მარია სოსნიცკაია უკრაინიდანაა. ომმა საქართველოში ჩამოიყვანა. ქალთა ფონდ „სოხუმში“ გაიგო პოლიმერულ თიხაზე მუშაობის კურსების შესახებ და დაინტერესდა. ახლა ის სხვა მოსწავლეებთან ერთად სწავლობს ამ საინტერესო საქმეს. მარია კმაყოფილია სწავლების მეთოდებით. მასწავლებელ მაკა ჯიშკარიანის თქმით, ის ნიჭიერი, მონდომებული მოსწავლეა და შეუძლია ეს საქმე დამატებითი შემოსავლის წყაროდ აქციოს.
მარია აპირებს განაცხადის გაკეთებას გრანტზე, რომლის კონკურსსაც Care Caucasus აცხადებს. ჩვენი 10 უკრაინელი ბენეფიციარი მიიღებს მონაწილეობას ტრენინგზე, რომლის შემდეგაც შეუძლიათ საგრანტო პროექტის დაწერა. წინა კონკურსში სამმა უკრაინელმა მიიღო გრანტი მცირე სამეწარმეო საქმიანობისთვის. გვჯერა, ახლანდელი შედეგებიც წარმატებული იქნება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
პატარა უკრაინელი ბიჭუნა მეორე წელია, საქართველოშია დედასთან ერთად, მაგრამ ჯერაც ვერ შეეჩვია აქაურობას. ენატრება იქ დარჩენილი მამა, ახლობლები... სტრესი ქცევებშიც გამოიხატება. ამიტომ მოიყვანა ის დედიკომ ფსიქოლოგთან. ხატვა, შეხება კენჭებთან, ქვიშასთან - ამ მეთოდებით არკვევს ფსიქოლოგი მის ემოციურ მდგომარეობას. ასე ტარდება პირველი სეანსები. თანდათან ბიჭუნას მეტი სითამამე უჩნდება, შიშები ქრება, სკოლაში ბავშვებთან ურთიერთობაც ეწყობა. რასაკვირველია, დედაც მადლიერია.
7 ოჯახის წარმომადგენელთან ჩაატარა შეხვედრები ქალთა ფონდი „სოხუმის“ ფსიქოლოგმა. 15 ადამიანს გაესაუბრა - უკრაინიდან ლტოლვილს, ომგამოვლილს - და მათი განცდები გაიზიარა. მათთან მუშაობისას მთავარია ტრავმების დაძლევა, კრიზისთან გამკლავება... ზოგიერთი მათგანი პირველად იყო და ფსიქოლოგმა მათი საჭიროებები გაიგო, ზოგიერთთან კი გაგრძელდა ფსიქორეაბილიტაციის პროცესი. ასეთ მხარდაჭერას უკრაინიდან ლტოლვილი ადამიანები დიდ მნიშვნელობას ანიჭებენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ციფრებით გამოხატული მხარდაჭერა ასეთია:
ჩვენს ბაზაში 357 ადამიანია.
ოქტომბერში დაემატა 22 ახალი ადამიანი.
4 ოჯახს გადავუხადეთ კომუნალური გადასახადები.
7 ოჯახს გადავუხადეთ საცხოვრებლის ქირა.
ერთ-ერთ ონკოპაციენტს გადაეცა თანხა წამლებისთვის 300 ლარის ოდენობით.
მეორე პაციენტს აუნაზღაურდა MRT თანხა - 326 ლარი.
ფსიქოლოგის კონსულტაცია გაიარა 15-მა ადამიანმა.
საკვები პროდუქტების ვაუჩერი გადაეცა 36 ოჯახს.
ამ ყველაფერს უკრაინიდან ლტოლვილებისთვის აკეთებს ქალთა ფონდი „სოხუმი“. და ყოველი მათგანი მადლობელია ამ მხარდაჭერისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სექტემბერში აქტიურად მიმდინარეობდა უკრაინელი ლტოლვილების მხარდაჭერა. ორგანიზაციამ დახმარების ახლებური მეთოდი შეიმუშავა. გამზადებული პაკეტის (სურსათი, ჰიგიენის და საყოფაცხოვრებო ქიმიის საშუალებები) ნაცვლად შეისყიდა სუპერმარკეტის ვაუჩერები და სხვადასხვა ოდენობის ვაუჩერი დაურიგა ბენეფიციარებს.
ამ თვეში 8 ახალი ადამიანი დაემატა ჩვენს საინფორმაციო ბაზას (სულ 331 ადამიანია ბაზაში). მათთვის შეძენილ იქნა 180 ვაუჩერი და დახმარება გაეწია 110 ოჯახს (15 ოჯახს - ხელმეორედ).
უკრაინელ ლტოლვილებს, თავიანთი საჭიროებების მიხედვით სხვა დახმარებაც გაეწიათ: 6 ოჯახს გადავუხადეთ საცხოვრებლის ქირა; სამმა მიიღო თანხა კომუნალური გადასახადებისთვის; ერთ-ერთ ონკოპაციენტს დაუფინანსდა 647 ლარის ანალიზები მეორემ კი ჩვენი დახმარებით შეიძინა 286 ლარის წამლები.
ჩვენი მხარდაჭერის სამსახური ზრუნავს უკრაინელთა ფსიქოლოგიურ მდგომარეობაზეც: ერთ-ერთი ბენეფიციარი დღის სარეაბილიტაციო ცენტრში ესწრება პოლიმერულ თიხაზე მუშაობის კურსებს და ძალიან მოსწონს მეცადინეობების ფორმატი. 6 ქალი მონაწილეობდა ბათუმში გამართულ ფსიქოლოგიურ ტრენინგზე. ჩვენი ორგანიზაციის ფსიქოლოგი მანანა გოცირიძე კი თვის მანძილზე კვლავინდებურად უტარებდა მსურველებს ინდივიდუალურ კონსულტაციებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხშირად ფიქრებით ჩვენ ვიმყოფებით ან წარსულში ან მომავალში, მაგრამ სინამდვილეში ყველაფერი ხდება მხოლოდ „აქ და ამჟამად“. მაინდფულ ადამიანი ყურადღებას აქცევს ამჟამინდელ მომენტს და სრულიად მინაწილეობს ცხოვრებაში.
მაინდფულნესი (Mindfulness) ნიშნავს ყურადღების სრულ კონცენტრაციას „აქ და ამაჟამად“.
სწორედ ამ მეთოდიკით გაიმართა ბათუმში ტრენინგი და მასში მონაწილეობის მისაღებად ჩვენი დახმარებით ქუთაისიდან 6 უკრაინელი ქალი გაემგზავრა.
ტრენინგის განმავლობაში მათ იმუშავეს საინტერესო საკითხებზე: როგორ დაძლიონ შფოთვა, როგორ დაიმშვიდონ და შეიყვარონ თავი და ა.შ. ქალებმა ისწავლეს არაერთი სავარჯიშო. ისინი კმაყოფილები დარჩნენ ტრენინგით, რადგან ეს ყველაფერი სჭირდება თითოეულ მათგანს და მათი ოჯახის წევრებს, სანამ საკუთარ სახლებში დაბრუნდებიან.
ასეთი ტიპის ტრენინგები კიდევ ჩატარდება სხვა ჯგუფებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ბევრი მადლობის მესიჯი მიიღო უკრაინელი ქალებისგან ჩვენმა ასისტენტმა სოფი წირღვავამ:
- მადლობა თქვენ და თქვენს გუნდს ამ დახმარებისთვის, ამ ვაუჩერებით ისეთი რამეები ვიყიდეთ, რის ფუფუნებასაც ადრე არ ვაძლევდით ჩვენს თავს.
- სასკოლო ნივთები შევიძინეთ ბავშვებისთვის.
- აქციები იყო ბევრ რამეზე, 1+1 და ბევრი სურსათი მოგვივიდა.
- ფასდაკლებებით და აქციებით საკმაოდ ბევრი რამ ვიყიდეთ. გაგახარათ ღმერთმა!
უკრაინელი ლტოლვილების მხარდასაჭერად ჩვენმა ორგანიზაციამ შეისყიდა სუპერმარკეტის ვაუჩერები და სურსათის და ჰიგიენის საშუალებების პაკეტის ნაცვლად სხვადასხვა ოდენობის ვაუჩერი დაურიგა ბენეფიციარებს.
სექტემბერში გაიცა 100-ლარიანი 180 ვაუჩერი - ოჯახის წევრების რაოდენობის მიხედვით უკრაინელებმა მიიღეს ერთი, ორი თუ სამი ვაუჩერი. დახმარება გაეწია 110 ოჯახს (15 ოჯახს - ხელმეორედ).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოში American Spaces-ის საზაფხულო ბანაკს ქუთაისში მცხოვრები უკრაინელი მოზარდებიც შეუერთდნენ ჩვენი დახმარებით. „სონიაშნიკის“ პროგრამის ფარგლებში, აშშ-ის საელჩოს დაფინანსებით, მათ ბანაკში ოთხი დღე გაატარეს მხიარულად და საინტერესოდ. ბავშვებმა ქართველი მეგობრები გაიცნეს და დაუმეგობრდნენ. მშობლებმა მადლობა გადაგვიხადეს, რადგან ჩვენ ყოველთვის ვუზიარებთ მათ სასარგებლო ინფორმაციებს.
სასიხარულოა, რომ ჩვენმა ერთ-ერთმა ბენეფიციარმა ვიქტორია კრავჩენკომ დაასრულა მანიკურის კურსი. ერთ-ერთი ორგანიზაციისგან კი სამმა ქალმა გრანტი მიიღო: იულია რეზვანმა - საცხობის აღჭურვილობისთვის, ეკატერინა მირნაიამ - ავტოსამრეცხაოსთვის და ირინა კოზაკმა - აფრო-ნაწნავების გასაკეთებლად. ყოველივე ეს ხელს შეუწყობს მათი ოჯახების ეკონომიკური მდგომარეობის გაუმჯობესებას.
უკრაინიდან ლტოლვილებისთვის არცთუ მცირე მნიშვნელობა აქვს ფსიქოლოგიურ მხარდაჭერას, რომელსაც ისინი იღებენ ფონდ „სოხუმში“. ჩვენ ვაცნობეთ, რომ ფსიქოლოგიურ კონსულტაციებს მათთვის ასევე ახორციელებს გერმანული ორგანიზაცია CRISP. მსურველებმა შეავსეს კითხვარი და მიიღებენ მათთვის საჭირო სერვისს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფსიქოლოგი მანანა გოცირიძე შეხვდა 5 ოჯახის 17 წევრს, რომლებიც ომის გამო ჩამოვიდნენ უკრაინიდან საქართველოში. მათ ჩვენს ორგანიზაციაში მიიღეს დახმარება არა მარტო საჭირო სურსათით, არამედ ფსიქოლოგიური პრობლემების მოგვარების მხრივაც. ფსიქოლოგმა მათთან დაიწყო მუშაობა ტრავმებზე, სტრესზე... როგორც უკრაინელებმა აღნიშნეს, ასეთი მხარდაჭერა განსაკუთრებით კარგია ომგამოვლილი ადამიანებისთვის, მათი ასაკის მიუხედავად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
უკრაინის დამოუკიდებლობის დღე თბილისში მსვლელობით აღინიშნა. მსვლელობაში, ძირითად, უკრაინის მოქალაქეები მონაწილეობდნენ. ქალაქის ქუჩებში ისმოდა უკრაინის ჰიმნი, მონაწილეებს კი ხელში ეჭირათ სიმბოლურად შეკერილი, 32 მეტრის სიგრძის დროშა, რადგან დამოუკიდებელი უკრაინა 32 წლის გახდა.
უკრაინის მთავარი დღე აღინიშნა ქუთაისშიც. ჩვენმა ორგანიზაციამ ჩვენი თანაქალაქელების მიერ ორგანიზებულ სოლიდარობის აქციაში ჩართო უკრაინელი ბენეფიციარები. აქცია თეთრ ხიდზე გაიმართა.
მეორე წელია, უკრაინა და სხვადასხვა ქვეყნებში გაბნეული უკრაინელები დამოუკიდებლობის დღეს რუსეთთან ომის პირობებში აღნიშნავენ. თავიანთი ქვეყნის დიდი სიყვარულით, მონატრებით და შინ დაბრუნების იმედით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აირჩიე ბლოგის თემა - ქალები უკრაინიდან...
ჩვენს ვებგვერდზე არის ამის შესაძლებლობა და...
არის ამბები ქალებზე, რომლებიც უკრაინიდან ჩამოვიდნენ საქართველოში. ჩამოვიდნენ ცოტა ხნით, ომის დამთავრებამდე, მაგრამ ჯერ აქ არიან. ჯერ კიდევაა ომი...
ბლოგის ავტორია ლალი შენგელია, თვითონაც ომგამოვლილი, რომლისთვისაც მახლობელია უკრაინელი ქალების ტკივილი, დარდი, მონატრება, იმედი...
ამბებშიც ეს ჩანს: როგორ ტკივათ, რაც მოხდა, როგორ დარდობენ იქ დარჩენილ ახლობლებზე, როგორ ენატრებათ სახლი, მეზობლები და იმედი - რომ მალე შეძლებენ დაბრუნებას.
ყველა ისტორია საინტერესო და უნიკალურია: ანა უკრაინის ხსენებაზე სულ ტირის, ნატალიამ მეორე შვილის გაჩენა გადაწყვოტა ქუთაისში, ლიუბოვი ახლობლებთან ჩამოვიდა, მაგრამ ისევ დაბრუნდა უკრაინაში. მეორე ნატალიამ კი ხელახლა იპოვა ბედნიერება - განქორწინებულ ქმარს შეურიგდა და ბავშვიც უზომოდ ბედნიერია... კიდევ უამრავი საინტერესო ამბავს წაიკითხავთ ბლოგში
https://blogofwomanfundsukhumi.tilda.ws/#blog4
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)