მორიგი საინფორმაციო შეხვედრა ჩატარდა წალენჯიხის მუნიციპალიტეტის სოფელ ფახულანისა და ზუგდიდის მუნიციპალიტეტის სოფელ დიდინეძისა და კოკის ქალთა საინიციატივო ჯგუფის წევრებთან.
შეხვედრები მიეძღვნა პროექტით გათვალისწინებული კვლევის - "სოციალურ - პოლიტიკურ ცხოვრებასა და ეკონომიკურ საქმიანობაში ქალთა მონაწილეობის ბარიერებისა და შესაძლებლობების შესახებ" ტექნიკური მხარის შეფასებას.
მონაწილეებმა ისაუბრეს თუ როგორ დაგეგმეს კვლევის ჩატარების პროცესი, რა ხელისშემსლელი და ხელისშემწყობი ფაქტორები დაინახეს მუშაობის პროცესში. თითოეული გამომსვლელი საუბრობდა საკუთარი მაგალითების გამოყენებით.
ერთმანეთს უზიარებდნენ ჯგუფებთან მუშაობის სირთულეებს.
საუბრობდნენ როგორ შეძლეს ინტერვიუს ჩაწერა, რესპონდენტებთან პირისპირ საუბარი.
მონაწილეებმა მიიღეს რჩევები ფასილიტაციის ძირითად პრინციპებზე.
ასევე, ჯგუფის წევრებთან განვიხელეთ სამომავლო გეგმები.
პროექტი ხორციელდება USAID-ის მხარდაჭერით
სენაკის ქალთა საინიციატივო ჯგუფების წევრებმა თებერვალში გამართულ შეხვედრაზე მათ მიერ განხორცილებული კვლევის მიმდინარეობაზე ისაუბრეს.
მიღებული მასალების ანალიზით გამოიკვეთება ის ბარიერები, რომელიც ხელს უშლის ქალთა ჩართულობას საზოგადოებრივ-პოლიტიკურ და ეკონომიკურ საქმიანობაში.
მონაწილეეებმა ინფორმაციის შეგროვების პროცესში მიღებული გამოცდილება დადებითად შეაფასეს.
მათი აზრით, ტრენინგზე მიღებულმა უნარებმა მნიშვნელოვნად გაზარდა მათი კომპეტენცია. აღინიშნა, რომ სწორად შერჩეული რესპონდენტები და ფასილიტაციის უნარები დაეხმარა მათ, მიეღოთ კვლევისთვის საჭირო ინფორმაცია.
პროექტი ხორციელდება USAID-ის მხარდაჭერით
7 თებერვალს ჩატარდა საინფორმაციო შეხვედრა ქუთაისის ახალგაზრდული კლუბის წევრებთან.
ახალგაზრდებმა მიიღეს ინფორმაცია თუ რა შედეგები შეიძლება გამოიწვიოს გენდერულმა უთანასწორობამ:
ძალადობა, უთანხმოება, აზრთა შეუთანხმლებლობა, შიში(ძირითადად მაშინ, როდესაც ქალი ძალადობის ზემოქმედების ქვეშაა), სოციალური პრობლემები, ასევე შეიძლება პიროვნებას არასრულფასოვნების კომპლექსი გაუჩნდეს.
საინტერესოდ დააფიქსირეს მონაწილეებმა თავიანთი მოსაზრებები:
-„საინტერესო იყო შეხვედრა, სადაც ვცრლად და კონკრეტულად გადმოგვცეს თუ რა არის გენდერი და რას ნიშნავს გენდერული თანასწორობა“;
- „ქალი და კაცა თანაბარუფლებიანია ყველა საკითხში“.
პროექტი ხორციელდება USAID-ის მხარდაჭერით
ხონის მუნიციპალიტეტში, სამხედრო დასახლებაში მცხოვრებმა ქალთა საინიციატივო ჯგუფის წევრებმა წარმატებით დაასრულეს ჩაღრმავებული ინტერვიუების ჩატარების პროცესი.
სწორედ, იმ მიღწევებზე, გამოწვევებზე და სირთულეებზე ისაუბრეს მათ საინფორმაციო შეხვედრაზე, რომელიც 04 თებერვალს ჩატარდა.
ინტერვიუერებმა აღნიშნეს, რომ, ძალიან საინტერესო რესპონდენტები ყავდათ და სხვებსაც გაუზიარეს თავიანთი ემოციები.
პროექტი ხორციელდება USAID-ის მხარდაჭერით
ხონის მუნიციპალიტეტის ქალთა საინიციატივო ჯგუფმა წარმატებით დაასრულა ფოკუს ჯგუფების ჩატარების პროცესი
ხონის მუნიციპალიტეტში ქალთა 2 საინიციატივო ჯგუფია.
წარმატებით ჩაიარა ფოკუს ჯგუფების ჩატარების პროცესმა, რაზეც ხონის ქალთა საინიციატივო ჯგუფის წევრებმა ისაუბრეს.
ფოკუს ჯგუფებში მონაწილეობისას რესპონდენტებმა შეძლეს არამარტო საკუთარი აზრის დაფიქსირება, არამედ გამოთქვეს სურვილი საინიციატივო ჯგუფში გაწევრიანებაზეც.
ასევე, ხაზგასასმელია ის ფაქტორიც, რომ ხონის საინიციატივო ჯგუფის წევრებმა მოახერხეს მოსახლეობაში არსებული სტერეოტიპების გარღვევა და თავისი საქმიანობით შეძლეს ქალის, ეკონომიკასა და პოლიტიკაში არსებულ როლზე შეხედულების შეცვლა.
ეს უდაოდ დიდი წინსვლაა...
პროექტი ხორციელდება USAID-ის მხარდაჭერით
მშვიდობის შენება, ნდობის აღდგენა. - ამ საკითხებზე გაიმართა ტრენინგი წყალტუბოს ახალგაზრდული ჯგუფის წევრებისთვის.
მონაწილეებმა იმსჯელეს მშვიდობის მშენებლობისა და ნდობის აღდგენის მექანიზმებზე. ინტერაქტიული ჩართულობით დაფიქსირდა მათი პოზიციებიც განსახილველი საკითხების მიმართ.
„ნდობის გარეშე ვერ ააგებ ურთიერთობას, ჯერ უნდა ენდო და მერე დაიწყო ურთიერთობა.
მშვიდობა გულისხმობს ნდობას, მშვიდობა იწყება ნდობით, სხვანაირად ვერ ააშენებ ურთიერთობას”..- ასეთი იყო მონაწილეთა საერთო პოზიციები.
როგორ მოვიპოვოთ ნდობა, რა უშლის ხელს ნდობის აღდგენას? - დისკუსიისას დასმულ ამ კითხვაზე მონაწილეებმა ცალსახად დააფიქსირეს, რომ ნებისმიერ ურთიერთობაში აუცილებელია სწორი ანალიზი და სტერეოტიპული მიდგომების მსხვრევა, რათა ვენდოთ და გვენდობოდნენ.
პროექტი ხორციელდება USAID-ის მხარდაჭერით
აქტიური სამუშაო პერიოდი აქვთ კოკის და დიდი ნეძის (ზუგდიდის მუნიიპალიტეტი) ქალთა საინიციატივო ჯგუფებს. ჯგუფის წევრები კვლევაში არიან ჩართულნი: ფოკუს-ჯგუფებსა და ჩაღრმავებულ ინტერვიუებს ატარებენ. კვლევის მიზანია იმ ბარიერების გამოვლენა, რომლებიც ხელს უშლის ქალთა ჩართულობას საზოგადოებრივ-პოლიტიკურ და ეკონომიკურ საქმიანობაში.
კოკის ახალგაზრდული საინიციატივო ჯგუფს კი სხვა დღის წესრიგი აქვს. მორიგ შეხვედრაზე ფონდი „სოხუმის“ იურისტი ახალგაზრდებს ესაუბრა თემაზე „ნაადრევი ქორწინება“. არასრულწლოვანთა ქორწინება საქართველოში კვლავაც პრობლემას წარმოადგენს. გარდა იმისა, რომ ნაადრევი ქორწინება ადამიანის უფლებების დარღვევაა, მას ფიზიკური და ფსიქიკური ჯანმრთელობის უარყოფითი შედეგები ახლავს.
შეხვედრის ბოლოს ჯგუფის წევრების უკუკავშირი იყო ასეთი:
- შეხვედრა იყო ცოდნის მომცემი, საინტერესო და დამაფიქრებელი.
- გავიგე ნაადრევი ქორწინების შემდგომ რისკებზე და დასჯის მეთოდებზე.
- აუცილებელია მსგავსი შეხვედრების ჩატარება მოზარდებთან.
პროექტი ხორციელდება USAID-ის მხარდაჭერით
ხონის ქალთა საინიციატივო ჯგუფები კვლევის პროცესში არიან ჩართულები. მალე პირველი შედეგებიც გამოჩნდება. მორიგ შეხვედრებზე ორივე ჯგუფის წევრებმა განიხილეს ფოკუს-ჯგუფების და ჩაღრმავებული ინტერვიუების ჩატარების ტექნიკა და ვადები, განსაზღვრეს რესპონდენტთა კატეგორიები. ჯგუფის წევრების გამოცდილება ხელშემწყობი ფაქტორია დავალების წარმატებით შესრულებისთვის.
ახალგაზრდული ჯგუფის წევრებთან იურისტმა ბავშვთა უფლებებისა და ნაადრევი ქორწინების შესახებ ისაუბრა. შეხვედრა ინტერაქტიული იყო. მოსწავლეებმა ბევრი შეკითხვა დასვეს და ამომწურავი პასუხებიც მიიღეს.
პროექტი ხორციელდება USAID-ის მხარდაჭერით
ხონის მუნიციპალიტეტში ქალთა საინიციატივო ორი ჯგუფია. მათთან ჩატარდა ონლაინ შეხვედრები, სადაც განიხილეს ანკეტირების ჩატარების ტექნიკური მხარე, ვადები და განსაზღვრეს ბენეფიციარები. ჯგუფის წევრებს აქვთ მსგავსი გამოცდილება, რაც ხელს შეუწყობს წარმატებულ გამოკითხვას.
ონლაინ ჩატარდა საინფორმაციო შეხვედრა ახალგაზრდული ჯგუფის წევრებთანაც. მათ 16-დღიანი საერთაშორისო კამპანიის შესახებ ისაუბრეს, კამპანიის ფარგლებში ჩატარებულ ღონისძიებებსა და მიღებულ პრაქტიკაზე.
დეკემბრის დასაწყისში ჯგუფის წევრებს ტრენინგიც ჩაუტარდათ მშვიდობისა და ნდობის შენების საკითხებზე. ონლაინ ფორმატის მიუხედავად, ტრენინგი ინტერაქტიური იყო - მონაწილეებმა გამოავლინეს თავიანთი გამოცდილება და ბევრი სიახლეც გაიგეს.
პროექტი ხორციელდება USAID-ის მხარდაჭერით
ქუთაისის ქალთა საინიციატივო ჯგუფის წევრები აქტიურად ჩაერთნენ ონლაინ შეხვედრაში. კვლევის დაწყების წინ მათ მიიღეს კონსულტაციები და განსაზღვრეს სამიზნე ბენეფიციარები. მოხდა კონკრეტული შემსრულებლების განაწილება და დადგინდა კვლევის ჩატარების ვადები. ანკეტირება 150 ადამიანს მოიცავს.
ონლაინ ჩატარდა ახალგაზრდული ჯგუფის შეხვედრაც. ჯგუფის წევრებმა ისაუბრეს 16-დღიანი საერთაშორისო კამპანიის ფარგლებში ჩატარებული ინიცირებული ღონისძიებების შესახებ. ისინი გმობენ ძალადობას და მათი მოსაზრებით, აქტიური საინფორმაციო მუშაობა ხელს უწყობს ცნობიერების ამაღლებას.
პროექტი ხორციელდება USAID-ის მხარდაჭერით