ჟურნალისტური და პედაგოგიური საქმიანობის  თითქმის  40 წლის მანძილზე, შეიძლება ითქვას, განუწყვეტლივ  ვმუშაობდი საკუთარ თავზე, ძალიან ბევრს ვკითხულობდი, ვსწავლობდი, სისტემატურად სრულვყოფდი წერის კულტურას, ვიმდიდრებდი  ლექსიკას,  ვამუშავებდი გამოსახვის ფორმებსა და ჟანრულ სპეციფიკას, თვალს ვადევნებდი  მედიის განვითარებასა და ახალ ტექნოლოგიებს.შეიძლება ითქვას, არასოდეს არავისთვის მომითხოვია საკუთარი მოვალეობის შესრულება ისე მკაცრად, როგორც საკუთარი თავისთვის. ჟურნალისტს ხომ, პროფესიული ცოდნის გარდა, ეთიკური სტანდარტების დაცვა და საზოგადოებრივი ინტერესების მუდმივი თანადგომა ევალება.

ჩემი გზა საქალაქო და რეგიონულ პრესაში  ასეთია: სხვადასხვა დროს ვიყავი გაზეთ „ქუთაისის“ კორესპონდენტი და ლიტერატურული მუშაკი, „იმერეთის მოამბის“ განყოფილების რედაქტორი, „ახალი ქუთაისის“ რედაქტორის“ მოადგილე, „პოსტსკრიპტუმის“ (“P.S.“)რედაქტორი, ერთდროული თემატური ჟურნალ-გაზეთების რედაქტორი. პარალელურად ვმუშაობდი  ახალგაზრდობასთან: გარდა იმისა, რედაქციებში ახალგაზრდა ჟურნალისტების თაობებს ვზრდიდი, წლების მანძილზე ვიყავი მოსწავლე ახალგაზრდობის სასახლის ნორჩ ჟურნალისტთა წრის ხელმძღვანელი, ლექციებს ვკითხულობდი  სახელმწიფო და კერძო უმაღლესი სასწავლებლების, პროფესიული კოლეჯების ჟურნალისტიკის ფაკულტეტებზე. ჩემს  შეგირდებს შორის ბევრი ცნობილი  ჟურნალისტია, რედაქტორია, ან წარმატებით საქმიანობს სამეცნიერო,შემოქმედებით,  პედაგოგიურ, საზოგადოებრივ ასპარეზზე, არასამთავრობო ორგანიზაციებში, 15-მდე პროფესორია, ორი „საბას“ პრემიის ლაურეატი - სამწერლო მიღწევებისათვის, არაერთი წარმატებულ სამეცნიერო - შემოქმედებით საქმიანობას ეწევა საზღვარგარეთ.

ახალგაზრდული საინიციატივო ჯგუფების პროექტები დასასრულს მიუახლოვდა.

30-ზე მეტი საინტერესო და სასარგებლო აქტივობა განახორციელეს ჯგუფების წევრებმა:

დასუფთავებისა და გამწვანების აქციები, საინფორმაციო შეხვედრები, სპორტული შეჯიბრებები და თამაშები, ესსეების კონკურსები, ვორქშოპები და ტრენინგები. ეს ის მცირე ჩამონათვალია, რომელიც ჩვენმა აქტიურმა ბავშვებმა თავისი ინიციატივით განახორციელეს.

აქტივობებში ჩართული იყო 6 სამიზნე მუნიციპალიტეტის ახალგაზრდული კლუბი: სენაკის, ზუგდიდის, წალენჯიხის, წყალტუბოსი, ქუთაისისა და ხონის.

ცალკე მადლობას ფონდი „სოხუმი“ უხდის სკოლების პედაგოგებსა და ადმინისტრაციულ აპარატს, რომლებიც, ასევე, აქტიურად იყვნენ ჩართულები ღონისძიებების განხორციელების პროცესში.

პროექტი ხორციელდება USAID-ის მხარდაჭერით

ფონდი „სოხუმის“ სუბ-გრანტებით გამოცხადებული მინი-პროექტის განხორციელებით წყალტუბოს მუნიციპალიტეტის საკრებულოსთან არსებულმა ახალგაზრდულმა ჯგუფმა ახალ ინიციატივას დაუდო საფუძველი.

მუნიციპალიტეტის ვებგვერდზე უკვე მოქმედებს ფანჯარა “ონლაინ პეტიცია“.

წყალტუბოში მცხოვრებ მოქალაქეებს 18 წლიდან ონლაინ პეტიციის დახმარებით შეუძლიათ მიაწვდინონ ხმა თვითმმართველობას და საკუთარი საჭიროებები შეახსენონ.

პირველი პეტიცია უკვე დარეგისტრიდა. ინიციატორები ახალგაზრდული ჯგუფის წევრები არიან.

სიმბოლურია, რომ პეტიცია თავისი შინაარსით ახალგაზრდულ ინიციატივას ახმოვანებს და წყალტუბოს მუნიციპალიტეტში მცხოვრები წარმატებული სტუდენტებისათვის 300 ლარიანი დახმარების გაცემას გულისხმობს.

პეტიციას წინ უძღოდა სამუშაო შეხვედრები თვთმმართველობის წარმომადგენლებთან, რომელთა მხარდაჭერით შესაძლებელი გახდა აღნიშნული პლატფორმის გააქტიურება.

პროექტში გათვალისწინებული იყო შეხვედრები მოსახლეობასთან, საზოგადოების სხვადასხვა ჯგუფებთან. ახალგაზრდებმა ონლაინ პეტიციის მნიშვნელობაზე და სარგებელზე ინფორმაცია მიაწოდეს მოსახლეობას.

შეხვედრები წარმატებულ ქალებთან.

საინიციატივო ჯგუფების წევრები ხვდებოდენენ წარმატებულ ქალბატონებს, რომლებიც თავიანთ ისტორიას, გამოცდილებასა თუ ცოდნას უზიარებდნენ მონაწილეებს.

ნანული ცხვედიანი, ნატალია ხუბუა, ხათუნა მაღლაკელიძე - ეს არის იმ ქალბატონების ჩამონათვალი, რომლებმაც წარმატებისკენ გრძელი და რთული გზა გაიარეს და დღეს სურთ სხვასაც დაეხმარონ.

პროექტი მიზნად ისახავს მუნიციპალიტეტებში წარმატებული ქალების წარმოჩენას.

ეკონომიკაში, ბიზნესში, საზოგადებრივ საქმიანობაში აქტიური ქალების პორტრეტის გაცნობამ დადებითი ემოციები გაუღვიძა მონაწილეებს და პოზიტიურად განაწყო, რაც მათი მოტივაციის გაზრდის საფუძველს ქმნის.

 

პროექტი ხორციელდება USAID-ის მხარდაჭერით

ეს მაცაცო ხახუბიაა, სენაკიდან.

ის ამბობს, რომ  ნებისმიერი ადამიანი თავად ქმნის საკუთარი წარმატების ფორმულას. ეს ფორმულა ზუსტად იმდენივეა რამდენი წარმატებული ადამიანიც არსებობს.  მისი წარმატებაც თავად შექმნა, თავად დაწერა მთელი განვლილი ცხოვრებით.

 აინტერესებს ყველაფერი, რაც მის ირგვლივ და იმის იქითაც  ხდება. ყოველთვის აქვს ერთი მიზანი: შეცვალოს ცხოვრება, შეცვალოს უკესობისკენ, სანამ შეუძლია! 

ის ამბობს, რომ ყველას შეუძლია გახდეს წარმატებული. ამისთვის კი მთავარია ადამიანებმა დატოვონ კომფორტის ზონა და გაიარონ ის გზა, რომელიც წარმატებამდე მიიყვანს.

„ცხოვრება ველოსიპედით სიარულს ჰგავს. თუ გინდა ბალანსი შეინარჩუნო, არ გაჩერდე, შეცდომაც ძვირფასია, რადგან ის ახალ შესაძლებლობებს გიჩვენებს“.

უყვარს ხელსაქმე. აკეთებს ყელსაბამებს, ბროშებს, თექის ფერწერულ სურათებს და სხვა ლამაზ აქსესუარებს. ყველაფერს ამზადებს სიყვარულით, ამიტომაც გამოდის ექსკლუზიური და ორიგინალური. „როცა რამეს ვამზადებ, მთელ სულს ვდებ მასში. თავიდან არც კი მიფიქრია იმაზე, რომ გამეყიდა, უბრალოდ მსიამოვნებდა ეს საქმე.“

მე ვარ სოფიკო კუხალაშვილი, დაბადებული 1992 წელს, აფხაზეთიდან დევნილი, ვცხოვრობ ხონში. მინდა მოკლედ მოგიყვეთ ჩემი პატარა წარმატების შესახებ, რასაც თავად მივაღწიე. 

2017 წელს ვიყავი სოფლად და ბებომ მაჩუქა ერთი გოჭი, რითაც დაიწყო ჩემი პატარა ბიზნესი.  ეს გოჭი, რომელიც უნდა გამეზარდა და შემდეგ დამეკლა, იყო დედალი,  როცა წამოიზარდა და გახდა 7 თვის, შემეცოდა დასაკლავად, ამიტომ გადავწყვიტე რომ გამემრავლებინა და ეგრეც მოვიქეცი, შეჯვარება მოვახდინე  რომ ნამატი მყოლოდა.  შეჯვარებიდან 4 თვეში მეყოლა პატარა გოჭები, როცა ეს დავინახე ჩემს სიხარულს საზღვარი არ ჰქონდა. რატომღაც მათი მოვლა და პატრონობა ძალიან საინტერესო და სასიამოვნო გახდა ჩემთვის.

შემდეგ გადავწყვიტე, რომ ეს ყველაფერი უფრო ფერმერობისკენ წასულიყო.                              ასეც მოხდა, შევძელი იმდენი, რომ დამედგა შენობა, რომელშიც დავაბინავე ღორები.  ამაში ჩემი მშობლების დახმარება მჭირდებოდა ფინასურად. ამ შენობაში არამარტო ერთი დედა ღორი არამედ 10 მინიმუმ იყო. შემდეგ შევუდექი მოძიებას თუ საიდან შეიძლებოდა მომეყვანა კარგი საშენი ღორები, რომ წარმატებული ფერმერი ვყოფილიყავი  და შედეგი საუკეთესო ყოფილიყო. 

დროდადრო ყველას გვესაჭიროება ფსიქოლოგიური განტვირთვა.

სწორედ ამ მიზნით ფონდი „სოხუმის“ ორგანიზებით დიდინეძის სკოლის პედაგოგებთან ჩატარდა ტრენინგი.

არტ თერაპია, როლური თამაშები და ტესტები. ეს ის მცირე ჩამონათვალია, რაც მონაწილეებთან შეასრულა ფონდი „სოხუმის“ ფსიქოლოგმა მანანა გოცირიძემ.

ქალბატონები ძალზედ კმაყოფილნი დარჩნენ და აღნიშნეს, რომ მსგავსი აქტივობები აუცილებელია ენერგიით ასავსებად, მეტი შემართებითა და ენთუზიაზმით მუშაობისთვის.

პროექტი ხორციელდება USAID-ის მხარდაჭერით

ყოველთვის ისმის შეკითხვა ჩემი და სხვათა მისამართით, როგორ გავხდი წარმატებული ქალბატონი. ამ თემაზე ქალთა ფონდი „სოხუმის“ მიერ ორგანიზებულ ერთ-ერთ შეხვედრაზე მომიწია საუბარი.

ვფიქრობ, საინტერესოდ ავხსენი წარმატების ჩემებური ფორმულა.

წარმატების მისაღწევად ყველა ადამიანმა ინდივიდუალური გზა უნდა შეიმუშავოს, რაც ყველაზე მთავარს - შრომისმოყვარეობას, მუდმივ მოძრაობას, მიზანდასახულობას, ლოგიკურად აზროვნების უნარსა და ცოტა იღბალსაც მოიცავს.

არ ვთვლი, რომ სხვის მიერ განვლილი გზა წარმატებისკენ ჩემთვის ნათელი მაგალითია, რადგან ყველაფერი ინდივიდუალურია, როგორც თავად ადამიანი, ასევე, მისი უნარები და შესაძლებლობები, ამიტომ ჩვენი სამუშაო გეგმა სწორედ მაშინ მოგვიტანს შედეგს, როცა ჩვენს შესაძლებლობებზე იქნება მორგებული.

ბავშვობიდან გამოვირჩეოდი არაერთმხრივი  შემოქმედებითი უნარით და დღემდე ამ უნარებს ვავითარებ, უფროსწორად, ნებისმიერ საქმიანობას შემოქმედებითად ვუდგები. სირთულეებსაც ადვილად ვუმკლავდები, მიზნისკენ სვლისას, თავისთავადია, არაერთგვაროვანი პრობლემის არსებობა, მაგრამ ეს ვერ უშლის ხელს საქმისადმი სწრაფვას.

ქალთა საინიციატივო ჯგუფის წევრებთან შეხვედრებს ახალი ფორმატი შევძინეთ...
შეხვედრების პირველ ნაწილში მონაწილეებმა თბილისის წარმომადგენლობის მიერ მომზადებული კვლევის შედეგები მოისმინეს, რომელიც ქალთა გაძლიერებას ეხებოდა ( კვლევის სრული ვერსია ხელმისაწვდომია აქ http://fsokhumi.ge/.../inf.../item/11591-2021-09-27-05-57-02). გაეცნენ ასევე ძალადობის მსხვეპლთა სერვისების ციფრული რესურსცენტრის ვებ-გვერდის მუშაობასაც (https://sosfsokhumi.ge/).
მეორე ნაწილში კი საინიციატივო ჯგუფის წევრები ხვდებოდენენ წარმატებულ ქალბატონებს, რომლებიც თავიანთ ისტორიას, გამოცდილებასა თუ ცოდნას უზიარებდნენ მონაწილეებს.
მაია ქარდავა, ლამზირა მალიჩავა, მაცაცო ხახუბია, მაკა ჭელიძე, ნათია ჯიმშელეიშვილი, შორენა შონია, სოფიო კუხალაშვილი - ეს არის იმ ქალბატონებიოს ჩამონათვალი, რომლებმაც წარმატებისკენ გრძელი და რთული გზა გაიარეს და დღეს სურთ სხვასაც დაეხმარონ.
ეკონომიკაში, ბიზნესში, საზოგადებრივ საქმიანობაში აქტიური ქალების პორტრეტის გაცნობამ დადებითი ემოციები გაუღვიძა მონაწილეებს და პოზიტიურად განაწყო, რაც მათი მოტივაციის გაზრდის საფუძველს ქმნის.

პროექტი ხორციელდება USAID-ის მხარდაჭერით

მცირე გრანტების ყველაზე საინტერესო ეტაპიც დაიწყო...
საპროექტო კომისიის წევრებმა გააჟღერეს თავიანთი გადაწყვეტილებები და ჯგუფების წევრებმაც დაიწყეს სამუშაო პროცესი.
ახალგაზრდებმა სამიზნე მუნიციპალიტეტებში ჩაატარეს შეხვედრები, შეადგინეს პროექტის სამუშაო გეგმა, განსაზღვრეს განსახორციელებელი აქტივობები და შემსრულებელი პირები.

პროექტი ხორციელდება USAID-ის მხარდაჭერით

დონორი ორგანიზაციები

Image
Image
Image
Image
Image