ქუთაისის გენდერის მედიაცენტრი გასული წლის ნოემბერში გაიხსნა რადიო „ძველი ქალაქის“ ოფისში და იქცა საინტერესო შეხვედრების ადგილად.
16 აპრილს სწორედ აქ მოეწყო ტრადიციული შეხვედრა ჟურნალისტებთან, რომლებიც ფონდ „სოხუმთან“ თანამშრომლობენ.
შეკრებილებმა მოისმინეს ინფორმაცია სენაკის, ოზურგეთისა და ქუთაისის გენდერული საკონსულტაციო საბჭოების მუშაობის შესახებ. ისინი განსაკუთრებით დააინტერესა „ქუთაისურმა“ ამბებმა, სიახლემ, რომ ქუთაისის მერიამ ფონდ „სოხუმთან“ ერთად დააფინანსა ხუთთვიანი პროექტი „გენდერული განათლება სკოლამდელ დაწესებულებებში“. ეს მერიის პირველი გენდერული პროექტია.
შეხვედრაში მონაწილეობდნენ რადიო „ძველი ქალაქის“ სტაჟიორები, ახალგაზრდები, რომელთაც აქვთ სურვილი, იმუშაონ გენდერული კუთხით.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით