14 თებერვალს ხონის საკრებულოს დარბაზში ჩატარდა ამომრჩეველ ქალთა კლუბის მორიგი სხდომა, რომელზეც განიხილეს პოლიტიკურ პარტიებთან წარსადგენი მემორანდუმი და შეიმუშავეს რეკომენდაციები. ისაუბრეს ადგილობრივ პრობლემებზე, რომელთა ადვოკატირებასაც ცდილობენ სახელმწიფო სტრუქტურებთან თანამშრომლობით.
ამავე დღეს შედგა საუბარი საკრებულოს თავმჯდომარესთან, ვალერი ბახტაძესთან მუნიციპალურ დონეზე გენდერული თანასწორობის საბჭოს შექმნასთან დაკავშირებით. აღინიშნა, რომ ამჟამად გადიან კონსულტაციებს და უახლოეს ხანებში საბჭოს ფორმირებაც მოხდება.
პროექტი ხორციელდება აშშ საელჩოს მხარდაჭერით