ახალგაზრდებთან ჩვენი მუშაობის თავისებურება ის არის, რომ ისინი არა მარტო ესწრებიან ტრენინგებს და სწავლობენ, არამედ სხვებსაც უზიარებენ თავიანთ ცოდნას.
კურსების სკოლის მოსწავლეებიც აქტიურობდნენ: ატარებდნენ საინფორმაციო შეხვედრებს და ტრენინგებს, წერდნენ ესეებს, ხატავდნენ თემატურ ნახატებს, მონაწილეობდნენ ფოტოკონკურსში, ამზადებდნენ ვიდეორგოლებს და ფლაერებს, აწყობდნენ ფილმის ჩვენებას და დისკუსიას...
ყველაზე განსაკუთრებული კი მაინც ელექტრონული ხმოვანი წიგნის შექმნაა. იდეა სწორედ ტრენინგებზე დასწრების შემდეგ გაუჩნდათ.
„შუშანიკის წამებიდან“ დღემდე საქართველომ გენდერული თანასწორობის კუთხით განვითარების დიდი გზა გაიარა. თუმცა გასაკეთებელიც ბევრია. გვსურს, ვიცხოვროთ ქვეყანაში, სადაც ქალთა და მამაკაცთა უფლებები თანაბრად იქნება დაცული. ჩვენ უნდა ვიაროთ რუსთაველის კვალდაკვალ: „ლეკვი ლომისა სწორია, ძუ იყოს თუნდა ხვადია“, - ამბობენ წიგნის შემქმნელები.
ფონდმა „სოხუმმა“ კურსებში დაასრულა სატრენინგო ციკლი, მაგრამ დატოვა კიდევ უფრო გააქტიურებული ახალგაზრდები, რომლებიც დამოუკიდებლად განაგრძობენ მუშაობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
