ფორუმ-თეატრმა წარმოდგენები გამართა ქუთაისის ცენტრალურ პარკებში. ეს იყო ექვსი სცენა სხვადასხვა თემაზე, რასაც მოჰყვა საინტერესო დისკუსიები მოქალაქეთა მხრიდან. სამწუხაროდ, მათ არ ისურვეს ფოტოების გადაღება და ჩვენც არ შეგვიძლია, მალულად გადავუღოთ. მაგრამ მაყურებელი აქტიურად ჩაერთო დისკუსიაში. საუბრობდნენ იმაზე, რომ ძალიან გახშირდა ფემიციდი, ოჯახური კონფლიქტები, ტრაგიკული შემთხვევები და საზოგადოებამ უფრო მკაფიოდ უნდა გამოხატოს პოზიცია ოჯახური ძალადობის წინააღმდეგ.

 პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

„ფონდი „სოხუმი“ არის ორგანიზაცია, რომელმაც იცის მშვიდობის ფასი და ომის სახე. ადამიანებს, რომლებიც აქ მუშაობენ, შეუძლიათ თანადგომა, თანაგრძნობა, ესმით ჩვენი ტკივილი და საჭიროებები, ჩვენი ტრავმები, ტრაგედიები. მადლობელი ვარ სიკეთისთვის, თანაგრძნობისა და უფასო ფსიქოლოგიური მხარდაჭერისთვის“, - ამბობს  ქალთა ფონდი „სოხუმის“ ფსიქოლოგების მიერ გამართული სარეაბილიტაციო შეხვედრების ერთ-ერთი მონაწილე.

როგორც ადრე, მარტში უკრაინელ ლტოლვილებთან მუშაობდნენ მანანა გოცირიძე და უკრაინელი ფსიქოლოგები მარინა სტეპანენკო და ანა შალიმოვა.

ჩატარდა პირველადი კონსულტაციები, ფსიქოთერაპიის კურსები. ზოგიერთი ინდივიდუალური კონსულტაცია ფინალური იყო და შეაჯამა კლიენტისა და ფსიქოლოგის ერთობლივი მუშაობა.

უკრაინელმა ფსიქოლოგებმა ასევე გამართეს ჯგუფური შეხვედრა თემაზე „როგორ ამოვიცნოთ ძალადობა“.

ფსიქოლოგები აწვდიან კლიენტებს ისეთ ინფორმაციას, რომელსაც ისინი თამამად გამოიყენებენ ცხოვრებაში, რათა შემდგომში საკუთარ თავს დაეხმარონ.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

უკრაინის ომმა კიდევ უფრო გაურთულა დაავადება პოლინა მინულინას. ჩვენი ორგანიზაცია ჩამოსვლის დღიდან ეხმარებოდა ონკოპაციენტს - ექიმებთან ურთიერთობასა თუ სამკურნალო კურსისთვის საჭირო თანხის დაფარვაში. მადლიერიც  იყო, მაგრამ, სამწუხაროდ, მარტში გარდაიცვალა. ოჯახი კიდევ უფრო დიდი პრობლემის წინაშე დადგა და ქალთა ფონდი „სოხუმი“ დაეხმარა კრემაციისთვის საჭირო თანხის ანაზღაურებაში. 

ეს ჩვენი მხარდაჭერის ერთ-ერთი მაგალითია.

უკრაინიდან ლტოლვილი 470 ადამიანის სახელი და გვარია უკვე ჩვენს საინფორმაციო ბაზაში. ეს იმას ნიშნავს, რომ ყველა მათგანს მისწვდა ქალთა ფონდი „სოხუმის“ გაცემული სიკეთე.

მარტში 35 ოჯახს - 78 ადამიანს - გაეწია დახმარება (სურსათი, ჰიგიენის საშუალებები), გადავიხადეთ 6 ოჯახის კომუნალური გადასახადები.

მარტის რამდენიმე ღონისძიებაზე უკრაინელებიც აქტიურად მონაწილეობდნენ.

აქტიურად გრძელდება შემაჯამებელი შეხვედრები ახალგაზრდობის გაძლიერების ცენტრებში. უკვე დასრულდა ფინალური დღეები სამეგრელოს რეგიონის სამ მუნიციპალიტეტში. შეხვედრები გაიმართა გურიასა და აჭარაში - ჩოხატაურის  და ქობულეთის მუნიციპალიტეტებში. დასწრეთა შორის იყვნენ გენდერული თანასწორობის საბჭოების წევრები, ახალგაზრდული სამსახურის წარმომადგენლები.

კურსდამთავრებულთა ერთმა ნაწილმა საინტერესო პრეზენტაციები წარმოადგინა. შეხვედრების მონაწილეებმა, ძირითადად, მიღწეულ შედეგებზე ისაუბრეს. ხუთთვიან კურსს მაღალი შეფასება მისცეს პედაგოგებმა და მშობლებმა. კურსის ყველა მონაწილემ მიიღო სერტიფიკატი, ხოლო ყველაზე აქტიურებმა - ახალგაზრდა ტრენერების სერტიფიკატები.

მომავალი თვიდან მუნიციპალიტეტებში ახალი ჯგუფების ფორმირების პროცესი იწყება. 

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

• ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
• გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
• ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქალთა ფონდ „სოხუმში“ უკრაინელი ქალებისთვის უკრაინელმა ფსიქოლოგებმა მარინა სტეპანენკომ და ანა შალიმოვამ ჩაატარეს ტრენინგი თემაზე „როგორ ამოვიცნოთ ძალადობა“.

ტრენინგზე განიხილეს შემდეგი თემები: ძალადობრივი ურთიერთობის გამოვლინება და უნარები ძალადობის წინააღმდეგ. ტრენერებმა ისაუბრეს სახელმწიფოს და ფონდი „სოხუმის“ მხარდაჭერაზე საგანგებო სიტუაციების დროს.

მონაწილეების თქმით, განსაკუთრებული იყო ტრენინგის მშობლიურ ენაზე ჩატარება. თემებიც სწორად იყო შერჩეული და ეს კარგი შესაძლებლობაა ქალების გაძლიერებისათვის.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

- ქალები, რომლებმაც შეცვალეს საკუთარი თავი და მათ ირგვლივ არსებული გარემო. ისტორიები, რომელთა მოსმენა პოზიტიურად განაწყობს მსმენელს და მაღლა სწევს სამოქალაქო აქტივიზმის მაჩვენებელს - ასე შეაფასეს მარტში გამართული შეხვედრები ქალთა მხარდაჭერის ცენტრების მობილიზატორებმა.

შეხვედრის მონაწილეები თვლიან, რომ ქალთა გაძლიერების საქმეში განსაკუთრებული მნიშვნელობა ენიჭება ფონდი „სოხუმის“ საქმიანობას და ზოგადად, არასამთავრობო სექტორის მუშაობას. ხაზგასმით ისაუბრეს ძალადობის მსხვერპლთა მხარდაჭერის სერვისების აუცილებლობაზე.

თერჯოლის, ვანის, ტყიბულის, ჩოხატაურის და ბაღდათის ქალთა მხარდაჭერის ცენტრებში ხუთი შემთხვევის იდენტიფიცირება მოხდა. ქეისების მართვაში  ქალთა ფონდი „სოხუმის“ სპეციალისტები ჩაერთნენ. 

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

• ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
• გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
• ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ახალგაზრდობის გაძლიერების ცენტრებში შემაჯამებელი შეხვედრების დროა. 122 ადამიანი ესწრებოდა შეხვედრებს სამეგრელოს რეგიონის სამ მუნიციპალიტეტში: ზუგდიდში, სენაკსა და წალენჯიხაში: ახალგაზრდები, ახალგაზრდული სამსახურების, განათლების რესურსცენტრების და გენდერული თანასწორობის საბჭოების წარმომადგენლები, პედაგოგები და მშობლები.

ახალგაზრდებმა პრეზენტაციების სახით წარმოადგინეს, რა ისწავლეს ხუთთვიანი კურსის განმავლობაში. იყო საინტერესო დისკუსიები, შთაბეჭდილებათა გაზიარება. მშობლებმა და პედაგოგებმა აღნიშნეს, რომ პროექტში ჩართულ მოსწავლეებს ეტყობათ სასიკეთო ცვლილებები, ბევრი რამ იციან და საკმაოდ გააქტიურდნენ.  

სამივე შეხვედრამ წარმატებულად ჩაიარა. ახალგაზრდა ტრენერებს სერთიფიკატები გადაეცათ, დანარჩენ მონაწილეებს კი - სერტიფიკატები აქტიური ჩართულობისთვის.

 პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქალთა მხარდაჭერის ცენტრების ერთ-ერთი მთავარი ამოცანაა ქალთა მიმართ ძალადობის პრევენციის ხელშეწყობა. ამიტომაც აქტიურად გრძელდება მუშაობა საზოგადოების ინფორმირების კუთხით. შეხვედრების მონაწილეებმა პოზიტიური მაგალითების გაცნობით ქალების სიძლიერესა და სოლიდარობის მნიშვნელობაზე გააკეთეს აქცენტი. მოისმინეს წარმატებული ქალების ისტორიები, რომლებმაც შეცვალეს გარემო. ქალთა საჭიროებებზე ისაუბრეს და საკუთარი სურვილები გააჟღერეს: სიმშვიდე და სიყვარული ყველაზე აუცილებელ პირობად მიიჩნიეს. 

სენაკის, წალენჯიხის, ქობულეთის, სამტრედიის და ზუგდიდის ქალთა მხარდაჭერის ცენტრებს დასახმარებლად 6-მა ბენეფიციარმა მიმართა. იდენტიფიცირებული ქეისების მართვა უკვე დაწყებულია ფონდი „სოხუმის“ რესურსების გამოყენებით.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ჩვენი ორგანიზაცია წლების განმავლობაში თანამშრომლობდა ხობის მუნიციპალიტეტთან. მუშაობა ისევ განახლდება. სწორედ ამას ემსახურებოდა ეს შეხვედრა.

ფონდი „სოხუმის“ წარმომადგენლები თეა გოლეთიანი და ხათუნა გოგუა შეხვდნენ ხობის საკრებულოს თავმჯდომარეს ლევან ქავთარაძეს, მერის მოადგილეს დავით ბერაიას, საკრებულოსა და მერიის გენდერული თანასწორობის სპეციალისტებს.

საინფორმაციო შეხვედრის მიზანი იყო თანამშრომლობა მუნიციპალიტეტსა და ქალთა ფონდს შორის ქალთა უფლებების გაძლიერებისა და გენდერული თანასწორობის ხელშეწყობის კუთხით.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქალთა ფონდი „სოხუმის“ კოორდინაციით ქუთაისში, ლადო მესხიშვილის სახელობის სახელმწიფო თეატრის წინ გაიმართა ქალთა სოლიდარობის აქცია და ორგანიზაცია ასე შეუერთდა ქალთა მოძრაობის მარშს საქართველოში „ქალები ტოტალური კონტროლის წინააღმდეგ!“.

აქციის მონაწილეები იყვნენ ორგანიზაციის აქტივისტი ქალები, ბენეფიციარები დასავლეთ საქართველოს ოთხი რეგიონიდან, ადგილობრივი სამოქალაქო საზოგადოების ორგანიზაციები და თავისუფალი მოქალაქეები.

აქციის მონაწილეებმა თვალსაჩინო გახადეს საერთო პოზიცია საქართველოს ევროატლანტიკური მომავლის მიმართ, რაც გაცხადებულია საქართველოს კონსტიტუციაში.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)