სენაკში შეიქმნა თვითდახმარების ჯგუფი, რომელშიც აქტივისტი, ლიდერი ქალები და ახალგაზრდები გაწევრიანდნენ. განისაზღვრა ჯგუფის წევრთა ძირითადი პასუხისმგებლობები და მოვალეობები. 

პირველ საინფორმაციო შეხვედრაზე მონაწილებს მიეწოდა ინფორმაცია პროექტის „ქალები მოქმედებენ მშვიდობისა და ადგილობრივი თემის გაძლიერებისთვის“ ძირითად მიზნებზე, ამოცანებზე, აქტივობებზე.

ჯგუფის წევრებს ჩაუტარდება ტრენინგების ციკლი, რომელიც გაზრდის მათ კომპეტენციას და პროფესიონალიზმს. 

პროექტი შესაძლებლობას მისცემს მონაწილეებს, იმუშაონ დევნილთა თემებში არსებულ საჭიროებებზე. ყველა აქტივობა სათემო პრობლემების გადაჭრის და დევნილთა თემებში სოციალურ-ეკონომიკური მდგომარეობის გაუმჯობესებისკენ არის მიმართული. 

 

პროექტი ხორციელდება გაეროს ქალთა ორგანიზაციის  

მხარდაჭერით

ფოთში პროექტის „ქალები მოქმედებენ მშვიდობისა და ადგილობრივი თემის გაძლიერებისთვის“ ფარგლებში გაიმართა პირველი შეხვედრა - ოფიციალურად ჩამოყალიბდა თვითდახმარების ჯგუფი. შეხვედრას ესწრებოდნენ დევნილი  ქალები და გოგონები, რომლებიც მომავალში პროექტის ძირითადი ბენეფიციარები და თანამონაწილეები იქნებიან.

მათ მიიღეს დეტალური ინფორმაცია პროექტის მიზნებზე, ამოცანებზე და იმ აქტივობებზე, რომელთა ჩატარებაც დაგეგმილია მომდევნო თვეებში. განსაკუთრებული ყურადღება დაეთმო პროექტით გათვალისწინებულ შესაძლებლობებს ჯგუფის წევრებისთვის: ტრენინგების ციკლს მათი კომპეტენციებისა და პროფესიული უნარების განვითარებისთვის.

თვითდახმარების ჯგუფის წევრებს განესაზღვრათ ძირითადი როლები, მოვალეობები და პასუხისმგებლობები, რაც ხელს შეუწყობს ორგანიზებული და შედეგზე ორიენტირებული მუშაობის პროცესს. მონაწილეებს მიეცემათ საშუალება, დევნილთა თემებში გამოავლინონ პრობლემები, გამოყონ პრიორიტეტული საკითხები და იმუშაონ მათ გადაწყვეტაზე თემზე დაფუძნებული ინიციატივების მეშვეობით.

გარდა ამისა, პროექტი მიზნად ისახავს „მშვიდობის ელჩი ქალებისა და ახალგაზრდების ქსელის“ მხარდაჭერას და მისი პოტენციალის გაძლიერებას. 

ფოთი ახალი მუნიციპალიტეტია პროექტის გეოგრაფიისთვის, რაც კიდევ უფრო დიდ მნიშვნელობას ანიჭებს მოტივაციის ამაღლებას და ხელს უწყობს თემში დიალოგის და თანამშრომლობის ახალი სივრცეების შექმნას.

 

პროექტი ხორციელდება გაეროს ქალთა ორგანიზაციის  

მხარდაჭერით 

პროექტში „ქალები მოქმედებენ მშვიდობისა და ადგილობრივი თემის გაძლიერებისთვის“ აქტიურად ჩაერთო ქუთაისიც. შეიქმნა თვითდახმარების ჯგუფი და შედგა პირველი საინფორმაციო შეხვედრა. 

შეხვედრის მონაწილეები გაეცნენ პროექტის მიზნებს, ამოცანებს, დაგეგმილ აქტივობებს. ასევე - გაარკვიეს ჯგუფის წევრების მოვალეობები და პასუხისმგებლობები. მათთვის მნიშვნელოვანია, რომ საპროექტო მუშაობა ხელს შეუწყობს პრობლემების მოგვარებას და სოციალურ-ეკონომიკური მდგომარეობის გაუმჯობესებას დევნილთა თემებში. 

 

პროექტი ხორციელდება გაეროს ქალთა ორგანიზაციის  

მხარდაჭერით 

თვითდახმარების ჯგუფის პირველი შეხვედრა გაიმართა წყალტუბოში. ჯგუფი შეიქმნა პროექტის „ქალები მოქმედებენ მშვიდობისა და ადგილობრივი თემის გაძლიერებისთვის“ ფარგლებში. 

შეხვედრის გაეცნენ პროექტის აქტივობებს და მიზნებს, ისაუბრეს ჯგუფის თითოეული წევრის პასუხისმგებლობასა და ჩართულობის მნიშვნელობაზე. 

საპროექტო აქტივობები გააძლიერებს ჯგუფის წევრ ქალებს, მათ თემებს და წვლილს შეიტანს ადგილობრივ დონეზე „ქალები, მშვიდობა, უსაფრთხოების“ დღის წესრიგის განხორციელებაში.

 

პროექტი ხორციელდება გაეროს ქალთა ორგანიზაციის  

მხარდაჭერით

თვითდახმარების ჯგუფი საინფორმაციო შეხვედრაზე შეიკრიბა ხონში. მონაწილეებმა მიიღეს ინფორმაცია პროექტის შესახებ, მის  მიზნებსა და ამოცანებზე. ასევე - დაგეგმილ ღონისძიებებზე. 

თვითდახმარების ჯგუფში გაერთიანდნენ აქტიური ქალები და ახალგაზრდები, რომლებიც თავიანთ თემში იმუშავებენ პრიორიტეტული პრობლემების გამოვლენისა და მათი მოგვარებისთვის.

პროექტის ფარგლებში ჯგუფის წევრებისთვის დაგეგმილია ტრენინგები, რომლებიც დაეხმარება მათ ახალი ცოდნის და უნარების შეძენაში.

მიმდინარე პროექტი გულისხმობს „მშვიდობის ელჩი ქალებისა და ახალგაზრდების ქსელის“ გაფართოებას, გაძლიერებას და მხარდაჭერას.

 

პროექტი ხორციელდება გაეროს ქალთა ორგანიზაციის  

მხარდაჭერით

საქართველოში ქალთა კონგრესი მარტში დაარსდა. მისი ჩატარების იდეა წარმოიშვა 2024 წელს პოლონელ ქალთა კონგრესში ქალთა საინფორმაციო ცენტრის მონაწილეობის შემდეგ. კონგრესის მიზანია ქალთა როლის გაძლიერება დემოკრატიის მშენებლობაში, მათი აქტიური ჩართულობის ხელშეწყობა და გენდერული თანასწორობის მიღწევა.

კონგრესში მონაწილეობა მიიღეს  სხვადასხვა სფეროს და თაობის ქალებმა, რომლებიც დაინტერესებულები არიან აქტუალური საკითხებით: ძალადობის პრევენცია, ანტიგენდერული მოძრაობის წინააღმდეგ ბრძოლა, ქალთა პოლიტიკური მონაწილეობის ხელშეწყობა, ქალთა ეკონომიკური გაძლიერება, გენდერული პოლიტიკის გატარება, „ქალები, მშვიდობა და უსაფრთხოების“ დღის წესრიგის განხორციელება და სხვ.

საქართველოში კონგრესის მხარდამჭერები არიან ადგილობრივი და საერთაშორისო პარტნიორები. ქალთა კონგრესს ესწრებოდნენ ქალები, რომლებიც აქტიურად თანამშრომლობენ ჩვენს ორგანიზაციასთან.

  

პროექტი ხორციელდება გაეროს ქალთა ორგანიზაციის  მხარდაჭერით

ქსელურ შეხვედრაში მონაწილეობდნენ დევნილი ქალები და გოგონები 5 სამიზნე მუნიციპალიტეტიდან (ქუთაისი, ხონი, წყალტუბო, სენაკი, ზუგდიდი). შეხვედრაზე მონაწილეები გაეცნენ პროექტის შემფასებლის ანალიზს და ისაუბრეს სამომავლო თანამშრომლობის პერსპექტივებზე.

რესურსებზე და შესაძლებლობებზე წვდომა – ქალებმა აღნიშნეს, რამდენად ხელმისაწვდომია მათთვის საჭირო რესურსები და შესაძლებლობები, როგორ აწყდებიან ბარიერებს და რა ტიპის მხარდაჭერა სჭირდებათ.

სოციალური ცვლილებების მხარდაჭერა – მონაწილეებმა იმსჯელეს, რამდენად შეუძლიათ გავლენა მოახდინონ საკუთარ თემში არსებულ სოციალურ თუ ინფრასტრუქტურულ პრობლემებზე, განსაკუთრებით დევნილთა და კონფლიქტით დაზარალებული მოსახლეობის საჭიროებების კონტექსტში.

დისკუსიამ წარმოაჩინა ქალთა საჭიროებები, გამოწვევები და შესაძლებლობები, რაც დაეხმარება მომავალი ინიციატივების უკეთ დაგეგმვას. მონაწილეებმა ხაზი გაუსვეს პროექტის მნიშვნელობას და ქალთა ფონდ „სოხუმთან“ თანამშრომლობის დადებით მხარეებს.

 პროექტი ხორციელდება გაეროს ქალთა ორგანიზაციის  მხარდაჭერით

ზუგდიდის  ქალთა საინიციატივო ჯგუფის წევრებთან ონლაინ ფორმატის შეხვედრა  გაიმართა.

ჯგუფის წევრებმა პროექტის ფარგლებში მიღწეული შედეგები შეაფასეს, გააკეთეს არსებული გამოწვევების ანალიზი და სამომავლო გეგმები დაისახეს.

შეხვედრაზე მონაწილეებმა აღნიშნეს, რომ პროექტმა ხელი შეუწყო მათ გააქტიურება-გაძლიერებას, სოციალური უნარების განვითარებას, სამოქალაქო ინიციატივების განხორციელებას.

მათ ისაუბრეს ადვოკატირებაზე, რომელმაც შესაძლებლობა მისცა ადგილობრივ ქალებს, უკეთ გამოევლინათ თავიანთი საჭიროებები და აქტიურად ემუშავათ მათი მოგვარებისთვის.

ჯგუფის წევრების თქმით, მსგავსი პროექტები აუცილებელია ქალების სოციალური ინტეგრაციისა და თემში მეტი ავტორიტეტის მოპოვებისთვის.

 

პროექტი ხორციელდება გაეროს ქალთა ორგანიზაციის  

მხარდაჭერით

ონლაინ ფორმატში გაიმართა ქუთაისის  ქალთა საინიციატივო ჯგუფის შეხვედრა, რომლის მიზანი იყო პროექტის ფარგლებში მიღწეული შედეგების შეფასება, არსებული გამოწვევების ანალიზი და სამომავლო გეგმების დასახვა. შეხვედრის მონაწილეებმა აღნიშნეს, რომ პროექტის ფარგლებში ისინი გააქტიურდნენ, შეძლეს სოციალური უნარების განვითარება, სამოქალაქო ჩართულობა და სათემო ინიციატივების განხორციელება.

მონაწილეებმა აქცენტი გააკეთეს ადვოკატირების მნიშვნელოვან როლზე, რაც ხელს უწყობს ადგილობრივი პრობლემების მოგვარებას.

პროექტში ჩართული იყო დევნილთა ოთხი ჩასახლება და თემის წევრებმა მნიშვნელოვანი ბენეფიტები მიიღეს. საინიციატივო ჯგუფის წევრებმა ხაზი გაუსვეს მსგავსი პროექტების მნიშვნელობას ქალთა გაძლიერებისა და სოციალური ინტეგრაციისთვის.

 

პროექტი ხორციელდება გაეროს ქალთა ორგანიზაციის  

მხარდაჭერით

ონლაინ ფორმატით ჩატარდა შეხვედრა, რომელშიც მონაწილეობდნენ „მშვიდობის ელჩი ქალებისა და გოგონების ქსელის“ წევრები ქუთაისის, ხონის, წყალტუბოს, სენაკის და ზუგდიდის მუნიციპალიტეტებიდან.

შეხვედრაზე შეჯამდა პროექტი, მონაწილეებმა მოისმინეს პრობლემათა ადვოკატირების კუთხით არსებული სიტუაციის ანალიზი ცალკეული მუნიციპალიტეტების მიხედვით.

ქსელის ლიდერებმა გააჟღერეს თავიანთ თემებში არსებული პრიორიტეტული პრობლემები, რომელთა გამოვლენაზეც ჯგუფის წევრებთან ერთად იმუშავეს.

ქსელის წევრებმა ისაუბრეს ქსელური მუშაობის მნიშვნელობაზე, თითოეული მონაწილის გაძლიერებაზე, სამოქალაქო ინიციტივების განხორციელებაზე. ასევე, აღნიშნეს, რამდენად მნიშვნელოვანია მათთვის საერთაშორისო დონეზე ადგილობრივი პრობლემების გაჟღერების შესაძლებლობა, კონკრეტულად კი პლატფორმა „გაეროს ღია კარის დღე“.

პროექტი მალე სრულდება და პარალელურად მიმდინარეობს შეფასება. ქსელურ შეხვედრას ესწრებოდნენ შემფასებლები მარინა გურბო და დაკო ბახტურიძე.

 

პროექტი ხორციელდება გაეროს ქალთა ორგანიზაციის  

მხარდაჭერით

სასარგებლო ბმულები

სოციალური ქსელები