ამ ლამაზ ფოტოკოლაჟებზე შემაჯამებელი შეხვედრებია აღბეჭდილი.

სექტემბერი ახალგაზრდობის გაძლიერების ცენტრებში ექვსთვიანი სატრენინგო კურსის შეჯამებებით დაიწყო. უკვე ჩატარდა შეხვედრები თერჯოლის, სამტრედიის, ქობულეთის, ხობისა და სენაკის მუნიციპალიტეტების ახალგაზრდებთან. შეხვედრებს ესწრებოდნენ პედაგოგები, მშობლები, განათლების რესურსცენტრების და ახალგაზრდული სამსახურების წარმომადგენლები, გენდერული თანასწორობის საბჭოს წევრები.

ჯგუფის ლიდერებმა საინტერესო პრეზენტაციები წარმოადგინეს. ახალგაზრდებმა ისაუბრეს ხუთი თვის განმავლობაში ჩატარებულ მუშაობაზე, შედეგებზე, ცვლილებებზე, პროექტის გავლენასა და მნიშვნელობაზე.

სექტემბერში კიდევ ხუთი შემაჯამებელი შეხვედრა ჩატარდება. პარალელურად ხდება ახალი ჯგუფების ფორმირება.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ფორუმ-თეატრმა დაიწყო აქტიური სარეპეტიციო პროცესი. ჯგუფი ცვლილებების მოლოდინშია. გამოცხადდა ქასთინგი, ხდება გასაუბრებები და ველოდებით ახალგაზრდა მსახიობთა ახალ ნაკადს. ფორუმ-თეატრში ხშირად ხდება მსგავსი ცვლილებები, რადგან მოსწავლეები მიდიან სკოლის დასრულების შემდეგ.

სექტემბერში ჩატარდა ორი წარმოდგენა ქუთაისის ცენტრალურ პარკებში, უკვე მთავრდება კარგი ამინდების სეზონი და ფორუმ-თეატრმა მაქსიმალურდ გამოიყენა ეს სივრცე. ღია ცის ქვეშ თამაში კარგი გამოცდილებაა მსახიობებისთვის.

წარმოდგენების დროს დისკუსიებში ჩართულობა იყო საინტერესო და გულწრფელი, ოღონდ ეს არის: მაყურებლები ერიდებიან ფოტოების გადაღებას.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ფერადი ბისერებით და მულინებით ჩვენი ბენეფიციარები ზღაპრულად ლამაზ აქსესუარებს შექმნიან.

თერჯოლის ქალთა მხარდაჭერის ცენტრში კიდევ ერთი ახალი სასწავლო კურსი დაიწყო. სასწავლო კურსის ოფისი უცვლელია. მუშაობას აქტიურად უჭერს მხარს მუნიციპალიტეტის მერია და საკრებულო.

ახალი ჯგუფის პედაგოგი მერი კუპატაძეა. მის ნამუშევრები მოსწონს მომხმარებელს და ყველგან გამოარჩევენ საწარმოო ნიშნით „მერისგან“.

თერჯოლელი ქალებისთვის წარმატების ახალი ეტაპი დაიწყო.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ბევრი მადლობის მესიჯი მიიღო უკრაინელი ქალებისგან ჩვენმა ასისტენტმა სოფი წირღვავამ:

- მადლობა თქვენ და თქვენს გუნდს ამ დახმარებისთვის, ამ ვაუჩერებით ისეთი რამეები ვიყიდეთ, რის ფუფუნებასაც ადრე არ ვაძლევდით ჩვენს თავს.

- სასკოლო ნივთები შევიძინეთ ბავშვებისთვის.

- აქციები იყო ბევრ რამეზე, 1+1 და ბევრი სურსათი მოგვივიდა.

- ფასდაკლებებით და აქციებით საკმაოდ ბევრი რამ ვიყიდეთ. გაგახარათ ღმერთმა!

უკრაინელი ლტოლვილების მხარდასაჭერად ჩვენმა ორგანიზაციამ შეისყიდა სუპერმარკეტის ვაუჩერები და სურსათის და ჰიგიენის საშუალებების პაკეტის ნაცვლად სხვადასხვა ოდენობის ვაუჩერი დაურიგა  ბენეფიციარებს.

სექტემბერში გაიცა 100-ლარიანი 180 ვაუჩერი - ოჯახის წევრების რაოდენობის მიხედვით უკრაინელებმა მიიღეს ერთი, ორი თუ სამი ვაუჩერი. დახმარება გაეწია 110 ოჯახს  (15 ოჯახს - ხელმეორედ).

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ქალთა ფონდი „სოხუმის“  კვლევის -  „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“ - რეკომენდაციებში მნიშვნელოვანი ადგილი უჭირავს პასუხისმგებელი ადგილობრივი რგოლების კოორდინაციას და ინფორმაციის გაცვლას (კვლევის ბმული: https://fsokhumi.ge/.../item/13796-2023-07-13-20-36-14).

ამჯერად ინფორმაციის გაცვლის შეხვედრა გაიმართა ხობის მუნიციპალიტეტის საგანმანათლებლო  რესურსცენტრში.

ფონდი „სოხუმის“ წარმომადგენლებმა საგანმანათლებლო დაწესებულებების, ბავშვთა უფლებების დაცვის და მხარდაჭერის განყოფილების თანამშრომლებთან და გენდერული თანასწორობის საბჭოს წევრებთან ერთად ისაუბრეს არაერთ საჭირბოროტო საკითხზე, რომლებიც ეხება ქალთა მიმართ/ოჯახში ძალადობას, ძალადობის პრევენციას, მოზარდების გარშემო არსებულ კლიმატს, მათი ოჯახების ფსიქოსოციალურ და სხვა საჭიროებებს.

შეხვედრამ ცხადი გახადა, რამდენად მნიშვნელოვანია უწყებათაშორისი თანამშრომლობა.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

სამტრედიის მუნიციპალიტეტის საკრებულოს სხდომათა დარბაზში მრგვალ მაგიდას ესწრებოდნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის, სოციალური, საგანმანათლებლო და  სამედიცინო სფეროების წარმომადგენლები.

შეხვედრაზე ისაუბრეს ოჯახში ძალადობის პრობლემაზე, მსხვერპლის დახმარებასა და ადგილობრივ სტრუქტურებთან თანამშრომლობის მნიშვნელობაზე.

შეხვედრის მონაწილეებს მიეწოდათ ინფორმაცია ქალთა ფონდი სოხუმის მონიტორინგის ბოლოს ანგარიშზე „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის  შეფასება“.

მოწვეულმა იურისტმა გააკეთა პრეზენტაცია რეფერირების დოკუმენტის პროექტზე, ყურადღება გაამახვილა რეფერირების გზებზე და უწყებებს შორის თანამშრომლობაზე,  რაც ხელს შეუწყობს ძალადობის პრევენციას.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

თერჯოლის ქალთა დღის ცენტრში წარმატებით დასრულდა ჭრა-კერვის სასწავლო კურსი.  ჩვენს ნიჭიერ ბენეფიციარებს მისალოცად მუნიციპალიტეტის მერი მანუჩარ რობაქიძე და საკრებულოს თავმჯდომარის მოადგილე დავით გოგბერაშვილი ესტუმრნენ. ისინი თავიდანვე გულშემატკივრობდნენ ქალთა ფონდი „სოხუმის“ ამ კეთილ საქმეს და ხელს უწყობდნენ, რომ სწავლება კომფორტულ სივრცეში წარმართულიყო.

კურსდამთავრებულებმა თავიანთი ნაშრომები წარმოადგინეს. მათ საზეიმოდ გადაეცათ სერტიფიკატები. იყო მადლიერება და სიხარული. ბენეფიციარებმა ახალ პროფესიასთან ერთად შეიძინეს ერთმანეთი, მეგობრები, მხარდამჭერები და ახალი სურვილები და მიზნები გაუჩნდათ.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

წყალტუბოში American Spaces-ის საზაფხულო ბანაკს ქუთაისში მცხოვრები უკრაინელი მოზარდებიც შეუერთდნენ ჩვენი დახმარებით. „სონიაშნიკის“ პროგრამის ფარგლებში, აშშ-ის საელჩოს დაფინანსებით, მათ ბანაკში ოთხი დღე გაატარეს მხიარულად და საინტერესოდ. ბავშვებმა ქართველი მეგობრები გაიცნეს და დაუმეგობრდნენ. მშობლებმა მადლობა გადაგვიხადეს, რადგან ჩვენ ყოველთვის ვუზიარებთ მათ სასარგებლო ინფორმაციებს.

სასიხარულოა, რომ ჩვენმა ერთ-ერთმა ბენეფიციარმა ვიქტორია კრავჩენკომ დაასრულა მანიკურის კურსი. ერთ-ერთი ორგანიზაციისგან კი სამმა ქალმა გრანტი მიიღო: იულია რეზვანმა - საცხობის აღჭურვილობისთვის, ეკატერინა მირნაიამ - ავტოსამრეცხაოსთვის და ირინა კოზაკმა - აფრო-ნაწნავების გასაკეთებლად. ყოველივე ეს ხელს შეუწყობს მათი ოჯახების ეკონომიკური მდგომარეობის გაუმჯობესებას.

უკრაინიდან ლტოლვილებისთვის არცთუ მცირე მნიშვნელობა აქვს ფსიქოლოგიურ მხარდაჭერას, რომელსაც ისინი იღებენ ფონდ „სოხუმში“. ჩვენ ვაცნობეთ, რომ ფსიქოლოგიურ კონსულტაციებს მათთვის ასევე ახორციელებს გერმანული ორგანიზაცია CRISP. მსურველებმა შეავსეს კითხვარი და მიიღებენ მათთვის საჭირო სერვისს.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

აგვისტოში ქალთა მხარდაჭერის ცენტრების ორგანიზებით 15 შეხვედრა ჩატარდა და 150-ზე მეტ ადამიანს მიეწოდა ინფორმაცია მსხვერპლთა დახმარების კუთხით არსებულ სერვისებზე.

მუშაობა აქტიურად მიმდინარეობდა ათივე ცენტრში: ბაღდათის, ვანის, თერჯოლის, სამტრედიის, სენაკის, ხურჩის (ზუგდიდის მუნიციპალიტეტი), წალენჯიხის, ხობის, ქობულეთის და ჩოხატაურის ცენტრებში.

შეხვედრების მონაწილეებმა ისაუბრეს იმაზე, ძალადობის პრობლემის პრევენციისთვის რა მიმართულებით არის მუშაობა გასაძლიერებელი.  გამოიკვეთა, რომ  პერიფერიებში უნდა გაფართოვდეს  მოსახლეობის ინფორმირების არეალი და გაიზარდოს არასამთავრობო ორგანიზაციების როლი ამ მხრივ.

გამოწვევებში გამოჩნდა ისიც, რომ მნიშვნელოვანია ქალთა მომზადება და ჩართვა ეკონომიკური გაძლიერების პროგრამებში.

ქალთა მხარდაჭერის ცენტრებში აღნიშნული გამოწვევების გათვალისწინებით გაგრძელდება მუშაობა. თვის განმავლობაში ოთხი ახალი შემთხვევის იდენტიფიცირება მოხდა. ქეისების ანალიზის შემდეგ პროცესში ფსიქოლოგი და იურისტი ჩაერთვებიან.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

კონფლიქტის მართვის სწავლების და ძალადობის პრევენციის ციკლის მეხუთე  ტრენინგი  აგვისტოში ონლაინ ფორმატით ჩატარდა.

ტრენინგებს დაესწრო დასავლეთ საქართველოს ათი სამიზნე მუნიციპალიტეტის ორასამდე ახალგაზრდა - ახალგაზრდობის გაძლიერების ცენტრების წევრები. ტრენინგების მონაწილეები საკუთარ ცვლილებებზე საუბრობდნენ -  როგორები იყვნენ ტრენინგების  დაწყებამდე და როგორები არიან ახლა.

აღნიშნეს, რომ გახდნენ მეტად თავისუფლები, თავდაჯერებულები, კომუნიკაბელურები, ტოლერანტულები,  აქტიურები. ისწავლეს პრობლემების დანახვა,  იდენტიფიცირება, ადვოკატირება.

უკვე მაღალია მათი ინტელექტუალური რესურსი  კონფლიქტების დარეგულირების და ძალადობის პრევენციის ხელშეწყობის კუთხით. 

კონფლიქტის პრევენცია კონფლიქტის გადაწყვეტის უპირველესი მიზანია და გულისხმობს ადგილობრივი ახალგაზრდული სამშვიდობო რესურსის გაძლიერებას. ხუთთვიანმა სატრენინგო კურსმა გამოავლინა ახალი სახეები, ახალი ლიდერები, რომლებიც სექტემბრის შემაჯამებელ შეხვედრებზე წარადგენენ პრეზენტაციებს და ისაუბრებენ ქალთა ფონდი „სოხუმის“ პროექტის ფარგლებში მიღებულ  ცვლილებებსა და შედეგებზე.

 პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)