ლელა შენგელია: „ჩვენ წლებია, ვმუშაობთ ახალგაზრდებთან. ჯერ კიდევ მაშინ, როცა სკეპტიკურად უყურებდნენ გენდერის, ტოლერანტობის, ბულინგის თუ ძალადობის თემებს, ვატარებდით ტრენინგებს ყველა სივრცეში. ვასწავლიდით საკუთარ და სხვის უფლებებს, უკეთეს მოქალაქეებად ვზრდიდით. ის, რაც წელს მოხდა, კიდევ ერთი დასტურია, რომ ჩვენი შრომა საჭიროა და სტერეოტიპებს ნამდვილად ცვლის“.
ანჟელა ჩიხლაძე: „ახალგაზრდებმა შექმნეს ვიდეოები ძალადობის, ბულინგის, სხვა პრობლემების გასააზრებლად და დასაგმობად. ქუჩაში აწარმოეს საინფორმაციო კამპანია მოსახლეობასთან, გამოკითხვები, რომლებიც ძალიან საინტერესო მასალაა მრგვალ მაგიდასთან დიალოგისთვის. შეასრულეს პერფორმანსები, რომელთაც სკოლის დირექტორი, მასწავლებლები, მშობლები, მუნიციპალიტეტის წარმომადგენლები ესწრებოდნენ და კიდევ უფრო მოტივირებულად იგრძნეს თავი.“
კამპანიამ ბევრი ახალგაზრდა ლიდერი და ახალი სახე წარმოაჩინა. ეს შრომა მომავალში კიდევ უფრო კარგ შედეგს მოიტანს...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
