წმინდა ნიკოლოზის ხსენების დღე ერთ-ერთი ყველაზე საყვარელი დღესასწაულია ბავშვებისა და მოზრდილებისთვის. უკრაინელები დიდი ხანია წმინდა ნიკოლოზს ჩვეულებრივი ხალხის მფარველ წმინდანად მიიჩნევს. ის ყოველთვის მიიჩქარის იმათ დასახმარებლად, ვისაც ეს სჭირდება. ამის გამო წმინდანს „სწრაფშემსმენელსაც“ უწოდებენ. წმინდა ნიკოლოზი ბავშვების მფარველად ითვლება - დღესასწაულის წინა დღეს ბავშვები წერილებს უწერენ სურვილებით და საჩუქრებსაც იღებენ.
ამ ტრადიციის მიხედვით, ქალთა ფონდმა „სოხუმმა“ უკრაინელი ბავშვებისთვის ზეიმი მოაწყო ქუთაისის აკაკი წერეთლის სახელმწიფო უნივერსიტეტში. ზაქარია ფალიაშვილის სახელობის მე-2 სამუსიკო სასწავლებლის საკონცერტო გუნდმა შეასრულა უკრაინული სიმღერები, უკრაინის და საქართველოს ჰიმნი.
ნიკოლოზობის ერთ-ერთი „კეთილი ჯადოქარი“ იყო მიკოლა ვასილჩუკი, ქართულ-უკრაინული კომპანიის დირექტორი, რომელმაც ტკბილი საჩუქრები მოამზადა პატარებისთვის.
ღონისძიებას ესწრებოდნენ და უკრაინელებს მიესალმნენ ქუთაისის მერი იოსებ ხახალეიშვილი, მაჟორიტარი დეპუტატი ზაზა ლომინაძე და საკრებულოს თავმჯდომარე ირაკლი შენგელია.
- ჩვენ დავბრუნდებით უკრაინაში და ქუთაისში გატარებული დღეებიდან ეს ერთ-ერთი საინტერესო და დასამახსოვრებელი იქნება ჩვენთვის და ჩვენი შვილებისთვის, - აღნიშნეს უკრაინელმა დედებმა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- დიდი მადლობა ყურადღებისა და სითბოსთვის, კომფორტისა და ოჯახური გარემოსთვის. ამ ორი კვირის განმავლობაში მე ყველა შემიყვარდა. ფსიქოლოგმა შეძლო ჩემი სტრესული დაძაბულობის განმუხტვა, ყოველი მისი გამოჩენა ტალღასავით შლიდა ჩემს შიშებს. წლების განმავლობაში პირველად ვიგრძენი შვება და სიმშვიდე.
ეს სიტყვები ეკუთვნის ახალგაზრდა ქალს, რომელიც ქალთა ფონდი „სოხუმის“ სარეაბილიტაციო ცენტრში კომპლექსურ ყოველდღიურ რეაბილიტაციას გადიოდა.
დეკემბრის დასაწყისში ცენტრში ორი ქალი და სამი ბავშვი იმყოფებოდა. ბავშვებს მასწავლებელი ართობდა - ისინი ერთად თამაშობდნენ, ხატავდნენ, სწავლობდნენ, ხალისობდნენ...
ფსიქოლოგი, სოციალური მუშაკი და იურისტი მუშაობდნენ ქალებთან იმ დამოკიდებულებებისა და შეხედულებების შეცვლაზე, რომლებიც ხელს უშლის მათ ჰარმონიული ურთიერთობების დამყარებაში. ისინი ეხმარებოდნენ მათ ემოციური და ქცევითი პრობლემების დაძლევაში, რათა გაუადვილდეთ ადაპტაცია საზოგადოებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
გენდერული თანასწორობის პოლიტიკა საქართველოში და კონფლიქტის ესკალაცია - ამ თემაზე აქტიურად დაიწყო ტრენინგები ახალგაზრდობის გაძლიერების ცენტრებში.
თვის პირველ ნახევარში ხუთი შეხვედრა გაიმართა სენაკის, ზუგდიდის, სამტრედიის, ტყიბულის და წალენჯიხის მუნიციპალიტეტებში მცხოვრებ ახალგაზრდებთან. მონაწილეთა რაოდენობამ 100-ს გადააჭარბა.
ყველა ტრენინგი ადგილზე ჩატარდა, ამიტომაც გამოირჩეოდა მოზარდების ჩართულობით და უკეთ ავლენდა მათ შესაძლებლობებს როლური თამაშების, დისკუსიის თუ უკუკავშირის დროს.
ტრენინგების მონაწილეები ჩაერთნენ კამპანიაში „16 აქტიური დღე ქალთა მიმართ ძალადობის წინააღმდეგ“ და საინტერესო ინიცირებული ღონისძიებები ჩაატარეს თავიანთ მუნიციპალიტეტებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულის გენდერული თანასწორობის საბჭოს მიერ ორგანიზებულ შეხვედრაზე გაიმართა ქალთა ფონდი „სოხუმის“ მიერ ჩატარებული „ბავშვთა უფლებების დაცვის და მხარდაჭერის განყოფილებების ეფექტიანობის შეფასების მონიტორინგის“ შედეგების პრეზენტაცია. ამასთანავე განხილული იყო ფონდის და გენდერული საბჭოს თანამშრომლობის პერსპექტივები.
გენდერული საბჭოს წევრებთან ერთად შედგა დიალოგი მუნიციპალიტეტის ვიცემერთან. საუბარი შეეხო გენდერული თანასწორობის სტრატეგიისა და სამოქმედო გეგმაზე მუშაობას. აღინიშნა აღმასრულებელ რგოლში ქალთა მიმართ და ოჯახში ძალადობის საკითხებზე უწყებათაშორისი კომისიის შექმნის შესახებ, რაც საფუძველს დაუდებს ძალადობის პრევენციის და მსხვერპლთა დაცვის ადგილობრივ ღონისძიებებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ფეისბუქსივრცე 16 დღის განმავლობაში ლამის „აფეთქდა“ ნიუსებით, ფოტოებით, ვიდეორგოლებით...
ყველაფერი ერთ შეხვედრაზე დაიწყო...
სენაკის მუნიციპალიტეტის ქალთა მიმართ ძალადობის აღკვეთის უწყებათაშორისი კომისიის სხდომის დროს 16-დღიან კამპანიაზე საუბრისას საგანმანათლებლო რესურსცენტრის ხელმძღვანელმა დარეჯან ზარანდიამ სურვილი გამოთქვა, მასწავლებლები მოგვემზადებინა ტრენერებად და მერე მათ სკოლებში ჩაეტარებინათ აქტივობები.
ინიციატივა იყოს და... ქალთა ფონდი „სოხუმი“ ყოველთვის მზად არის დახმარებისთვის.
18 ნოემბერს რესურსცენტრში გაიმართა ტრენინგი თემაზე „შეხვედრების ჩატარება ძალადობის საკითხებზე“. ესწრებოდა ქალაქის და მუნიციპალიტეტის სოფლების 26 მასწავლებელი - მენჯის, ეკის, თეკლათის, გეჯეთის, ახალსოფლის, ძველი სენაკის და სხვა სოფლების სკოლების ქართულის, უცხო ენების, მათემატიკის, ფიზკულტურის, მუსიკის, სამოქალაქო განათლების და სხვა საგნების მასწავლებლები.
ტრენერ ლალი შენგელიასთან ერთად მონაწილეებმა უამრავი საკითხი განიხილეს: ფემიციდი, ძალადობა ქალთა მიმართ, რეფერალური მექანიზმები, კერძოდ, საჭირო ტელეფონის ნომრები, თავშესაფრები, მუნიციპალური და ფონდი „სოხუმის“ სერვისები. გაეცნენ ჩვენს ვებგვერდს „ძალადობის მსხვერპლთა სერვისების ციფრული რესურსცენტრი“ http://sosfsokhumi.ge/
დიდინეძის (ზუგდიდის მუნიციპალიტეტი) საჯარო სკოლაში ჩატარდა საინფორმაციო შეხვედრა, რომელსაც ესწრებოდნენ სკოლის და საბავშვო ბაღის პედაგოგები. შეხვედრის მონაწილეები გაეცნენ ქალთა ფონდი „სოხუმის“კვლევას, კერძოდ, ბავშვთა უფლებების დაცვის და მხარდაჭერის განყოფილებების საქმიანობის მონიტორინგს. განსაკუთრებული აქცენტი გაკეთდა 10 მუნიციპალიტეტის ბავშვთა განყოფილების სერვისებზე, მიღწევებსა და არსებულ გამოწვევებზე, რომლებიც კვლევის შედეგად გამოვლინდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოციალური სამართლიანობის ცენტრმა ორი კვლევის პრეზენტაცია გამართა: „ორმხრივი გამოტოვების ადგილები - უფლებრივი და სოციალური გამოწვევები გალსა და ახალგორში“ და „გამყოფი ხაზების მიმდებარედ მცხოვრები ქალების გამოწვევები და საჭიროებები“. ღონისძიებას საერთაშორისო, ადგილობრივი სამოქალაქო საზოგადოების ორგანიზაციებისა და სახელმწიფო უწყებების წარმომადგენლებთან ერთად, ფონდი „სოხუმის“ თბილისის წარმომადგენლობის ხელმძღვანელიც ესწრებოდა. ეკატერინე გამახარიამ თავის გამოსვლაში ყურადღება იმ გამოწვევებზე გაამახვილა, რომლებიც დღეს ყველაზე მეტად აწუხებთ კომფლიქტის გამყოფ ხაზთან მცხოვრებ ქალებს, მათ შორის მძიმე ეკონომიკურ-სოციალური მდგომარეობა, უმუშევრობა და ეკონომიკურ საქმიანობაზე ფინანსებზე ხელმისაწვდომობის ბარიერები, გამყოფი ხაზის გასწვრივ თავისუფალი გადაადგილების პრობლემები, ქალთა მიმართ ოჯახში ძალადობის საკითხები და ა.შ.
- აქციები, ვორკშოპები, საინფორმაციო შეხვედრები, ძალადობის თემაზე შექმნილი ფილმების განხილვა, ბავშვთა ნახატების გამოფენა - ეს იმ აქტივობების ჩამონათვალია, რომლებიც ქალთა მხარდაჭერის ცენტრების ინიცირებით განხორციელდა ძალადობის წინააღმდეგ მიმართული 16-დღიანი კამპანიის ფარგლებში.
- რა გამოიკვეთა, რა გამოჩნდა, რისი გაკეთება არის აუცილებელი? - ამ კითხვებზე პასუხს ჩატარებული ღონისძიებების შედეგები იძლევა.
ცენტრების მობილიზატორთა შეფასებით, საზოგადოება ინფორმირებულია 16-დღიან კამპანიაზე, რაც წინგადადგმული ნაბიჯია. ყველა ასაკობრივი სეგმენტი საკუთარი ჩართულობით გამოხატავდა ამ დაინტერესებას.
ყველა შეხვედრაზე დაფიქსირდა, რომ ფემიციდის ფაქტები საგანგაშოა და აუცილებელია უფრო ქმედითი ცვლილებები ოჯახური ძალადობის პრობლემებზე რეაგირების და სერვისების გაუმჯობესების კუთხით. მათ წინადადებებში გაჟღერდა, რომ უნდა გაიზარდოს სახელმწიფოს და საზოგადოების პასუხისმგებლობა ძალადობის პრევენციის კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აშშ-ის ელჩი საქართველოში კელი დეგნანი ქუთაისში დაესწრო ქალთა ფონდი „სოხუმის“ პროექტის პრეზენტაციას. შეხვედრა გაიმართა პროექტის პარტნიორის - ასოციაცია „მშვიდობიანი და საქმიანი კავკასიის“ ოფისში USAID-ისა და საქართველოში აშშ-ის საელჩოს წარმომადგენლების მონაწილეობით.
ქალთა ფონდმა „სოხუმმა“ და „მშვიდობიანმა და საქმიანმა კავკასიამ“ წარმოადგინეს USAID-ის პროექტის ფარგლებში ორი წლის მანძილზე მიღწეული შედეგები.
აშშ-ის ელჩმა საქართველოში კელი დეგნანმა გულწრფელი მადლობა გადაუხადა პროექტის წარმომადგენლებს კარგი და მნიშვნელოვანი მუშაობისთვის სამოქალაქო საზოგადოების შესაძლებლობების გაძლიერების, ეკონომიკური და სამედიცინო მიმართულებების განვითარების, ნდობის აღდგენისა და მდგრადი მშვიდობის დამყარების ხელშეწყობისთვის.
შეხვედრაზე ფონდი „სოხუმის“ წარმომადგენლებმა მადლიერება გამოხატეს აშშ-ის საელჩოს ორგანიზაციის პრაქტიკულად პირველი სერიოზული მხარდაჭერის გამო, რამაც გააძლიერა ორგანიზაცია და შექმნა კარგი ბექგრაუნდი. შემდგომში საელჩომ არაერთხელ დააფინანსა ფონდი „სოხუმის“ მნიშვნელოვანი საპროექტო წინადადებები ქალთა მხარდაჭერის და დაცვის კუთხით.
პროექტი ხორციელდება USAID-ის მხარდაჭერით
ეწერის (თერჯოლის მუნიციპალიტეტი) საჯარო სკოლაში ქალთა მიმართ ძალადობის წინააღმდეგ გლობალური 16-დღიანი კამპანიის ფარგლებში ქალთა ფონდი „სოხუმის“ მონიტორინგის ჯგუფმა ჩაატარა საინფორმაციო შეხვედრა, რომელსაც ესწრებოდნენ პედაგოგები და უფროსკლასელები.
შეხვედრაზე აქცენტი გაკეთდა ძალადობის პრობლემის სიმწვავესა და დროულ რეაგირებაზე. მონაწილეები გაეცნენ ბავშვთა უფლებების დაცვის და მხარდაჭერის განყოფილებების საქმიანობის მონიტორინგის შედეგებს. ისაუბრეს განყოფილების სერვისებზე, მიღწევებსა და გამოწვევებზე. გამოიკვეთა, რომ განყოფილების შესახებ ბევრმა არ იცის, ამიტომ საჭიროა ინფორმაციის გავრცელება. მნიშვნელოვნად დასახელდა, რომ განყოფილებებს ჰქონდეს რესურსი მოწყვლადი ოჯახების ეკონომიკური გაძლიერების კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)