როგორია ქალთა მონაწილეობა წარმომადგენლობით ორგანოებში, ჰყავს თუ არა სახელისუფლებო წრეებში მხარდამჭერები არასამთავრობოთა ინიციატივას - კანონმდებლობის დონეზე მოხდეს გენდერული კვოტირების განსაზღვრა - საკითხისადმი თავისი დამოკიდებულება დააფიქსირეს ფონდი „სოხუმის“, ქუთაისის გენდერული საკონსულტაციო საბჭოს წარმომადგენლებმა.
როგორც სიუჟეტში პარლამენტის გენდერული თანასწორობის საბჭოს თავმჯდომარე მანანა კობახიძე აღნიშნავს, გენდერული კვოტირების საკითხს ჰყავს მომხრეებიც და მოწინააღმდეგეებიც. მისი აზრით, საჭიროა პარლამენტში, პოლიტიკურ პარტიებში, საზოგადოებაში კვოტირების პოზიტიური ასპექტების სწორად გააზრება და კონსესუსის მიღწევა. თუმცა, სადღეისო მდგომარეობა, როცა საქართველო ქალთა წარმომადგენლობით 150-დან 116-ე ადგილზეა - არავისთვის არის მისაღები. ეს გამოჩნდა პარლამენტის სხვა წევრების ინტერვიუებშიც.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით