიონის სამედიცინო პერსონალისთვის.
გაიმართა აგრეთვე საინფორმაციო შეხვედრა ლენტეხის მუნიციპალიტეტის მერთან ბადრი ლიპარტელიანთან. საუბარი შეეხო საპროექტო აქტივობებს. ადგილობრივი თვითმმართველობის მხრიდან გამოიკვეთა თანამშრომლობის სურვილი.
პროექტი ხორციელდება ფონდ Human Doc-თან პარტნიორობით
პოლონეთის საგარეო საქმეთა სამინისტროს განვითარების
თანამშრომლობის პროგრამის მხარდაჭერით