გრძელდება ქუთაისის გენდერული საბჭოს პროექტი „გენდერული ასპექტების გაძლიერება ადგილობრივი გენდერული პოლიტიკის ფორმირებაში აქტიური ჩართვისათვის“.
ტრენინგის შემდეგ, რომელშიც 21 სტუდენტი მონაწილეობდა, ჩატარდა ვორკშოპების ციკლი წერეთლის სახელმწიფო უნივერსიტეტში, ქუთაისის უნივერსიტეტსა და თბილისის სახელმწიფო უნივერსიტეტის ქუთაისის კორპუსში. ვორკშოპებში 600-ზე მეტი სტუდენტი მონაწილეობდა.
როგორც ფასილიტატორების ანგარიშებში აისახა, სტუდენტებს შორის გენდერის საკითხების მიმართ არაერთგვაროვანი დამოკიდებულებაა, რაც, მათი აზრით, ინფორმირების დეფიციტით არის გამოწვეული.
ვორკშოპების ბოლოს შემუშავდა წინადადებები სტუდენტურ საჭიროებებზე, რაც საბოლოოდ რეკომენდაციის სახეს მიიღებს და ადგილობრივ ხელისუფლებას წარედგინება.
პროექტის თანახმად, ამ ეტაპზე სტუდენტები კონფერენციისთვის ემზადებიან.