ტელეკომპანია „ეგრისის“ ეთერში გასულ გადაცემაში სენაკის გენდერული საკონსულტაციო საბჭოს წევრებმა ისაუბრეს გენდერულ პოლიტიკაზე და შეაფასეს საბჭოს თითქმის ორწლიანი მუშაობა.
ითქვა, რომ პირველი ხელშესახები შედეგი იყო თვითმმართველობაში ახალგაზრდობისა და გენდერის განყოფილების შექმნა, რომელსაც მართალია მცირე, მაგრამ ბიუჯეტი გამოეყო. დასახელდა რამდენიმე რეკომენდაცია, რომელიც თვითმმართველობამ გაითვალისწინა, განსაკუთრებით - ახალგაზრდებთან მიმართებაში.
საბჭოს წევრებმა ხაზი გაუსვეს, რომ თვითმმართველობის მხრიდან ნდობის გამოხატულება იყო პროექტები, რომლებიც დაფინანსდა და წარმატებით განხორციელდა კიდეც. მათ აღნიშნეს ადგილობრივ მედიასთან თანამშრომლობა, რამაც უზრუნველყო პროექტის შესახებ ინფორმაციის გავრცელება და მისი პოპულარიზაცია.
სიუჟეტში ნათქვამია - გენდერული საკონსულტაციო საბჭო, როგორც შუამავალი რგოლი საზოგადოებასა და ადგილობრივ ხელისუფლებას შორის, მაღალ პასუხისმგებლობას გრძნობს. მისი წევრების დიდი სურვილია, მომავალი წლის ბიუჯეტში მაქსიმალურად აისახოს ის გენდერული საჭიროებები, რომლებიც ახლახან ჩატარებული კვლევის შედეგად გამოიკვეთა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით