ბათუმის გენდერული საკონსულტაციო საბჭოს წევრებმა ბათუმის და ქობულეთის საჯარო სკოლების უფროსკლასელებთან და სტუდენტებთან ვორკშოპები ჩაატარეს. განხილული საკითხების ვექტორი იყო - გენდერული ძალადობა, გენდერული როლები და საზოგადოებრივი სტერეოტიპები, პიროვნებათშორისი კომუნიკაციები. შეხვედრებში აქტიურად ჩაერთნენ ბათუმის სასკოლო ფორუმ-თეატრების მონაწილეები. დისკუსიებმა აჩვენა, რომ ეს საკითხები ძალიან აქტუალურია და ამ მიმართულებით მუშაობა უფრო აქტიურად უნდა გაგრძელდეს.
ვორკშოპები გაიმართა გენდერული ძალადობის წინააღმდეგ 16-დღიანი კამპანიის ფარგლებში (გაერთიანება „სამოქალაქო ინიციატივების ჯგუფის“ პროექტი „თაობათა კულტურული დიალოგი, როგორც პოზიტიური გამოცდილების ციკლი“).