კიდევ ერთი საფინალო დღე - ფონდი „სოხუმის“ დღის ცენტრში მუშაობა დაასრულა ჭრა-კერვის კურსმა. პროექტის მიმდინარეობისას მონაწილეები დაეუფლნენ კერვის ტექნიკას, კარგად შეისწავლეს ყველა აუცილებელი ნიუანსი. შემაჯამებელ გაკვეთილზე წარმოდგენილი იყო მათი ნაშრომები, რომლებმაც მოწონება დაიმსახურა.
მონაწილეთა განმარტებით, კურსი დაეხმარა მათ, გამხდარიყვნენ უფრო მოტივირებულები. გაუჩნდათ სურვილი, რეალობად აქციონ საკუთარი იდეები სამომავლოდ მცირე ბიზნესის წამოწყებასთან დაკავშირებით, რაც მათ ცხოვრებას მნიშვნელოვნად გააუმჯობესებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
100 მონაწილე. და შეხვედრების ფართო გეოგრაფია: ბაღდათი, ვანი, ჩოხატაური, თერჯოლა, ტყიბული.
დეკემბრის პირველ ნახევარში ამ ხუთი მუნიციპალიტეტის ახალგაზრდებთან გაიმართა ტრენინგები თემაზე: კონფლიქტის მოგვარების გზები. ტოლერანტობის პრობლემა მოზარდებში.
მონაწილეები გახსნილად საუბრობდნენ პრობლემებზე, მოჰყავდათ მაგალითები, მსჯელობდნენ მოგვარების გზებზე.
ტრენინგებში აქტიურად ჩაერთნენ პედაგოგები და შემდეგ დაეხმარნენ მოზარდებს სხვადასხვა აქტივობის მომზადებაში. ამ ჯგუფებმა 35 ინიცირებული ღონისძიება ჩაატარეს და ყველა მიუძღვნეს საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საერთო აქტივობები ადგილობრივ თვითმმართველობებთან ერთად, შეხვედრები სხვადასხვა თემის წარმომადგენლებთან, ვორკშოპი სკოლის მოსწავლეებთან - ასეთი აქტივობები ჰქონდათ ტყიბულისა და ჩოხატაურის ქალთა მხარდაჭერის ცენტრებს ძალადობის წინააღმდეგ მიმართული კამპანიის დღეებში.
მონაწილეების მოსაზრებით, საერთაშორისო კამპანიაში ჩართულობა შესაძლებლობას აძლევს საზოგადოებას, იფიქროს პრობლემის მასშტაბებზე და ყველა სტრუქტურამ საკუთარი პასუხისმგებლობა გააცნობიეროს ძალადობის პრევენციის კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ამ პატარა ვიდეორგოლში არის მხარდაჭერა, გამხნევება, მოწოდება...
ძალადობა დანაშაულია!
იცხოვრე ძალადობის გარეშე!
არ გაჩუმდე!
იმოქმედე!
შენ არ ხარ მარტო!
ამბობენ ქალთა ფონდი „სოხუმის“ თანამშრომლები, რომლებიც აქტიურად მუშაობენ ოჯახში ძალადობის წინააღმდეგ.
ვიდეორგოლი 16-დღიანი კამპანიის ფარგლებში შეიქმნა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კონფლიქტის მართვა ძალადობის პრევენციისთვის - ეს იყო მრგვალი მაგიდის თემა, რომელიც თერჯოლის ქალთა მხარდაჭერის ცენტრის ინიცირებით 25 ნოემბერს ჩატარდა და შეკრებილ საზოგადოებას ქალთა მიმართ ძალადობის წინააღმდეგ მიმართული 16-დღიანი კამპანიის გახსნა აუწყა.
„სამყარო ძალადობის გარეშე“ - თერჯოლის ქალთა მხარდაჭერის ცენტრის ინიციატივით კამპანიის ფარგლებში ქალთა ნამუშევრების გამოფენა მოეწყო. კამპანიის ფარგლებში ონლაინ ფორმატით ჩატარდა „შემოქმედ ქალთა საათი“ - ქალებმა საკუთარი ლექსები წაიკითხეს.
მონაწილეებმა აღნიშნეს, რომ მსგავსი ტიპის ღონისძიებები ხელს შეუწყობს ქალთა გაძლიერებას და საზოგადოებაში დაგროვილი აგრესიას შეამცირებს.
აქტივობებში ჩართულნი იყვნენ ადგილობრივი თვითმმართველობის და სხვადასხვა სფეროს წარმომადგენელები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური წვლილი შეიტანეს 16-დღიან კამპანიაში ფონდი „სოხუმის“ ფსიქოლოგმა და იურისტმა. მათ დისტანციურად კიდევ სამი ჯგუფური შეხვედრა გამართეს სამტრედიის, ჩოხატაურის და წალენჯიხის ქალთა მხარდაჭერის ცენტრების ბენეფიციარებთან. იურისტი შეკრებილებს ოჯახში ძალადობის წინააღმდეგ მიმართულ კანონზე ესაუბრა. ფსიქოლოგმა გაშალა ნაადრევი ქორწინების თემა - ერთ-ერთი აქტუალური პრობლემა. „არ გაათხოვო არასრულწლოვანი ქალიშვილი, მიეცი განათლება, მიეცი არჩევანი, მიეცი თავდაჯერებულობა“ - ასეთი იყო ფსიქოლოგის რჩევა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ზუგდიდის და ქობულეთის ქალთა მხარდაჭერის ცენტრების ინიცირებით მოხდა სოფლის მოსახლეობის ინფორმირება 16-დღიან კამპანიასა და მსხვერპლთა დახმარების სერვისებზე.
ქობულეთში ჩატარებულ შეხვედრას გენდერული თანასწორობის საბჭოს წარმომადგენელიც შეუერთდა და შეკრებილებს ქალთა მიმართ ძალადობის პრობლემის აქტუალობაზე ესაუბრა.
მოსახლეობის ინფორმირება მუნიციპალურ და სახელმწიფო სერვისებზე ხელს შეუწყობს პრობლემაზე რეაგირებას და ძალადობის ფაქტების შემცირებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფოტოკონკურსის ფინალი და სპეციალურად კამპანიისთვის შექმნილი კლიპების პრეზენტაცია - ასე დახურა 16-დღიანი კამპანია ქალთა ფონდმა „სოხუმმა“ 10 დეკემბერს.
ღონისძიებას ქუთაისის სახელმწიფო ისტორიულ მუზეუმში ესწრებოდნენ ქუთაისის მერი იოსებ ხახალეიშვილი, საკრებულოს დეპუტატები და სახელოვნებო სივრცის წარმომადგენლები.
16 დღეში ფონდმა „სოხუმმა“ 100-ზე მეტი აქტივობა განახორციელა ქალთა მხარდაჭერის 10 ცენტრში, 10 ახალგაზრდულ ცენტრში, დღის სარეაბილიტაციო ცენტრში. კამპანიაში აქტიურად ჩაერთო ფონდი „სოხუმის“ თბილისის წარმომადგენლობა და 16 საინიციატივო ჯგუფი, რომელიც 6 მუნიციპალიტეტში მოქმედებს და ქალებსა და ახალგაზრდებს აერთიანებს... მოეწყო საინფორმაციო და საკონსულტაციო შეხვედრები, ფორუმ-თეატრის წარმოდგენები, ტრენინგები. განსაკუთრებული იყო საქველმოქმედო აქციები, რომლის ფარგლებში ქალებს გადაეცათ მობილური ტელეფონები SAFE YOU აპლიკაციით და სხვა.
კამპანიის დახურვის დღეს ფოტოკონკურსის გამარჯვებულებმა პრიზები და მადლობის სერთიფიკატები მიიღეს.
კამპანიის დახურვა აქტიურად გააშუქა მასმედიამ.
https://www.facebook.com/watch/?v=194330156155925
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
16-დღიანი კამპანიის აქტიური მონაწილე გახდა ბაღდათის ქალთა მხარდაჭერის ცენტრი. მან მუნიციპალიტეტის გენდერული თანასწორობის საბჭოსთან ერთად მოაწყო შეხვედრა ძალადობის თემაზე. შეხვედრაზე მოწვეული იყო კრიზისული ცენტრის იურისტი, რომელმაც მსხვერპლთა დახმარების კუთხით არსებულ სერვისებზე და სამართლებრივ მექანიზმებზე ისაუბრა.
კამპანიის ფარგლებში სოფლებში გაიმართა ძალადობის თემაზე შექმნილი ფილმის ჩვენება და დისკუსიები - დაესწრნენ საჯარო მოხელეები, სამოქალაქო აქტივისტები, პედაგოგები, მოზარდების მშობლები.
ქალთა მიმართ ძალადობა ბოროტებაა და საზოგადოება ამ ბოროტებას წინ უნდა აღუდგეს - ასეთი იყო მონაწილეთა საერთო მოსაზრება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ძალადობის წრე“- ამ ფილმის განხილვამ განსაკუთრებული დისკუსიის ფონზე ჩაიარა. შეხვედრას გენდერული საბჭოს წევრებიც ესწრებოდნენ. მონაწილეებმა ხაზგასმით ისაუბრეს იმ ნეგატიურ გავლენაზე, რომელსაც ქმნის ძალადობის წრე.
მეორე ინიცირებული აქტივობა სოფელ პალურის სკოლაში ჩატარდა. საინფორმაციო შეხვედრის თემა იყო: პირველი უფლებადამცველი ქალები საქართველოში. მონაწილეებმა მოისმინეს ინფორმაცია, როგორ იცავდნენ ქალები საკუთარ უფლებებს წარსულში.შეხვედრის მონაწილეთა აზრით, 16-დღიანი კამპანია ხელს უწყობს საზოგადოებაში ანტიძალადობრივი განწყობის შექმნას.
წალენჯიხის ქალთა მხარდაჭერის ცენტრი ასე აქტიურად ჩაერთო კამპანიაში.
პროექტიხორციელდებაორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)