სამი შეხვედრა გაიმართა ფსიქოლოგთან წყალტუბოში, ხონსა და ფოთში.
წყალტუბოს ქალთა მხარდაჭერის ცენტრში კონსულტაცია მიეძღვნა თემას: მოტივაცია და ადამიანის შესაძლებლობების ზღვარი - ქალთა მიმართ გენდერული ძალადობის პრევენციისათვის. შეხვედრის მიზანი იყო ქალთა ინფორმირებულობა, უნარ-ჩვევების სწავლება და პრაქტიკული რეკომენდაციები საკუთარი პოტენციალის უკეთ წარმოჩენისთვის.
ბენეფიციარების სურვილით, ხონისა და ფოთის ქალთა მხარდაჭერის ცენტრებში წინასწარ დაიგეგმა შეხვედრების თემა: სუიციდის პრევენცია. ეს გამოწვეული იყო ამ ქალაქებში სუიციდის შემთხვევების გამო. შეხვედრებზე ისაუბრეს სტატისტიკაზე, მიზეზებზე და, რაც მთავარია, პრევენციის ზომებზე. დაისვა შეკითხვები. მონაწილეებმა მიიღეს პასუხები, რჩევები, რომელთაც გამოიყენებენ მოზარდებთან ურთიერთობაში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)