წყალტუბოს ქალთა საინიციატივო ჯგუფის წევრები ჩართულნი იყვნენ გამოკითხვის პროცესში, რომელიც სხვადასხვა ფორმატით ჩატარდა. ჯგუფის შეხვედრის დროს მონაწილეებმა შესრულებული საქმიანობა შეაფასეს. მათი აზრით, ყველამ შეძლო გამოკითხვის ჩატარება რაოდენობრივი და თვისებრივი მეთოდებით.
შეხვედრის მეორე ნაწილში მონაწილეებმა მიიღეს დამატებითი ინფორმაციები, ტექნიკურად როგორ უნდა დაიგეგმოს, მომზადდეს და ჩატარდეს ფოკუს-ჯგუფები, რა უნდა გაკეთდეს იმისთვის, რომ შიდა დისკუსიისას არ დაიკარგოს მთავარი ფოკუსი. ინტერაქტიულად, კონკრეტული მაგალითებით განხილულ იქნა აქტიურ და პასიურ მონაწილეთა ტიპები, ფასილიტაციის ძირითადი პრინციპები.
ტოლერანტობა და კონფლიქტი იყო განხილვის თემა ახალგაზრდულ საინიციატივო ჯგუფთან საინფორმაციო შეხვედრაზე. მონაწილეებმა თვითპრეზენტაციით უპასუხეს კითხვებს: რამდენად ტოლერანტული ვარ და როგორია ჩემი ტოლერანტობის ხარისხი.
კონკრეტულ შემთხვებზე საუბრისას შენიშნეს, რომ კონფლიქტურ სიტუაციაში რთულია იყო ტოლერანტული, რადგან ბოდიშის მოხდას, პატიებას, წყენის დავიწყებას უკავშირდება. მათი აზრით, ნებისმიერი ადამიანი უნდა გრძნობდეს პასუხისმგებლობას, პატივი სცეს გარშემომყოფთ, რაც შეამცირებს კონფლიქტურ სიტუაციებს საზოგადოებაში.
პროექტი ხორციელდება USAID-ის მხარდაჭერით
