25 ნოემბერი - 16-დღიანი კამპანიის დასაწყისი ქალთა მიმართ ძალადობის წინააღმდეგ.
ქალთა ფონდმა „სოხუმმა“ ტრადიციული მდუმარე აქცია გამართა ქუთაისში. ამით შეუერთდა გენდერული ძალადობის წინააღმდეგ გლობალურ კამპანიას, რომლის სლოგანია: „გავერთიანდეთ! აქტიურობა ქალთა და გოგონათა მიმართ ძალადობის შეწყვეტისთვის“. აქციაში მონაწილეობდნენ ფონდის თანამშრომლები, პარტნიორი ორგანიზაციების წარმომადგენლები, სამოქალაქო აქტივისტები, ახალგაზრდები. აქციაზე წარმოდგენილი იქნა ფორუმ-თეატრის სცენები და დარიგდა საინფორმაციო ბუკლეტები.
დღეიდან საქართველოს ქალაქებსა და სოფლებში 100-ზე მეტი ღონისძიება გაიმართება კამპანიის ფარგლებში.
აქცია აქტიურად გააშუქა გააშუქა ცენტრალურმა და რეგიონულმა მედიამ.
https://www.facebook.com/WFSukhumi/videos/853330979131350
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ეს არის თანამშრომლობის თვალსაჩინო მაგალითი, საუკეთესო პრაქტიკა!
ბაღდათის ადგილობრივი თვითმმართველობა ქალთა ფონდი „სოხუმის“ კარგი პარტნიორია. ბაღდათის მუნიციპალიტეტში აქტიურად მუშაობს ქალთა მხარდაჭერის ცენტრი და ბევრი საინტერესო ინიციატივა განხორციელდა.
და აი, კიდევ ერთ კარგ საქმეს ჩაეყარა საფუძველი. სოფელ დიმში მცხოვრებ ქალებს ახალი პროფესიების შესწავლის შესაძლებლობა მიეცათ.
ბაღდათის გენდერული თანასწორობის საბჭოს ორგანიზებით და ფონდი „სოხუმის“ მხარდაჭერით სოფლის ბიბლიოთეკაში უფასო სასწავლო კურსები დაიწყო. მონაწილეთა ნაწილი 10 კვირის განმავლობაში შეისწავლის პოლიმერული თიხის ნაკეთობების დამზადებას, ნაწილი სტილისტის პროფესიას დაეუფლება, კიდევ ერთი ნაწილი კი Excel-ის შემსწავლელ კურსს გაივლის. კურსები ქალების და გოგონების ეკონომიკური მდგომარეობის გაუმჯობესებას შეუწყობს ხელს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ბაღდათი, ვანი, ქობულეთი, სამტრედია - ამ ოთხი მუნიციპალიტეტის ახალგაზრდებთან ტრენინგები ჩატარდა ონლაინ ფორმატში, ჩოხატაურში კი პირისპირ შეხვედრა გაიმართა.
მონაწილეებმა განიხილეს კონფლიქტის წარმოშობის მიზეზები და ტოლერანტობის თემა. ცოცხალი ტრენინგი ყოველთვის გამოირჩევა როლური თამაშებით, საინტერესო მუშაობით. ამიტომ ის ბევრად ეფექტური იყო.
„კონკრეტული თამაშით გავიგეთ, როგორ მახინჯდება და იკარგება ინფორმაცია. ძალიან მარტივად გაგვაგებინეთ, რა იწვევს კონფლიქტებს,“ - აღნიშნა ერთ-ერთმა მონაწილემ.
ნოემბერში, ისევე, როგორც სხვა თვეებში, ტრენინგები ჩატარდა ათი მუნიციპალიტეტის ახალგაზრდობის გაძლიერების ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ნოემბერში ჩვენი სამივე თეატრი წარსდგა მაყურებლის წინაშე - ფორუმ-თეატრი, ჩრდილების თეატრი და თოჯინების თეატრი.
ფორუმ-თეატრმა წარმოდგენები გამართა სენაკის მუნიციპალიტეტის ახალგაზრდულ ცენტრში. მიგრაციის თემამ და პრობლემამ დედა-შვილის ურთიერთობაში აქტიური დისკუსია და მაყურებლების ჩართულობა გამოიწვია. ამით ფორუმ-თეატრმა თავისი მისია შეასრულა.
სოფელ ხანის (ბაღდათის მუნიციპალიტეტი) საჯარო სკოლაში ჩრდილების თეატრმა და თოჯინების თეატრმა მოაწყვეს წარმოდგენები. პატარა მაყურებელმა იხილა თავისი საყვარელი პერსონაჟები და დიდი ინტერესი გამოავლინა. ამ თეატრებმაც შეასრულეს თავიანთი როლი - ტოლერანტობაზე, ჰარმონიაზე ესაუბრნენ ბავშვებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფსიქოლოგი მანანა გოცირიძე წლებია, ქალთა ფონდ „სოხუმში“ მუშაობს. დასავლეთ საქართველოს სხვადასხვა მუნიციპალიტეტში. სხვადასხვა ასაკის ადამიანებთან.
ატარებს ჯგუფურ და ინდივიდუალურ შეხვედრებს, ფსიქოთერაპიულ სესიებს. ეხმარება წყვილებს კონფლიქტების დაძლევაში...
ერთ-ერთი ფსიქოლოგიური პრობლემა, რომელიც ბევრ ადამიანს აწუხებს, არის სტრესი.
როგორ გავუმკლავდეთ სტრესს? რა დაგვეხმარება სტრესის დროს?
რა თქმა უნდა, ფსიქოლოგი ყველასთან ინდივიდუალურად მუშაობს, მაგრამ ეს რჩევები ყველასთვისაა:
დალიეთ ფინჯანი მწვანე ჩაი.
დასამშვიდებლად სცადეთ, ნელა დათვალოთ 10-მდე და შემდეგ - პირიქით.
მიირთვით შოკოლადი.
სცადეთ არომათერაპია.
ხანდახან თქვენი ემოციები გადაიტანეთ ქაღალდზე, მერე ისინი ნაკლებად შეგაშინებთ.
გაიკეთეთ ხელების მასაჟი.
სტრესის თავიდან აცილების ერთ-ერთი გზაა თმის ვარცხნა 10-15 წუთის განმავლობაში.
გემრიელი საჭმელი - ეფექტური ანტისტრესული დოპინგია.
ახალ ჯგუფებში დაიწყო 6-თვიანი სატრენინგო კურსი. უკვე ჩატადა პირველი შეხვედრები ზუგდიდის, სენაკის, თერჯოლის, ტყიბულის და ჩოხატაურის ახალგაზრდობის გაძლიერების ცენტრებში. მონაწილეთა საერთო რაოდენობა 100-ს აღემატება.
ტრენინგები იმართება სხვადასხვა მეთოდით: არის ინტერაქტიული მუშაობა, დისკუსიები, როლური თამაშები და გულწრფელი უკუკავშირი, როდესაც მონაწილეები ამბობენ, რომ მოსწონთ ასეთი მუშაობა.
ტრენინგებში აქტიურად არიან ჩართულები ახალგაზრდული დეპარტამენტის წარმომადგენლები, პედაგოგები და გენდერული თანასწორობის საბჭოს წევრები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში გამართულ შეხვედრებზე მონაწილეებმა ისაუბრეს გამოწვევებზე, რომლებიც ძალადობის მსხვერპლთა იდენტიფიცირების კუთხით არსებობს. ისინი მიიჩნევენ, რომ ამ გამოწვევების საპასუხოდ უნდა გაიზარდოს შეხვედრების რაოდენობა ქალთა ჯგუფებთან. ყველა ქალი უნდა ფლობდეს ინფორმაციას იმ სერვისებზე, რომლებიც გააჩნია სამთავრობო და არასამთავრობო სექტორს. ეს ინფორმაციები ხელს შეუწყობს დაფარული ოჯახური კონფლიქტების აღმოჩენას და პრევენციული ღონისძიებების დაგეგმვას.
შეხვედრები ჩატარდა ტყიბულის, ჩოხატაურის, თერჯოლის, წალენჯიხის და ზუგდიდის ქალთა მხარდაჭერის ცენტრებში. მთელი თვის განმავლობაში ამ ცენტრებში ხუთი კრიზისული ოჯახის იდენტიფიცირება მოხდა და შესაბამისი რეაგირებაც მოხდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საინფორმაციო შეხვედრაზე ბაღდათში ქალებს მიეწოდათ მნიშვნელოვანი ინფორმაციები: მონიტორინგზე, რომელიც ქალთა ფონდმა „სოხუმმა“ ჩაატარა ბავშვთა უფლებების დაცვის და მხარდაჭერის განყოფილებების საქმიანობის შესწავლისთვის, ასევე - ბაღდათის მუნიციპალიტეტის ბავშვთა უფლებების დაცვის და მხარდაჭერის განყოფილების საქმიანობის ძირითად მიმართულებებზე.
შეხვედრაზე აღინიშნა, რომ ეს განყოფილება აქტიურად მუშაობს და მაქსიმალურად ცდილობს ბენეფიციარების მხარდაჭერას. თუმცა ამავდროულად დაფიქსირდა, რომ მნიშვნელოვანია ბავშვზე და ოჯახებზე ორიენტირებული სერვისების გაუმჯობესება და იმაზე ფიქრი, თუ როგორ გახდეს ეს სერვისები უფრო ეფექტიანი და გრძელვადიანი შედეგების მომტანი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
შერიგებისა და სამოქალაქო თანასწორობის საკითხებში სახელმწიფო მინისტრმა - თეა ახვლედიანმა, უწყებასთან არსებული „შერიგებისა და ჩართულობის პოლიტიკის საკითხებზე მომუშავე ექსპერტთა საკონსულტაციო საბჭოსა“ და ,,ქალები, მშვიდობა და უსაფრთხოება - მშვიდობის მშენებლობის პროცესში ქალთა ეფექტიანი მონაწილეობის გაძლიერების საკითხებზე საკონსულტაციო პლატფორმის“ (რომლის წევრიცაა ქალთა ფონდი „სოხუმი“) წევრებთან შეხვედრა გამართა.
სამოქალაქო საზოგადოების წარმომადგენლებმა ისაუბრეს გამყოფი ზოლის მიმდებარედ მოსახლეობის წინაშე არსებულ გამოწვევებზე, ხაზი გაუსვეს მშვიდობის მშენებლობის მიმართულებით მეტი ძალისხმევის გაწევის, კონფლიქტით გაყოფილ საზოგადოებებს შორის ნდობის აღდგენის და შერიგების არსებული პროგრამების გაძლიერების და განვითარების აუცილებლობაზე. სახელმწიფო მინისტრის აპარატთან არსებული პლატფორმების წევრებმა მჭიდრო თანამშრომლობის გაგრძელებისთვის მზადყოფნა გამოთქვეს.
ყვითელ, წითელ და შინდისფერ ფერებში ჩაფლულ სოფელში შემოდგომის მიწურული განსაკუთრებით ლამაზად იგრძნობა.
ქალთა ფონდი „სოხუმის“ ფორუმ-თეატრი ბაღდათის მუნიციპალიტეტის მაღალმთიან სოფელ ხანს ესტუმრა.
სკოლის ეზოში საინტერესოს მოლოდინით დაგვხვდნენ უმცროსკლასელები და საბავშვო ბაღის აღსაზრდელები.
მათთვის ბაღდათის მუნიციპალიტეტის გენდერული თანასწორობის საბჭოს და ფონდი „სოხუმის“ ერთობლივი ინიციატივით თოჯინების და ჩრდილების თეატრის ჩვენება მოეწყო.
სპექტაკლების სცენარები გენდერულ თემატიკას და ტოლერანტობის საკითხებს ითვალისწინებდა, რაც აღსაზრდელებს მათთვის ნაცნობი პერსონაჟების მეშვეობით მიეწოდათ.
საოცარი მუხტი, ემოცია, სიხარულით ანთებული თვალები, ოვაციები... ეს ყველაფერი დიდხანს გაყვებათ პატარებს, თეატრის ახალგაზრდულ დასს და ორგანიზატორებს.
შეხვედრის ბოლოს ბავშვებს გენდერული საბჭოს წევრებმა ტკბილეულით უმასპინძლეს და მათთვის სკოლის დირექციამ ეს ლამაზი დღე ფერადი ფეირვერკით დაასრულა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)