უწყებათაშორისი კომისიის აქტივობები ვანში

მუშაობის გააქტიურებისკენ იყო მიმართული ინიციატივა, რომელიც ვანის  მუნიციპალიტეტის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის“ წევრებმა განახორციელეს.

სამოქალაქო ინიციატივა საინფორმაციო კამპანიას მოიაზრებდა. შეხვედრების ორგანიზებასა და ჩატარებაში აქტიურად ჩაერთნენ უწყებათაშორისი კომისიის წევრები. ისინი შეხვდნენ მერის წარმომადგენლებს, სოფლების ამბულატორიების პერსონალს, აქტივისტ ქალებს.

შეხვედრების მონაწილეებმა მიიღეს ინფორმაცია არა მარტო უწყებათაშორისი კომისიის, არამედ თავიანთი უწყებების ფუნქციის შესახებ ოჯახში ძალადობაზე რეაგირების კუთხით.  განსაკუთრებული აქცენტი გაკეთდა მერის წარმომადგენლების და სოფლის ექიმების როლზე კონკრეტული ქეისების გამოვლენაში.

პროექტი ხორციელდება  გენდერული თანასწორობის ფონდის მხარდაჭერით (კანადა)