უფასო იურიდიული კონსულტაციები და საინფორმაციო შეხვედრები ჩატარდა ქუთაისის, ხონის, სენაკის, წყალტუბოს, ფოთის და ხურჩის ქალთა მხარდაჭერის ცენტრებში.
მონაწილეებს მიეწოდათ სხვადასხვა სახის ინფორმაცია: კანონი ძალადობის წინააღმდეგ, მსხვეპლის დაცვის სამართლებრივი მექანიზმები, იგპ-თა უფლებრივი მდგომარეობა საცხოვრებელი ფართის გამოყოფის პროცესში, იპოთეკა და მასთან დაკავშირებული საკითხები, განათლების საყოველთაო უფლება, მოსწავლის უფლებები.
შეხვედრების ბევრმა მონაწილემ მიიღო ინდივიდუალური კონსულტაცია, რაც ხელს შეუწყობს მათ პრობლემების მოგვარებაში.
მარტის თვეში წყალტუბოს, სენაკის, ხურჩის და ფოთის ქალთა მხარდაჭერის ცენტრებში ჩატარდა იურიდიული კონსულტაციები.
შეხვედრების თემა იყო - ქალთა უფლებები, ოჯახში ძალადობის მსხვერპლის უფლებები, აგრეთვე სხვადასხვა თემა მონაწილეთა ინტერესების გათვალისწინებით.
მონაწილეებს განემარტა ძალადობის დამახასიათებელი ნიშნები, მისი გამოვლენის ხერხები და საშუალებები და მისგან დაცვის პროცედურები, რაც კანონითაა გათვალიწინებული.
ტრადიციულად, სექტემბრის თვეშიც ჩატარდა იურიდიული საინფორმაციო-საკონსულტაციო შეხვედრები ქუთაისის, ხონის, წყალტუბოს, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში. შეხვედრის მონაწილეები იყვნენ ქალებიც და მამაკაცებიც.
შეხვედრებზე დაისვა უამრავი მნიშვნელოვანი საკითხი - ოჯახში ძალადობა, ოჯახური კონფლიქტები და მათი გამომწვევი მიზეზები, პრობლემის მოგვარება მედიაციის გზით, განქორწინების პროცედურა.
განხილულ იქნა სხვადასხვა ქეისი. წინა შეხვედრებზე დასმული პრობლემები მოგვარდა ქუთაისსა და ხონში. სენაკში კი კონსულტაცია გაიარა ძალადობის მსხვერპლმა და იურისტის დახმარებით გამოწერილ იქნა დამცავი ორდერი.
აგვისტოში იურისტები გეგმის მიხედვით ახორციელებდნენ საკონსულტაციო შეხვედრებს ქუთაისის, ხონის, წყალტუბოს, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში.
იურიდიული კონსულტაციები ეხებოდა სხვადასხვა აქტუალურ საკითხს - ქალთა მიმართ ძალადობა, განქორწინება, არასრულწლოვნებზე მეურვეობა, ქონების გაყოფა, სასოფლო-სამეურნეო მიწების რეგისტრაცია.
შეხვედრების მონაწილეები აცხადებენ, რომ იურიდიული კონსულტაციები ეხმარება მათ თავიანთი პრობლემების მოგვარებაში.
წყალტუბოს, სენაკის, ფოთისა და ხონის ქალთა მხარდაჭერის ცენტრებში ჩატარდა იურიდიული კონსულტაციები, რომელთაც ესწრებოდნენ დევნილი და ადგილობრივი ქალბატონები. შეხვედრებზე განხილულ იქნა სხვადასხვა თემა: მსხვერპლის სტატუსის მინიჭების პროცედურები, განქორწინება, ალიმენტის დანიშვნის წესები. ხურჩის ქალთა მხარდაჭერის ცენტრში იურიდიული კონსულტაცია მიეძღვნა საზღვრის უკანონო გადაკვეთის პრობლემებს. ქალთა მხარდაჭერის ცენტრების იურისტებმა დეტალური განმარტებები მისცეს შეხვედრის მონაწილეებს მათთვის საინტერესო საკითხებზე. ჩატარდა ინდივიდუალური კონსულტაციებიც.
ფონდი „სოხუმის“ ქალთა მხარდაჭერის ცენტრებში ჩატარდა უფასო იურიდიული კონსულტაციები. ფოთში, სენაკსა და წყალტუბოში, ძირითადად, განიხილეს სოციალურად დაუცველთა უფლებები, სესხის ხელშეკრულება და მრავალშვილიან დედათა პროგრამები.
ხურჩის ქალთა მხარდაჭერის ცენტრში საუბარი შეეხო ქორწინებას და მხარეთა უფლება-მოვალეობებს. ქუთაისსა და ხონში იურიდიული საინფორმაციო შეხვედრების თემა იყო გამოხატვის და მედიის თავისუფლება. ბენეფიციარებს მიეწოდათ ინფორმაცია გამოხატვის თავისუფლების არსზე და დაცვის გარანტიებზე.
ტრადიციულად, იურიდიული კონსულტაციები და საინფორმაციო შეხვედრები გაიმართა ქუთაისის, სენაკის, ხონის, წყალტუბოს, ფოთის და ხურჩის ქალთა მხარდაჭერის ცენტრებში. შეხვედრები სხვადასხვა თემას მიეძღვნა: როგორია სასამართლო სისტემა, როგორ დაიცვას თავი მოქალაქემ, სესხი, სესხის ვალდებულება, ოჯახში ძალადობის კანონი, განქორწინება, ალიმენტის დანიშვნის პროცედურები.
აპრილის თვის იურიდიული კონსულტაციები ქუთაისის, ხონის, ფოთის, სენაკის, წყალტუბოს და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში მიეძღვნა სხვადასხვა თემას: ოჯახური კონფლიქტები, დევნილთა უფლებები, განსახლების ეტაპები, ნასყიდობის ხელშეკრულება...
ბენეფიციარებმა თავიანთი პრობლემების მოსაგვარებლად გამოიყენეს იურიდიული კონსულტაციები, რომლებიც შეეხებოდა ალიმენტის დანიშვნის პროცედურებს, განქორწინების ეტაპებს, მრავალშვილიანი დედის სტატუსის მინიჭებას და სხვ.
ქუთაისის ქალთა მხარდაჭერის ცენტრში ჩატარდა იურიდიული საინფორმაციო შეხვედრა, სადაც მთავარ თემას წარმოადგენდა სამეზობლო ურთიერთობები და მათი სამართლებრივი რეგულაციები. საუბარი იყო სამეზობლო ურთიერთპატივისცემის, ზემოქმედებათა თმენის ვალდებულებებზე. აღმოჩნდა, რომ შეხვედრის მონაწილეების თითქმის უმეტესობას აწუხებს სამეზობლო ურთიერთობის პრობლემები. ასევე გაიცა სხვადასხვა სამართლებრივ საკითხებზე კონსულტაციები.
ინფრასტრუქტურული პროექტების გენდერული ასპექტები განიხილეს დღეს ხონის ამომრჩეველ ქალთა კლუბზე. მოწვეულმა სტუმარმა - ხონის მუნიციპალიტეტის გამგეობის ინფრასტრუქტურის სამსახურის უფროსმა ილია ყუფარაძემ შეკრებილთ 22 პროექტი წარუდგინა, რომლის განხორციელებაც წელს იგეგმება ხონში: ქალაქის შიდა გზების მოასფალტების სამუშაოები, მხარეთმცოდნეობის მუზეუმის რეაბილიტაცია, სამხატვრო სკოლის საგამოფენო დარბაზის მოწყობა, მრავალბინიანი საცხოვრებელი სახლების ფასადების შეღებვა-შელამაზება... გამგეობის წარმომადგენელმა კლუბის წევრების შეკითხვებს უპასუხა და მათ პირობა მისცა, რომ სამშენებლო სამუშაოების მიმდინარეობის შესახებაც მიაწვდის ინფორმაციას.
პროექტი ხორციელდება აშშ საელჩოს მხარდაჭერით