ფონდი „სოხუმის“ ფსიქოლოგმა 3 შეხვედრა ჩაატარა მაისში - წყალტუბოში, სასტუმრო „მედეას“ კოლექტიურ ცენტრში მცხოვრებ დევნილებთან, სოფელ კუხში (ხონის მუნიციპალიტეტი) და ფოთის ქალთა მხარდაჭერის ცენტრში.
შეხვედრებზე თემის - ფსიქოლოგიური ძალადობა - მიმოხილვის შემდეგ მონაწილეებს ჩაუტარდათ ტესტირება ფსიქოლოგიური ძალადობის იდენტიფიცირებისათვის. ფოთში მცხოვრები ქალების პასუხებში ნაკლებად იგრძნობოდა სტერეოტიპული აზროვნება და მენტალიტეტის პრობლემა, რაც ხონსა და წყალტუბოში მკვეთრად გამოიხატა - ქალბატონებმა ფსიქოლოგიური ძალადობის მაინდეტიფიცირებელი გამოთქმები და ქმედებები „ნორმად“ აღიქვეს.
მონაწილეებმა საკუთარი თუ სხვისი ისტორიების მეშვეობით განიხილეს ფსიქოლოგიური ძალადობის ყველაზე გავრცელებული მეთოდები და მათზე რეაგირების შედეგიანი ფორმები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)