ხონის დევნილთა დასახლებაში ჩატარდა გამოკითხვა დევნილთა შემწეობის რეფორმის მიმართ მათი დამოკიდებულების შესწავლის მიზნით.
გამოკითხული 50 ადამიანიდან მხოლოდ მცირე ნაწილს მიაჩნია აუცილებლად რეფორმის ჩატარება. ყველა უარყოფითად აფასებს იმ ფაქტს, რომ რეფორმის პროექტის შემუშავებამდე არ მომხდარა მათი საჭიროებების კვლევა.
რესპონდენტთა უმეტესობა აღნიშნავს, რომ შემწეობა (45 ლარი) მათთვის საარსებოდ მნიშვნელოვანია და რეფორმის განხორციელება გამოიწვევს მათი ისედაც მძიმე სოციალურ-ეკონომიკური მდგომარეობის გაუარესებას.
(PIN-ის პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ -დაფინანსებულია ევროკავშირის და ჩეხეთის საგარეო საქმეთა სამინისტროს მიერ).
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
14 ივნისს, ხონის საკრებულოს სხდომათა დარბაზში პროექტის „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში - საქართველოში“ ფარგლებში მუციპალიტეტის მრჩეველთა საბჭოს მორიგი სხდომა გაიმართა. საბჭოს წევრებმა მუნიციპალიტეტში სოციალური მომსახურების ხელმისაწვდომობისა და საჭიროებების კვლევასთან დაკავშირებული საკითხები განიხილეს.
პროექტის მენეჯერმა შეხვედრის მონაწილეებს კვლევის კონცეფცია და სამიზნე ჯგუფების შერჩევის სპეციფიკა გააცნო. ითქვა, რომ სწორად განსაზღვრული კრიტერიუმები კვლევის მიზნების წარმატებით განხორციელების საწინდარია.
შეჯერდა კვლევების დრო და ადგილი, ჩართული სოციალური ჯგუფები და პასუხისმგებელი პირები, ასევე - ოპტიმალური ადგილი ფოკუს-ჯგუფის შეხვედრების ჩატარებისათვის.
გამოითქვა იმედი, რომ კვლევის შედეგად მიღებული ინფორმაცია იქნება კარგი პლატფორმა სოციალური ჩართულობის ადგილობრივი სტრატეგიის შესამუშავებლად.
პროექტი დაფინანსებულია ევროკავშირის მიერ და მას ახორციელებს ჩეხური ორგანიზაცია „ადამიანი გაჭირვებაში“ (PIN). ხონში პროექტის პარტნიორია არასამთავრობო ორგანიზაცია „ფონდი სოხუმი“.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით
ხონის საკრებულოს სხდომათა დარბაზში ქალთა საინიციატივო ჯგუფის წევრები შეიკრიბნენ. ისინი ქუთაისის და წყალტუბოს ქალთა საინიციატივო ჯგუფების სამუშაო გამოცდილებას გაეცნენ. ჯგუფის წევრების აზრით, პრობლემები ანალოგიურია, ამიტომაც მნიშვნელოვანია იმის მოსმენა, სხვა ქალაქებში როგორ მოხდა მათი ადვოკატირება.
ქალთა საინიციატივო ჯგუფი ახალ პრობლემაზე იწყებს მუშაობას - მისი ადვოკატირება ხელს შეუწყობს ადამიანური უსაფრთხოების ხარისხის გაუმჯობესებას.
ხონის ქალთა საინიციატივო ჯგუფი აგრძელებს მუშაობას პრობლემათა ადვოკატირების მიმართულებით. 9 თებერვალს მორიგი შეხვედრა გაიმართა. ჯგუფის წევრებმა შეადგინეს ადვოკატირების გეგმა. გაიწერა გრაფიკი, რომლის მიხედვითაც თითოეულ წევრს საკუთარი უფლებამოსილება განესაზღვრა. ადვოკატირების გეგმაში დაფიქსირდა ადგილობრივი თვითმმართველობის წარმომადგენლებთან ვიზიტები, რადგან პრობლემების მოგვარება მათი ჩართულობით, მათთან აქტიური თანამშრომლობით უნდა მოხდეს.
ხონის ქალთა მხარდაჭერის ცენტრმა კამპანიას „16 აქტიური დღე ქალთა მიმართ ძალადობის წინააღმდეგ“ მიუძღვნა პროექტი „ქალები ამსხვრევენ სტერეოტიპებს“. როგორც პროექტის ანოტაციაშია ნათქვამი, ხონის სამხედრო დასახლების კოლექტიურ ცენტრში ქალების უმეტესობა პასიურია. მათ არა აქვთ ინფორმაცია გენდერულ ძალადობაზე. პროექტში სწორედ ის ქალები ჩაერთნენ, რომლებიც არ ესწრებიან ქალთა მხარდაჭერის ცენტრის ღონისძიებებს. გაიმართა ქალების ჩემპიონატი ნარდში. ამით დაიმსხვრა ერთ-ერთი სტერეოტიპი, რომლის მიხედვითაც სპორტული თამაშები ბევრს მამაკაცთა საქმედ მიაჩნია.
ჩემპიონატს დაესწრნენ ხონის მუნიციპალიტეტის ადგილობრივი თვითმმართველობის წარმომადგენლები. პროექტის ფარგლებში დაიბეჭდა პოსტერ-კალენდარი, რომელზეც აღბეჭდილია 2016 წლის იმერეთის მოყვარულთა ლიგის გამარჯვებული - საფეხბურთო კლუბი „აფხაზეთი“. განსაკუთრებით შთამბეჭდავია პოსტერის სლოგანი „ჩვენ ვგმობთ ძალადობას!“
ჩემპიონატის მონაწილეებს გადაეცათ კალენდრები და საინფორმაციო ფურცლები. ყველა ეთანხმება აზრს, რომ ძალადობა დასაგმობია და ყველაფერი უნდა გაკეთდეს ძალადობრივი შემთხვევების შემცირებისათვის.
20 იანვარს ხონის ქალთა საინიციატივო ჯგუფი 2017 წელს პირველად შეიკრიბა. ჯგუფის ლიდერმა, გასული წლის შედეგების შეჯამებისას, ისაუბრა როგორც მოკლევადიანი ადვოკატირების პოზიტიურ შედეგებზე, ასევე გრძელვადიანი ადვოკატირების კუთხით მიღწეულ წარმატებებზე. ბოლო სიახლეების მიხედვით, ჯგუფმა საკრებულოსგან მიიღო ოფიციალური პასუხი, რომ მათი მოთხოვნა - ხონის ცენტრალური და ბავშვთა ბიბლიოთეკის ცენტრალური გათბობით უზრუნველყოფაზე - 2017 წლის პრიორიტეტებში გათვალისწინებულია.
კმაყოფილებით აღინიშნა, რომ დაინერგა თვითმმართველობასთან კონსტრუქციული უკუკავშირის სისტემა და ჯგუფის ყოველი მიმართვა თვითმმართველობის ნებისმიერი რგოლიდან ოპერატიულ რეაგირებას იწვევს.
დისკუსიის შედეგად გამოიკვეთა ახალი სტრატეგიული მიზნები და ამოცანები, სფეროები, სადაც ხონის საინიციატივო ჯგუფი აპირებს აქტიურ საქმიანობას. მათ შორის არის - ეკოლოგიური, სოციალური უსაფრთხოების საკითხები, რომელთა გადაჭრაში ქალები საკუთარ წვლილს შეიტანენ.
ხონის საკრებულოს სხდომათა დარბაზში ხონის სოციალურ საკითხებში მრჩეველთა საბჭოს მორიგი სხდომა გაიმართა.
საბჭოს წევრებმა განიხილეს საბჭოს დღის წესრიგით გათვალისწინებული საკითხები:
ხონის სოციალური ჩართულობის სტრატეგიის მიზნების და ამოცანების შესრულების ანალიზი (2017 წლის სამოქმედო გეგმის მონიტორინგის შედეგებზე დაყრდნობით); ხონის მუნიციპალიტეტის სოციალური ჩართულობის სტრატეგიის 2018 წლის სამოქმედო გეგმისთვის პრიორიტეტული მიმართულებების გამოკვეთა.
სხდომაზე პოზიტიურად შეფასდა 2017 წლის სამოქმედო გეგმის შესრულება და წარმოდგენილი იქნა არაერთი საინტერესო იდეა 2018 წლის სამოქმედო გეგმაში ინტერგირებისთვის, რომელზეც საბჭოს წევრები ორგანიზაცია «Реоplе in Need»-ის თაოსნობით უახლოეს მომავალში იმუშავებენ.
რა მიმართულებით უნდა მოხდეს საბჭოს საქმიანობის ფოკუსირება, რომელ საკითხებში საჭიროებენ საბჭოს წევრები უნარების გაძლიერებას, რათა სამოქმედო გეგმას რეალური განხორციელება მოყვეს - აქცენტი ამ საკითხებზეც გაკეთდა.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
ხონის მუნიციპალიტეტის საკრებულოში პროექტის „სოციალური დაცვის საკითხებზე მომუშავე ადგილობრივი ორგანიზაციების ჩართულობის გაძლიერება სტრატეგიულ დიალოგში საქართველოში“ ფარგლებში ხონის სოციალურ საკითხებში მრჩეველთა საბჭოს გაფართოებული სხდომა გაიმართა.
საბჭოს წევრებს პროექტის ახალი მენეჯერი ნინო მარკოზაშვილი გაეცნო. მოეწყო 2017 წლის მუშაობის შემაჯამებელი ანგარიშის ვიდეოჩვენება. საბჭოს წევრებმა განიხილეს დაფინანსებული პროექტების სიცოცხლისუნარიანობის საკითხი, მიმოიხილეს მუნიციპალიტეტის სოციალური ბიუჯეტის მონიტორინგის ძირითადი მიგნებები და შედეგები, ისაუბრეს 2018 წლის სამუშაო გეგმის შედგენაზე.
ხონის მუნიციპალიტეტის მერმა ლადო ჯურხაძემ სამომავლო თანამშრომლობასთან დაკავშირებით მზადყოფნა გამოთქვა და განაცხადა, რომ მოწყვლად ჯგუფებზე ორიენტირებული სოციალური სერვისების დანერგვის ტენდენცია გაგრძელდება.
პროექტიხორციელდებაჩეხურიორგანიზაცია „ადამიანიგაჭირვებაში“
PIN მხარდაჭერით
პროექტის „გაუმჯობესებული პირობები დევნილთა თემისათვის“ ფარგლებში ფონდმა „სოხუმმა“ წყალტუბოს №1 ბაღს გადასცა ინვენტარი: ტანსაცმლის კარადა - 7 ერთეული, 2 კარადა სათამაშოებისათვის, 3 მაგიდა პედაგოგებისათვის, წიგნების თარო - 2 ცალი, პედაგოგების სკამები - 12 ცალი და სასწავლო-სააღმზრდელო წიგნები.
ღონისძიებას ესწრებოდნენ წყალტუბოს მუნიციპალიტეტის გამგებელი, ადგილობრივი თვითმმართველობის წარმომადგენლები, აიპი წყალტუბოს საბავშვო ბაღების გაერთიანების ხელმძღვანელი და ადმინისტრაცია, ბაღის მენეჯერი და პედაგოგები.
პროექტის ფარგლებში იგეგმება წყალტუბოს №2 ბაღის - №1 და კოპიტნარის ბაღის აღჭურვა ინვენტარით აპრილის დასაწყისში.
ადგილობრივი თვითმმართველობის წარმომადგენლებმა აღნიშნეს, რომ არასამთავრობო სექტორთან თანამშრომლობა და მსგავსი პროექტები ძალიან მნიშვნელოვანია მუნიციპალიტეტისთვის.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)
წყალტუბოს ქალთა საინიციატივო ჯგუფის წევრებმა გასული წლის მუშაობის შედეგები შეაჯამეს და ახალი წლის სტრატეგიაზე ისაუბრეს. საუბრისას გამოიკვეთა, რომ, მცირე დროის მიუხედავად, ადვოკატირების პროცესი აქტიურად წარიმართა. საინიციატივო ჯგუფის წევრები განსაკუთრებული აქტივობით გამოირჩეოდნენ ძალადობის წინააღმდეგ მიმართული 16-დღიან კამპანიაში, მიიღეს გამოცდილება სხვადასხვა აქტივობის ორგანიზების თვალსაზრისით. გაეცნენ მოსახლეობის პრობლემებს, მუდმივი კომუნიკაცია ჰქონდათ ადგილობრივ თვითმმართველობასთან.
შეხვედრაზე განიხილეს ადვოკატირების ეტაპები და სამოქმედო გეგმაში კორექტირება შეიტანეს. გადაწყვიტეს, უფრო აქტიურად ითანამშრომლონ ადგილობრივ ხელისუფლებასთან.