„მინდა მოგიყვეთ არაჩვეულებრივი ქალბატონის შესახებ. მან მე ცხოვრების სხვა მხარე დამანახა - ვინ ვარ და ვინ მინდა ვიყო! ქალბატონო მანანა, თქვენ ჩემი უახლოესი მეგობარი გახდით. ძალიან მენატრება თქვენთან საუბრები, მადლობა თქვენთან გატარებული ყოველი დღისთვის!“ - ეკა ჯ.
ამ წერილის ადრესატია ჩვენი ფსიქოლოგი მანანა გოცირიძე, რომელიც ბევრს მუშაობს ქალებთან. პირისპირ შეხვედრების დროს. ინტერნეტით. მუშაობს 10 მუნიციპალიტეტის ქალთა მხარდაჭერის ცენტრებში, ფონდი „სოხუმის“ სათავო ოფისში, სარეაბილიტაციო ცენტრში. და მადლიერებაც ხშირად ისმის მისი მისამართით.
ქალების შეცვლილი ცხოვრება ფსიქოლოგისთვის მუშაობის დიდი სტიმულია.
- უკრაინელი ქალის ბავშვი ფოთიდან ქუთაისში ჩამოიყვანეს საავადმყოფოში. სანამ პატარა რეანიმაციაში იყო, დედა ჩვენს სარეაბილიტაციო ცენტრში ცხოვრობდა. ის დღეები ორივეზე ვზრუნავდით - დედაზეც და ბავშვზეც. ვიყიდეთ ყველაფერი, რაც ბავშვს დამატებით სჭირდებოდა: პამპერსი, საკვები, წამალი. ახლა ის უკვე გამოწერეს და თავს კარგად გრძნობს, - ამბობს სოფი წირღვავა, უკრაინელებთან მუშაობის ასისტენტი.
ქალთა ფონდმა „სოხუმმა“ კიდევ რამდენიმე ადამიანს გაუწია ასეთი სახის დახმარება: ორ ონკოდაავადებულს აუნაზღაურდა კვლევების თანხიდან 375 და 370 ლარი. ერთ ქალს დავეხმარეთ ქიმიოთერაპიის რეფერალური დაფინანსების მიღებაში.
კვლავინდებურად გრძელდება დახმარება ბინის დაქირავების (გაიცა 19 ოჯახზე) და კომუნალური გადასახადების კუთხით (ეს დახმარება მიიღო 5-მა ოჯახმა). განსაკუთრებული ყურადღება ენიჭება პროდუქტების გაცემას. ამ თვეში 20-მა ოჯახმა მიიღო სურსათი და ჰიგიენური საშუალებები.
ჩვენს საინფორმაციო ბაზას თებერვალში 15 ადამიანი დაემატა და უკვე 467 ადამიანია.
სარეაბილიტაციო ცენტრის ერთ-ერთი ბინადარი 28 წლის ქალი იყო. მის გარდა ცენტრში ორი კვირის განმავლობაში კიდევ იმყოფებოდა ორი ქალი და სამი ბავშვი. მათთან აქტიურად მუშაობდნენ ფსიქოლოგი, სოციალური მუშაკი, იურისტი და პედაგოგი.
ფსიქორეაბილიტაციამ კარგი შედეგი გამოიღო - მათ უკეთ შეუძლიათ ემოციურ და ყოველდღიურ პრობლემებთან გამკლავება. ერთ-ერთი ბენეფიციარი ამბობს, რომ ბევრი რამ გაიგო საკუთარ თავზე, თავდაჯერებული და უფრო ძლიერი გახდა. ბევრი პოზიტივი დააგროვა და ეს ყველაფერი დაეხმარება მომავალში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ამ კრებულში 10 მოდულია. ეს არის ახალგაზრდებთან ტრენინგების ჩატარების მოკლე ჩანაწერები. ტრენინგები ტარდება დასავლეთ საქართველოს 10 მუნიციპალიტეტში (სამტრედია, ბაღდათი, თერჯოლა, ვანი, ტყიბული, სენაკი, ზუგდიდი, წალენჯიხა, ჩოხატაური, ქობულეთი).
სატრენინგო მოდულების კრებული დახმარებას გაუწევს მათ, ვინც ახალგაზრდებთან მუშაობს კონფლიქტის მართვის თუ გენდერულ საკითხებზე. ასევე ხელს შეუწყობს ახალგაზრდების ტრენერული უნარ-ჩვევების განვითარებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩოხატაურის მერიაში მრგვალ მაგიდას ესწრებოდნენ მერიის ხელმძღვანელი პირები, სამართალდამცავები, საგანმანათლებლო სექტორის და სხვადასხვა უწყების წარმომადგენლები, რომლებიც მუშაობენ ოჯახში, ბავშვთა მიმართ და ქალთა მიმართ ძალადობის საკითხებზე და არიან ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის წევრები.
შეხვედრის მონაწილეებმა ისაუბრეს ფემიციდის ფაქტებზე, ოჯახში ძალადობის პრობლემაზე და ადგილობრივ სტრუქტურებთან თანამშრომლობის მნიშვნელობაზე.
ყურადღება გამახვილდა რეფერირების გზებზე, უწყებებს შორის თანამშრომლობასა და კოორდინაციაზე, რაც ხელს შეუწყობს ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მონიტორინგის ჯგუფი შეისწავლის ადგილობრივი თვითმმართველობის მიერ განხორციელებული ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის პრევენციული ღონისძიებების (ინსტრუმენტების) ეფექტიანობას.
თვითმმართველობის მუშაობის ეფექტიანობის გაზრდისთვის შემუშავდება რეკომენდაციები, რომლებიც განსაზღვრავს საჭირო სტრატეგიებს და ახალ მიდგომებს პრევენციული მექანიზმების გასაძლიერებლად.
თებერვალში ჩატარდა 15 ჩაღრმავებული ინტერვიუ და 3 ფოკუს-ჯგუფი პედაგოგებთან, ქალთა მხარდაჭერის ცენტრების მობილიზატორებთან, თვითმმართველობის წარმომადგენლებთან, ძალადობის მსხვერპლებთან და რეფერირების სხვადასხვა სუბიექტთან ადგილობრივ დონეზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკის ქალთა მხარდაჭერის ცენტრის მობილიზატორის, მზია ბიგვავას ინიციატივით ჩატარდა ორი ტრენინგი თემაზე „პოზიტიური მშობლობა“.
ტრენინგი ქალთა ფონდი „სოხუმის“ მიერ 10 მუნიციპალიტეტში ჩატარებული კვლევის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ - შედეგად გამოვლენილი საჭიროებების მიხედვით დაიგეგმა და მარტოხელა, ძალადობის მსხვერპლი და მრავალშვილიანი მშობლების აუდიტორია მოიცვა.
პოზიტიური მშობლობა ისეთი ქცევაა, როცა მშობელი შვილის მიმართ უპირობო სიყვარულს, ზრუნვას, მხარდაჭერას და პატივისცემას გამოხატავს.
როგორ უნდა განაწილდეს ოჯახის საჭიროებებზე თანხა ყველას ინტერესის გათვალისწინებით და ბავშვზე ძალადობის ან მისი უგულებელყოფის გარეშე - ამ და კიდევ ბევრ საჭირო თემაზე მიიღეს ინფორმაცია ტრენინგზე, რომელიც ქალთა ფონდ „სოხუმის“ ერთ-ერთი მნიშვნელოვანი აქტივობა იყო, როგორც სარეაბილიტაციო ცენტრის ბენეფიციარებთან უწყვეტი და განგრძობითი კავშირი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრი აქტიურად არის ჩართული ახალი წარმოდგენების სარეპეტიციო პროცესში. თებერვალში გამოსვლები გაიმართა ქუთაისში, ხონსა და სენაკში. სკოლის მოსწავლეებმა დიდი ინტერესით და აღფრთოვანებით ნახეს ყველა სცენა. იყო აქტიური ჩართულობა და დისკუსიები.
გრძელდება მუშაობა ფორუმ-თეატრის ახალ წარმოდგენებზე, ასევე მოხალისე მსახიობთა გუნდთან. დაიგეგმა ახალი ვიზიტები დასავლეთ საქართველოს მუნიციპალიტეტებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ მონაწილეობა მიიღო უკრაინის მთავრობისა და გაეროს ქალთა ორგანიზაციის მიერ ორგანიზებულ 2023 წლის ქალთა სტატუსის კომისიის (CSW) 67-ე სესიის მოსამზადებელ კონსულტაციაში თემაზე: „ინოვაცია, ტექნოლოგიური ცვლილებები და განათლება ციფრულ ეპოქაში გენდერული თანასწორობის მისაღწევად და ქალებისა და გოგოების გასაძლიერებლად“.
კონსულტაციებში მონაწილეობდნენ შესაბამისი სახელმწიფო უწყებები, საერთაშორისო ორგანიზაციები და ქალთა არასამთავრობო ორგანიზაციები. შეხვედრის დროს ხაზი გაესვა ომის გენდერულ შედეგებს ქალებსა და გოგონებზე, როგორც უკრაინის შიგნით, ისე მის ფარგლებს გარეთ, ასევე მათ წამყვან როლს ცვლილებების განხორციელების პროცესში.
პანელური დისკუსიების დროს განხილულ იქნა, თუ რა როლს ასრულებენ ტექნოლოგიები და ციფრული გადაწყვეტილებები ომით დაზარალებული ქალების სოციალურ-ეკონომიკური საჭიროებების დაკმაყოფილებაში მთელს რეგიონში და რამდენად შეუძლია ტექნოლოგიებს და ციფრულ ეკონომიკას გენდერულად ორიენტირებული აღდგენის და განვითარების ხელშეწყობა და არსებული გენდერული ციფრული ხარვეზების შემცირება.
დნიპრო ერთ-ერთია იმ ქალაქებს შორის, რომელმაც რუსეთის აგრესია იწვნია. 14 იანვარს 9-სართულიან საცხოვრებელ კორპუსზე სარაკეტო თავდასხმის შედეგად 44 ადამიანი დაიღუპა. 75 ადამიანი კი საავადმყოფოში გადაიყვანეს.
დნიპრო ქუთაისის დამეგობრებული ქალაქია. ამიტომაც შეიქმნა ჯგუფი „ქუთაისი დნიპროსთვის“. პირველ ონლაინ კომუნიკაციას დნიპროსთან უკრაინულ მხარეს წარმოადგენდა საქველმოქმედო ფონდის „TAPS Ukraina“-ს დირექტორი იულია დმიტროვა, რომელიც მჭიდრო კოორდინაციაშია ქალაქის მერიის სტრუქტურებთან. შეხვედრას ესწრებოდა ქალთა ფონდი „სოხუმის“ აღმასრულებელი დირექტორი თეა თორინავა.
ჩვენი ორგანიზაცია, რომელიც სერიოზულ დახმარებას უწევს უკრაინიდან ლტოლვილებს, ამ ფართომასშტაბიან კამპანიაშიც აქტიურად ჩაერთო: ორგანიზაციის წევრები ავრცელებენ ინფორმაციას კამპანიის, ანგარიშების ნომრების შესახებ და რიცხავენ თანხას უკრაინელების დასახმარებლად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)