16-დღიანი კამპანიის ფარგლებში ხობის საკრებულოს სხდომათა დარბაზში გაიმართა შეხვედრა სამეგრელო ზემო-სვანეთის 8 მუნიციპალიტეტის ხელმძღვანელ პირებთან თემაზე „გენდერული მეინსტრიმინგი - გენდერული გავლენები.“ თემა წარადგინეს საქართველოს პარლამენტის წევრმა ნინო წილოსანმა და გენდერული თანასწორობის მუდმივმოქმედი საპარლამენტო საბჭოს მოწვეულმა ტრენერმა ელენე ბერიაშვილმა.
შეხვედრის დასრულების შემდეგ კულტურის სახლის მცირე დარბაზში გაიმართა ქალთა ფონდი „სოხუმის“ ფორუმ-თეატრის წარმოდგენები.
ღონისძიებებს ესწრებოდნენ საქართველოს პარლამენტის წევრები: გიორგი ხახუბია, ირაკლი (დაჩი) ბერაია, გრეტა წიწავა, სამეგრელო-ზემო სვანეთის სახელმწიფო რწმუნებული გიორგი გუგუჩია მოადგილეებთან ერთად, ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია.
ფორუმ-თეატრის გამოსვლებმა დიდი შთაბეჭდილება მოახდინა შეკრებილებზე. მათ მიიღეს ინფორმაცია ფონდი „სოხუმის“ მუშაობაზე, ორგანიზაციის აქტიურ მონაწილეობაზე 16-დღიან კამპანიაში და ახალგაზრდებთან მუშაობის ფორმატზე, რაც საინტერესო იყო შეხვედრის მონაწილეებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხის მუნიციპალიტეტი წელსაც, როგორც შარშან, აქტიურად ჩაერთო საერთაშორისო კამპანიაში ქალთა მიმართ ძალადობის წინააღმდეგ.
ქალთა ფონდი „სოხუმმა“ მუნიციპალიტეტის გენდერული თანასწორობის საბჭოსთან თანამშრომლობით ჩაატარა ოთხი ტრენინგი საბავშვო ბაღის თანამშრომლებისთვის თემაზე „გენდერი, გენდერული სტერეოტიპები, გენდერული ძალადობა.“
გენდერის არსი, სტერეოტიპები, რომლებიც გვესმის პატარა ასაკიდან, გენდერული დისბალანსი, რაც იწვევს ძალადობას და ძალადობის აღმოფხვრის გზები - ამ საკითხებზე ისაუბრეს შეკრებილებთან ტრენერებმა: ლარისა შენგელიამ, ხათუნა გოგუამ, ანჟელა ჩიხლაძემ და ლალი შენგელიამ.
ტრენინგების ციკლი აქტიურად, საინტერესოდ და ნაყოფიერად წარიმართა.
სიუჟეტში შეჯამდა მუშაობა პროექტში „ქალები, მშვიდობა, უსაფრთხოება, გაეროს რეზოლუცია 1325-ის სამოქმედო გეგმის ადგილობრივ დონეზე განხორციელების ხელშეწყობა“.
ვიდეოჩანაწერში წარმოდგენილია პროექტში ჩართული ხუთივე მუნიციპალიტეტი - ქუთაისი, წყალტუბო, ხონი, სენაკი და ზუგდიდი. ამ მუნიციპალიტეტებში აქტიურად მოქმედებდა საინიციატივო ჯგუფები. ამ ჯგუფების წარმომადგენელი ქალები საუბრობენ, თუ რა მისცა მათ პროექტმა და ქსელურმა მუშაობამ. ისინი მაყურებელს უზიარებენ თავიანთ წარმატებებს, იმას, თუ რა შედეგებს მიაღწიეს და როგორ ჩამოყალიბდნენ ლიდერებად, რომელთაც შეუძლიათ პრობლემების გამოვლენა, ადვოკატირება და მოგვარება თავიანთი თემის უკეთესი საცხოვრებელი პირობებისთვის.
პროექტი ხორციელდება გაეროს ქალთა ორგანიზაციის
მხარდაჭერით
ქალთა მხარდაჭერის ცენტრები აქტიურად ჩაერთნენ 16-დღიან კამპანიაში ქალთა მიმართ ძალადობის წინააღმდეგ.
მობილიზატორების ინიცირებით, აქტიური დისკუსიები მიმდინარეობდა აქტუალურ საკითხებზე: გენდერული სტერეოტიპები, გენდერული ძალადობა, ნაადრევი ქორწინება და მისი ნეგატიური შედეგები, ძალადობის მსხვერპლთა დახმარების სერვისები, ოჯახური კონფლიქტები და პრევენციული გზები...
ათივე ქალთა მხარდაჭერის ცენტრში დარიგდა საინფორმაციო ფურცლები და პოსტერები. ჩატარდა აქციები ადგილობრივი სტრუქტურების ჩართულობით.
ფილმების ჩვენება, დისკუსიები, ვორკშოპები, საინფორმაციო შეხვედრები, დებატ-კლუბები, ნახატების გამოფენები, აქციები - კამპანიის ფარგლებში 34 სხვადასხვა ფორმატის აქტივობა ჩატარდა. 16-დღიანმა კამპანიამ 40-ზე მეტი ქალაქი თუ სოფელი მოიცვა - ჩაერთო 300-ზე მეტი ადამიანი.
ქალთა მხარდაჭერის ცენტრებმა კიდევ ერთხელ შეახსენეს საზოგადოებას, რომ ოჯახში ძალადობა საყოველთაო პრობლემაა და მის მოსაგვარებლად ერთიანი ძალისხმევა და კომპლექსური მიდგომებია საჭირო.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ადვოკატირების ჯგუფმა თერჯოლის მოსწავლე-ახალგაზრდობის მუნიციპალურ ცენტრში ჩაატარა შეხვედრა ორგანიზაციის ბენეფიციარებთან, რომელთაც მიეწოდათ ინფორმაცია სიახლეებზე, რაც მუნიციპალიტეტის 2024 წლის ბიუჯეტში იგეგმება.
განსაკუთრებული აქცენტი გაკეთდა მერიის ბავშვთა უფლებების დაცვის განყოფილების პროგრამებზე და იმ პროგრამებზე, რომლებიც გათვლილია ძალადობის მსხვერპლთათვის - ეს არის ერთჯერადი დახმარება და ბინის ქირა. აღინიშნა, რომ ძალიან მნიშვნელოვანია ამ პროგრამებზე მეტი იცოდეს საზოგადოებამ, რომ ინფორმაციაც გამოიყენონ და მისი მიზნობრიობაც კარგად დაინახოს ადგილობრივმა თვითმმართველობამ.
გენდერული თანასწორობის საბჭოს წარმომდგენელმა შეხვედრის მონაწილეებს გაუზიარა კარგი სიახლე - 2024 წელს საბჭოს ექნება თავისი ბიუჯეტი, რომელშიც გაიწერება ქალებისთვის მნიშვნელოვანი ბევრი მიზნობრივი სერვისი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრის გამოსვლები ზუგდიდში მიეძღვნა 16-დღიან კამპანიას ქალთა მიმართ ძალადობის წინააღმდეგ.
ახალგაზრდა მსახიობებმა ხუთი სცენა გაითამაშეს და ყოველ სცენას საინტერესო დისკუსიაც მოყვა. მაყურებლებმა აღნიშნეს, რომ ეს ურთულესი თემაა ასეთი ფორმით ადამიანებს უკეთესად მიეწოდება ინფორმაცია.
ქალებმა აღნიშნეს:
„თვალნათლივ დავინახეთ, რა შეცდომებს ვუშვებთ შვილების აღზრდაში“.
„ჩვენ უფრო მკაცრად გვზრდიდნენ და უკვე შევცვალეთ დამოკიდებულება შვილების მიმართ“.
ფორუმ თეატრის სცენები დევნილთა თემში გენდერული ძალადობის საკითხებზე ცნობიერების ამაღლებას ისახავს მიზნად.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
16-დღიანი კამპანიის ფარგლებში ქალთა ფონდი „სოხუმის“ ფორუმ-თეატრის წარმოდგენები გაიმართა ხონში. გათამაშდა სცენები ძალადობის თემატიკაზე, რამაც აქტიური დისკუსია გამოიწვია. მაყურებლებზე იმოქმედა ნანახმა და დააფიქრა იმაზე, თუ რა იწვევს ძალადობას და როგორ შეიძლება მისი პრევენცია.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ხონის დევნილთა დასახლებაში ძალადობის წინააღმდეგ მიმართული 16-დღიანი კამპანიის კვირეულში სამედიცინო აქცია ჩატარდა. ექიმები ქალებს ესაუბრნენ იმაზე, რომ ძალადობრივ გარემოში ცხოვრება იწვევს ჯანმრთელობის პრობლემებს. განსაკუთრებით გაესვა ხაზი რეპროდუქციულ ჯანმრთელობაზე ზრუნვის მნიშვნელობას.
აქციის ფარგლებში ქალებს უფასოდ ჩაუტარდათ ოჯახის ექიმის, მამოლოგის, გინეკოლოგის კონსულტაციები და სკრინინგი. მათ აღნიშნეს, რომ არ აქვთ შესაძლებლობა, ჯანმრთელობას ყურადღება დროულად მიაქციონ.
სამედიცინო აქციამ კიდევ ერთხელ დაგვანახა რეპროდუქციული კულტურის დანერგვის საჭიროება. ქალთა მობილიზაციაში მონაწილეობდნენ ადგილობრივი თვითმმართველობის წარმომადგენლები.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ფორუმ-თეატრი აქტიურად ჩაერთო კამპანიაში „16 აქტიური დღე ქალთა მიმართ ძალადობის წინააღმდეგ“.
წყალტუბოში ჩატარდა ფორუმ-თეატრის წარმოდგენები, გათამაშდა მინი-სცენები ძალადობის სხვადასხვა ფორმის გამოვლინებით. მაყურებელი აქტიურად ჩაერთო თამაშში - მოხდა მსახიობების ჩანაცვლება დამსწრეების მხრიდან. დისკუსიაც საინტერესოდ გაიმართა.
საჭიროა საზოგადოების მეტი ინფორმირებულობა ძალადობის პრევენციის ხელშესაწყობად - ეს იყო ფორუმ-თეატრის მთავარი მესიჯი.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ხშირად ქალებს საკუთარი ჯანმრთელობისთვის ყურადღების მისაქცევად არც ფინანსები რჩებათ და არც დრო, სწორედ ამიტომ ქალთა ფონდმა „სოხუმმა“ მასშტაბური სამედიცინო აქცია ჩაატარა კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში.
პირველი იყო წყალტუბო - დევნილმა ქალებმა უფასოდ მიიღეს ოჯახის ექიმის, მამოლოგის, გინეკოლოგის კონსულტაციები და ჩაუტარდათ სკრინინგი.
ექიმების ჯგუფი ქალებს ესაუბრა ძალადობის ნეგატიურ ზეგავლენაზე, რეპროდუქციული ჯანმრთელობის, ძუძუს კიბოს ადრეული დიაგნოსტიკის მნიშვნელობასა და სკრინინგ-პროგრამებზე.
სამედიცინო აქციამ დიდი დაინტერესება გამოიწვია დევნილთა თემში. ქალებმა კმაყოფილება და მადლიერება გამოხატეს.
აქციაში ჩართულნი იყვნენ მერიის, გენდერული საბჭოს და წყალტუბოში მომუშავე სამედიცინო ცენტრის წარმომადგენლები.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.