ოზურგეთის ამომრჩეველ ქალთა კლუბის წევრთათვის ჩატარდა ტრენინგი თემაზე „არჩევნები - როგორც დემოკრატიის საფუძველი, პოლიტიკური სისტემა და ქალთა როლი ამ პროცესში“.
მონაწილეებს მიეწოდათ ინფორმაცია საარჩევნო კოდექსზე, მათ უფლებებსა და მოვალეობებზე, საქართველოში მოქმედ პოლიტიკურ სისტემაზე, პოლიტიკური პარტიების პროგრამებზე, სტრუქტურაზე, როლსა და მნიშვნელობაზე. ტრენინგის ბოლო ნაწილი დაეთმო გენდერული თანასწორობის საკითხს.
მონაწილეებისთვის მნიშვნელოვანი აღმოჩნდა იმის გაცნობიერება, თუ რატომაა აუცილებელი გადაწყვეტილების მიღების პროცესში ქალთა მონაწილეობა, ქალი-კანდიდატების მხარდაჭერა. ყველა ეს თემა მიწოდებულ იქნა პრაქტიკულ მაგალითებზე დაყრდნობით, რამაც ტრენინგის ეფექტურობა უზრუნველყო.
პროექტი ხორციელდება აშშ საელჩოს მხარდაჭერით