6-8 ივლისს ფონდი სოხუმის წარმომადგენლები - ეკატერინე გამახარია და თეა თორინავა სამუშაო ვიზიტით ვენაში იმყოფებოდნენ.

სამუშაო შეხვედრა მიზნად ისახავდა პარტნიორი ორგანიზაციების მიერ 2022 წელს მომზადებული პრაქტიკული გზამკვლევის „გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები“ (ხელმისაწვდომია აქ https://wave-network.org/wp-content/uploads/Toolkit-Georgian.pdf?fbclid=IwAR1rCpxvDqw8HCIz-iBwYSlKCsF9ITicwIkEr-DVCBOI3ZP5eYZv_ATu3IA) გამოყენებით ტრენინგმოდულის შემუშავების პროცესის დაგეგმვას. ტრენინგმოდული ხელს შეუწყობს  დაინტერესებული პირების ცოდნის გაღრმავებას გზამკვლევში ასახულ კონფლიქტურ სიტუაციებში გენდერული ძალადობის პრევენციის, რეაგირების საუკეთესო პრაქტიკების, ასევე სტრატეგიების შესახებ და მათ რეპლიკაციას პრაქტიკულ საქმიანობაში.

შეხვედრაში მონაწილეობდნენ ეუთოს (OSCE), ქსელი WAVE-ის და პროექტში ჩართული პარტნიორი არასამთავრობო ორგანიზაციების წარმომადგენლები: სექსუალური ძალადობის კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი და თბილისი, საქართველო), ფონდი „გაერთიანებული ქალები ბანია ლუკა“ (ბოსნია&ჰერცეგოვინა).

საქართველოს პრეზიდენტის ინიციატივით, თბილისის ქალთა საერთაშორისო კონფერენცია (TWIC) გაიმართა. კონფერენცია საქართველოს პრეზიდენტმა გახსნა და  მას ესწრებოდნენ ლიდერი ქალები მსოფლიოს სხვადასხვა ქვეყნიდან.

კონფერენციის ფარგლებში საუბარი შეეხო ისეთ საკითხებს, როგორებიცაა: კონფლიქტები, მშვიდობა, უსაფრთხოება და საქართველოს ევროინტეგრაცია. ღონისძიებაზე მიწვეული იყო ქალთა ფონდი „სოხუმის“ თბილისის წარმომადგენლობის

საქართველოს პრეზიდენტის ინიციატივით, თბილისის ქალთა საერთაშორისო კონფერენცია (TWIC) გაიმართა. კონფერენცია საქართველოს პრეზიდენტმა გახსნა და  მას ესწრებოდნენ ლიდერი ქალები მსოფლიოს სხვადასხვა ქვეყნიდან.

კონფერენციის ფარგლებში საუბარი შეეხო ისეთ საკითხებს, როგორებიცაა: კონფლიქტები, მშვიდობა, უსაფრთხოება და საქართველოს ევროინტეგრაცია. ღონისძიებაზე მიწვეული იყო ქალთა ფონდი „სოხუმის“ თბილისის წარმომადგენლობის ხელმძღვანელი ეკატერინე გამახარია.

26-27 ივნისს ქალთა ფონდი „სოხუმის“ წარმომადგენელმა - ეკატერინე გამახარიამ მონაწილეობა მიიღო ქალ მშვიდობის მშენებელთა გლობალური ქსელის (GNWP) ორგანიზებითა და ეუთოს (OSCE) მხარდაჭერით გამართულ რეგიონულ კონფერენციაზე.

საქართველოდან კონფერენციაზე მონაწილეობდნენ ქალთა საინფორმაციო ცენტრის ხელმძღვანელი ელენე რუსეცკაია და დევნილ ქალთა ასოციაციის „თანხმობა“-ის ხელმძღვანელი იულია ხარაშვილი.

კონფერენციამ გააერთიანა სამხრეთ კავკასიის, აღმოსავლეთ ევროპისა და ცენტრალური აზიის ქალი მედიატორები და მშვიდობის მშენებლები. რეგიონული კონფერენციის მთავარ მიზანს მშვიდობის მშენებლობის დარგში სამოქალაქო საზოგადოების ქსელის და ადვოკატირების საგზაო რუკის შემუშავება წარმოადგენდა.

მონაწილეები აქტიურად უზიარებდნენ ერთმანეთს მათ ქვეყნებში „ქალები, მშვიდობა და უსაფრთხოება“ დღის წესრიგის შესრულების მიმდინარეობას, მშვიდობის მშენებლობის და გადაწყვეტილების მიღების პროცესში მონაწილეობის არსებულ გამოცდილებებს, გამოწვევებსა და საუკეთესო პრაქტიკებს.

ფსიქოლოგმა მანანა გოცირიძემ ივნისში მუშაობა სამი მიმართულებით წარმართა:

- ხვდებოდა დღის სარეაბილიტაციო ცენტრის 5 ბენეფიციარს, რომლებიც პოლიმერულ თიხაზე მუშაობას სწავლობენ. მათთან ჩაატარა გარკვეული სამუშაო ნეგატიური ემოციებისგან განთავისუფლების, პრიორიტეტების გადაფასების და თვითშეფასების ამაღლებისთვის.

- ყოველდღიური კომუნიკაცია ჰქონდა სარეაბილიტაციო ცენტრში მყოფ ქალებთან.  მათთან მიმდინარეობდა ინტენსიური მუშაობა ტრავმებზე, წყენაზე სხვადასხვა მეთოდებით: არტთერაპიის, კოგნიტურ-საკორექციო ფსიქოლოგიის ელემენტებით, ფსიქოლოგიური სავარჯიშოებით და ასოციაციური ბარათებით.

- ჩაატარა 12 ინდივიდუალური ფსიქოთერაპიული სესია ონლაინ და 15 სესია ქუთაისში მცხოვრებ ქალებთან. სამი ახალი იყო, დანარჩენებთან კი გრძელდებოდა ადრე დაწყებული მუშაობა.

35 წლის ხათუნა 6 თვეზე მეტხანს გადიოდა ფსიქორეაბილიტაციას. მეუღლის გარდაცვალების შემდეგ სიცოცხლე არ უნდოდა, ქალიშვილიც კი აღიზიანებდა, არაფერი ახარებდა.არც სჯეროდა, რომ რაიმე სასიკეთო ცვლილება მოხდებოდა ფსიქოლოგის სეანსების შემდეგ. მაგრამ სხვადასხვა მეთოდით მუშაობამ შედეგი გამოიღო: ნელ-ნელა წავიდა შიში, გაღიზიანება, გაჩნდა ახალი პრიორიტეტები, ახალი მიზნები და მათი მიღწევის სურვილი. ის მადლობა უხდის ფსიქოლოგს ადამიანურობისა და პროფესიონალიზმისთვის, მოთმინებისა და ფასდაუდებელი დახმარებისთვის.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

10 სამიზნე მუნიციპალიტეტის ქალთა მხარდაჭერის ცენტრის  მობილიზატორები დაესწრნენ ტრენინგს თემაზე „ადვოკატირება მტკიცებულებების საფუძველზე“.

ტრენინგი მიზნად ისახავდა ადვოკატირებისთვის საჭირო უნარ-ჩვევების განმტკიცებას. განსაკუთრებული აქცენტები დაისვა პრობლემების გამოკვეთის და რანჟირების კუთხით. დეტალურად განიხილეს მტკიცებულებებზე დაყრდნობილი ადვოკატირების არსი, ეტაპები, განხორციელების ფორმები.

მონაწილეებმა პრაქტიკული მაგალითების საფუძველზე იმსჯელეს ადვოკატირების პროცესის შემაფერხებელ ფაქტორებზე, განსაზღვრეს სამიზნე ჯგუფები და დაინტერესებული მხარეები.

აღინიშნა, რომ ტრენინგში მონაწილეობა მნიშვნელოვანი იყო ქალთა მხარდაჭერის ცენტრების წარმომადგენლებისთვის, რადგანაც ისინი აქტიურად არიან ჩართულები მუნიციპალური პოლიტიკის ფორმირების და ადგილობრივი პრობლემების ადვოკატირების პროცესში.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ერთ-ერთი, ვისაც ქალთა ფონდი „სოხუმის“ ფსიქოლოგი მანანა გოცირიძე შეხვდა ივნისში, 76 წლის ლიუბოვ მაქსიმენკო იყო, ნიკოლაევის ოლქიდან. ის წარმოშობით წყალტუბოდანაა, მაგრამ 30 წლის წინათ გაყიდა აქ სახლი და უკრაინაში გადავიდა საცხოვრებლად. ბედნიერადაც ცხოვრობდა, მაგრამ ომის დროს მდგომარეობა რომ დაიძაბა, აქეთ ჩამოვიდა, ცოტა ხანს აპირებდა დარჩენას. აქ არავინ დახვდა ნაცნობი, არც მისი ბინის ახალი მეპატრონეები, არც ყოფილი მეზობლები, არც მეგობრები... ცოტა ხანს მეგობრის ქალიშვილთან ცხოვრობდა, მერე მერიამ სასტუმროში მოათავსა... ისევ შინ დაბრუნება გადაწყვიტა. თუმცა საამისო თანხა არ ჰქონდა. ფონდმა „სოხუმმა“  შეუძინა ავტობუსის ბილეთი, საგზალიც გაატანა და უკრაინაში გაამგზავრა...

ივნისში ფსიქოლოგი კიდევ 12 ადამიანს შეხვდა - 5 ოჯახის წარმომადგენელს. დაიწყო მათი პირველადი კონსულტირება, ანამნეზის შეგროვება, ტრავმებზე და სტრესზე მუშაობა თითოეულთან. ორმა ბენეფიციარმა ინდივიდუალური ფსიქოთერაპიული სესია გაიარა და ერთთან გრძელდება ფსიქოთერაპია ოთხშაბათობით. ყველა ოჯახმა ჰუმანიტარული დახმარების ნაკრებიც მიიღო ჩვენი ორგანიზაციისგან.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქუთაისში, ქალთა ფონდი „სოხუმის“ სათაო ოფისში შედგა შეხვედრა შედგა კემლინ ფურლისთან - საქართველოში გაეროს ლტოლვილთა უმაღლესი კომისრის (UNHCR) წარმომადგენელთან. შეხვედრაში მონაწილეობას იღებდა ასევე საქართველოს წითელი ჯვრის საზოგადოების ქუთაისის ფილიალის წარმომადგენელი.

ქალბატონ კემლინს მიეწოდა ინფორმაცია ფონდი „სოხუმის“ და წითელი ჯვრის მიერ უკრაინელი ლტოლვილების დახმარებისთვის განხორციელებული და მიმდინარე პროექტების შესახებ. საუბარი შეეხო უკრაინელების მდგომარეობას, არსებულ გამოწვევებსა და საჭიროებებს. განსაკუთრებული აქცენტი გაკეთდა ჯანდაცვისა და განათლების სფეროში არსებულ პრობლემებზე და მათ ადვოკატირებაზე ნაციონალურ დონეზე.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

დევნილთა, ლტოლვილთა და იგპ საერთაშორისო დღეს, 20 ივნისს, ქალთა ფონდი „სოხუმი“ ტრადიციულად აღნიშნავს სხვადასხვა აქტივობით. მესამე წელია, იმართება ღონისძიება „სოხუმური ყავის არომატი ქუთაისის ბულვარში“. უკრაინელი ლტოლვილები შარშანაც ესწრებოდნენ და წელსაც მოვიდნენ. ქალებმა მოამზადეს ორცხობილები უკრაინული თემატიკით. ერთმა უკრაინელმა გოგონამ უკრაინული ცეკვა იცეკვა. ამ დღემ შთამბეჭდავად ჩაიარა და ყველამ დაინახა ფონდის მრავალმხრივი აქტიური მუშაობა. 

ქალთა ფონდმა „სოხუმმა“ უკვე უკრაინიდან ჩამოსულ 539 ადამიანს გაუწია მხარდაჭერა. ივნისში 16 ახალი ადამიანი დაემატა ჩვენს საინფორმაციო ბაზას და მხარდაჭერა გამოიხატა ასე:

• 28 ოჯახმა (44 ადამიანმა) მიიღო პროდუქტები
• 6 ოჯახს გადავუხადეთ ბინის ქირა
• 6 ოჯახს გადავუხადეთ კომუნალური ხარჯები
• ანაზღაურდა ერთი უკრაინელის სამედიცინო ხარჯები
• ლიუბოვ მაქსიმენკოს ვუყიდეთ უკრაინაში გასამგზავრებელი ბილეთი 220 დოლარად და ის დაბრუნდა თავის ქვეყანაში. 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

„ძალიან  მნიშვნელოვანია, რომ იმ ინფორმაციებმა, რომელსაც ფონდი „სოხუმი“ ქალთა უფლებებზე ავრცელებს, ყველა სოფელში ჩააღწიოს, რადგან ქალებს პერიფერიებში ყველაზე მეტად სჭირდებათ ასეთ საკითხებზე ინფორმაციები.“

„ქალთა გაძლიერება ინფორმირებით უნდა დაიწყოს, როცა მე ვიცი ინფორმაცია,  უკეთესად შემიძლია საკუთარი უფლებების დაცვა.“

„რაც უფრო მეტი ძლიერი ქალი გვეყოლება, მით უფრო ნაკლები იქნება კონფლიქტები და ოჯახური ძალადობის ფაქტები.“

- ეს მოსაზრებები ქალებთან გამართულ საინფორმაციო შეხვედრებზე დაფიქსირდა. მონაწილეები ხაზგასმით აღნიშნავენ, რომ ქალთა გაძლიერების ერთ-ერთი მნიშვნელოვანი მექანიზმი საჭირო ინფორმაციებით მათი აღჭურვაა.

შეხვედრები ჩატარდა სენაკის, ჩოხატაურის, ვანის, თერჯოლის და ხობის ქალთა მხარდაჭერის ცენტრებში.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ბაღდათის მუნიციპალიტეტში გრძელდება საინფორმაციო შეხვედრების ციკლი. მორიგი შეხვედრა ქალთა ფონდი „სოხუმის“ ადვოკატირების ჯგუფისა და ბაღდათის   მერიის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის ორგანიზებით  სოფელ ფერსათში ჩატარდა. შეხვედრას ესწრებოდნენ ზეგანის, საკრაულას და ფერსათის ბაღების მენეჯერები და აღმზრდელები, ბაღების გაერთიანების ხელმძღვანელი და ადმინისტრაციის წარმომადგენლები.

მონაწილეებმა ბავშვთა უფლებების დაცვის განყოფილების კოორდინატორისგან მოისმინეს ინფორმაცია, თუ რა სერვისები აქვთ მოწყვლადი ოჯახებისთვის. მათ ასევე დეტალური ინფორმაცია მიეწოდათ ფონდი „სოხუმის“ მუშაობის და სერვისების შესახებ. მონაწილეებმა პრობლემად დაასახელეს ის, რომ მსხვერპლს არ აქვს დაცულობის გარანტია და პრევენციის კუთხით მუშაობა სუსტია.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)