ქალთა ფონდი „სოხუმის“ ადვოკატირების ჯგუფის და ვანის გენდერული თანასწორობის საბჭოს ორგანიზებით ჩატარდა შეხვედრები ისრითის და სალხინოს საჯარო სკოლებში, რომლებშიც მონაწილეობდნენ უფროსკლასელები, პედაგოგები, ადმინისტრაცია.
შეხვედრები მონაწილეებისთვის ძალიან ინფორმაციული აღმოჩნდა. ისინი დეტალურად გაეცნენ ფონდი „სოხუმის“ მუშაობას და იმ სერვისებს, რომლებიც ორგანიზაციას აქვს ქალებისთვის.
ასევე მიიღეს ინფორმაცია მერიის ბავშვთა უფლებების დაცვის განყოფილების პროგრამის შესახებ, რაც განყოფილების კოორდინატორმა და ინსპექტორმა წარმოადგინეს. გენდერული საბჭოს მდივანი შეკრებილებს ესაუბრა საბჭოს მუშაობასა და გეგმებზე. მონაწილეებმა დაასახელეს არაერთი მწვავე პრობლემა, რომლებიც დაუყოვნებელ რეაგირებას მოითხოვს. შეხვედრებზე დაიგეგმა სამომავლო თანამშრომლობაც.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სასიამოვნო ამბავი გვაქვს - უკრაინელმა მარია დობროვოლსკაიამ ქუთაისში ჯანმრთელი ბიჭი გააჩინა. ისინი უკვე გაწერეს, დედა-შვილი თავს კარგად გრძნობს.
კიდევ ერთი სიახლე: მოგვმართა პროგრამა „სონიაშნიკის“ მოხალისემ. ამ პროგრამით, 15-დან 18 წლამდე 5 უკრაინელი მოზარდი საზაფხულო ბანაკში საინტერესოდ გაატარებს დროს. ქალთა ფონდმა „სოხუმმა“ უკვე შეკრიბა ჯგუფი უფასო ბანაკისთვის.
ამჟამად ჩვენს მონაცემთა ბაზაში 523 ადამიანია. მაისში 43 ადამიანი დაემატა.
ამ თვეში ჩვენი მხარდაჭერა სხვადასხვანირად გამოიხატა:
- პროდუქტებით დახმარება გაეწია 30 ოჯახს (63 ადამიანი)
- 6-მა ოჯახმა მიიღო დახმარება ქირის გადახდაში
- კომუნალური გადასახადების გადახდაში 6 ოჯახს დავეხმარეთ
- ერთ-ერთ უკრაინელს ოპერაციის ღირებულების ნაწილი გადავუხადეთ. ყველაფერმა კარგად ჩაიარა
მარია დობროვოლსკაია 22 წლისაა. კიევის ოლქში ცხოვრობდა, ომის დაწყებიდან ორი თვე იყო იქ და იგემა ომის საშინელებები. ცოტა ხნით ბებიასთან გადავიდა ვინიცაში, მერე კი პოლონეთში გაემგზავრა. რამდენიმე თვე იმუშავა კატოვიცეში და ლოძში. კატოვიცეში გაიცნო ქართველი, იქორწინეს და საქართველოში ჩამოვიდნენ.
მეუღლის მშობლიურ სვანეთში იყვნენ პირველ ხანებში, ოჯახმა თბილად მიიღო უკრაინელი რძალი. მარია ორსულად იყო, ქუთაისში რომ გადმოვიდნენ. როგორც ყველა უკრაინიდან ლტოლვილს, ქალთა ფონდი „სოხუმი“ მარიას ოჯახსაც დაეხმარა. ბავშვის შეძენის შემდეგ კი ფონდის წარმომადგენლებმა მოინახულეს დედა-შვილი, მიულოცეს დიდი სიხარული და მიუტანეს ბავშვისთვის საჭირო საჩუქრები: ტანსაცმელი, ჰიგიენის საშუალებები, პამპერსი, სურსათი...
ახალგაზრდა დედამ დიდი მადლობა გადაუხადა სტუმრებს თანადგომისა და მხარდაჭერისთვის, რაც ასე მნიშვნელოვანია ასეთ რთულ დროს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულის მუნიციპალიტეტის მერიის სხდომათა დარბაზში შეიკრიბნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის და სოციალური სფეროს წარმომადგენლები, სკოლის პედაგოგები და სამედიცინო პერსონალი.
შეხვედრის მონაწილეებმა ისაუბრეს ფემიციდის ფაქტებზე, ოჯახში ძალადობის პრობლემაზე და ადგილობრივ სტრუქტურებთან თანამშრომლობის მნიშვნელობაზე.
ყურადღება გამახვილდა რეფერირების გზებზე, უწყებებს შორის თანამშრომლობასა და კოორდინაციაზე, რაც ხელს შეუწყობს ძალადობის პრევენციას.
შეხვედრაზე გაკეთდა პრეზენტაცია „ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურები (ეროვნული რეფერალური მექანიზმი)“.
საუბარი შეეხო მნიშვნელოვან საკითხებს: მუნიციპალიტეტის მასშტაბით არსებული სტატისტიკა შემაკავებელი ორდერების, პრობლემების იდენტიფიკაციის და მსხვერპლის დახმარების კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულის N6 საჯარო სკოლის სააქტო დარბაზში საგანმანათლებლო რესურს- ცენტრთან თანამშრომლობით ქალთა ფონდი „სოხუმის“ მიერ ორგანიზებული შეხვედრა ჩატარდა თემაზე „ადგილობრივი სოციალური პარტნიორობის სისტემა - თანამშრომლობა საგანმანათლებლო სექტორსა და მუნიციპალიტეტის მერიას შორის“. ტყიბულის მუნიციპალიტეტის გამოცდილება სოციალური მუშაობის დეცენტრალიზაციის წარმატებული პრაქტიკის მაგალითია. თუმცა შეხვედრის მონაწილეების აზრით, ბენეფიციარებზე მორგებული სოციალური პოლიტიკის დანერგვა, მოწყვლადი ოჯახების გაძლიერება საზოგადოების სხვადასხვა ჯგუფს შორის სისტემატური დიალოგის გარეშე შეუძლებელია.
შეხვედრაზე მერიის ბავშვთა უფლებების დაცვის განყოფილების და საგანმანათლებლო სექტორის წარმომადგენლებმა გაცვალეს მნიშვნელოვანი ინფორმაციები, რაც ხელს შეუწყობს ბავშვებისა და მათი ოჯახების სოციალურ დაცვას და გაძლიერებას.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ადვოკატირების ჯგუფის ინიციატივით და მოდერაციით გაიმართა შეხვედრა დასავლეთ საქართველოს 17 მუნიციპალიტეტის (ქუთაისი, წყალტუბო, ვანი, თერჯოლა, ბაღდათი, სამტრედია, სენაკი, ტყიბული, ჩოხატაური, ქობულეთი, წალენჯიხა, ზუგდიდი, ოზურგეთი, ფოთი, ლანჩხუთი, ხონი, ხობი) წარმომადგენლების მონაწილეობით.
შეხვედრის თემა იყო „ქალთა ეკონომიკური გაძლიერების ადგილობრივი პროგრამები - არსებული პოზიტიური გამოცდილების გაზიარება“. ქალთა ეკონომიკური გაძლიერების ადგილობრივი პროგრამების შესახებ ისაუბრეს ჩოხატაურის, ფოთის, ზუგდიდის და ქობულეთის მუნიციპალიტეტების წარმომადგენელებმა. დისკუსიის ფორმატი ეფექტიანი გამოდგა კარგი პრაქტიკის და წარმატებული გამოცდილების გაზიარებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრი გასულ თვეს გეგუთში N14 პენიტენციური დაწესებულების მსჯავრდებულებს შეხვდა. ამ ვიზიტმა დიდი მოწონება დაიმსახურა და მსახიობები ქუთაისის N2 პენიტენციურ დაწესებულებაში მიიწვიეს. მათ აქ 4 წარმოდგენა აჩვენეს. ეს საკმაოდ შთამბეჭდავი სანახაობა იყო და ყოველი წარმოდგენის შემდეგ აქტიური დისკუსიაც იმართებოდა მაყურებლის ჩართულობით... უჩვეულო აუდიტორიასთან მუშაობამ ფორუმ-თეატრს ახალი გამოცდილება შესძინა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
როგორ უნდა შეძლოს ომითა და დაპირისპირებით გახლეჩილმა საზოგადოებამ, გადალახოს გაუცხოება, აღადგინოს ურთიერთობა და შექმნას ღირსეული და უსაფრთხო მომავალი? - სწორედ ამ საკითხებზე ისაუბრა ჩვენმა წარმომადგენელმა, ეკატერინე გამახარიამ სტუმრად მამუკა ყუფარაძის გადაცემაში აფხაზური ფილმის „მომავლის მოლოდინში“ წარდგენისას.
ჩოხატაურის საგანმანათლებლო რესურს-ცენტრის საკონფერენციო დარბაზში ქალთა ფონდი „სოხუმის“ მიერ ორგანიზებული შეხვედრა ჩატარდა. მერიის ბავშვთა უფლებების დაცვის განყოფილების და საგანმანათლებლო სექტორის წარმომადგენლებმა გაცვალეს მნიშვნელოვანი ინფორმაციები, რაც ხელს შეუწყობს ბავშვებისა და მათი ოჯახების სოციალურ დაცვას და გაძლიერებას.
საჯარო სკოლების წარმომადგენლებმა ასევე მიიღეს ინფორმაცია მერიის ქალთა მიმართ და ოჯახში ძალადობისგან დაცვის საკითხებში უწყებათაშორისი კომისიის თაობაზე.
მონაწილეებმა დაასახელეს არაერთი მწვავე პრობლემა, რომელიც დაუყოვნებელ რეაგირებას მოითხოვს. დაისახა მომავალი თანამშრომლობის კონტურებიც.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ადგილობრივი თანამშრომლობა ბავშვზე და ოჯახებზე ორიენტირებული სოციალური გარემოსთვის“ - ამ თემაზე გაიმართა შეხვედრა სოფელ ფახულანში (წალენჯიხის მუნიციპალიტეტი).
შეხვედრის მონაწილეებს მერიის სოციალური და ბავშვთა განყოფილების სამსახურის წარმომადგენლებმა მიაწოდეს ინფორმაცია სოციალურ და ჯანდაცვის პროგრამებზე და ბავშვთა განყოფილების მუშაობის სპეციფიკის შესახებ. ისინი ასევე გაეცნენ ბავშვთა უფლებების დაცვის და მხარდაჭერის განყოფილებების საქმიანობის შედეგებს, რაც ქალთა ფონდი „სოხუმის“ მიერ ჩატარებული მონიტორინგის შედეგად წარმოჩინდა. დაფიქსირდა რეკომენდაციები, რომლებიც გაზრდის ამ კუთხით მუშაობის ეფექტს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)