„როგორ შევქმნათ საკუთარი მცირე ბიზნესი“ - ამ თემაზე გაიმართა ტრენინგები ქალებისთვის თერჯოლის ქალთა მხარდაჭერის ცენტრის მცირე პროექტის ფარგლებში. მონაწილეებს მიეწოდათ საჭირო ინფორმაცია, რათა თავად შეძლონ თავიანთი ეკონომიკური მდგომარეობის გაუმჯობესება.
ასევე შედგა დიალოგი მოძღვართან. ასეთი შეხვედრები ახალგაზრდებს საშუალებას აძლევს, შეიქმნას სივრცე მსჯელობისთვის, რომ დააკვირდნენ მოვლენებს, გამოავლინონ სისუსტეები და დროულად მოხდეს პრობლემაზე რეაგირება.
პროექტის ფარგლებში გაიმართა შეხვედრები მშობლებთან და მოსწავლეებთან თერჯოლის მეორე საჯარო და ზედა ალისუბნის სკოლებში ფონდი „სოხუმის“ კონფლიქტოლოგისა და ფსიქოლოგის ჩართულობით. შეხვედრა დიალოგის რეჟიმში წარიმართა. მონაწილეებმა მიიღეს რჩევები, როგორ მოაგვარონ კონფლიქტური სიტუაციები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)