მიმდინარე პროექტები
პროექტის დასახელება: ქალთა უფლებების გაძლიერება დასავლეთ საქართველოში
დონორი: პური მსოფლიოსთვის - ეკლესიათა განვითარების სამსახური (გერმანია)
პროექტის დასახელება: ძალადობის მსხვერპლთა სერვისების ციფრული რესურცენტრი
დონორი: გენდერული თანასწორობის ფონდი (კანადა)
პროექტის დასახელება: განხეთქილების დაძლევა: ხალხთაშორისი ინიციატივები კონფლიქტის მოგვარებისთვის
დონორი: USAID - ამერიკის შეერთებული შტატების საერთაშორისო განვითარების სააგენტო
ფონდი „სოხუმის“ პროექტი ვიშეგრადის ფონდის მხარდაჭერით
ვიშეგრადის საერთაშორისო ფონდმა მხარი დაუჭირა ფონდი „სოხუმის“ პროექტს „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“. პროექტი 16 თვის განმავლობაში განხორციელდება.
პროექტი მიმართულია ვიშეგრადის ქვეყნების გამოცდილების შესწავლისკენ გენდერული მეინსტრიმინგის, ადგილობრივი მართვის რეფორმებში საზოგადოების მონაწილეობის და პოლიტიკური რეფორმების ადვოკატირების კუთხით, მოწინავე გამოცდილების საფუძველზე. სასწავლო ვიზიტების, კვლევების და შემდგომი საზოგადოებრივი და საექსპერტო კონსულტაციების შედეგად, პროექტის ფარგლებში შემუშავდება პოლიტიკური სტრატეგია, რომელიც ორიენტირებული იქნება ადგილობრივი მმართველობის რეფორმის ჩატარებასა და გენდერულ მეინსტრიმინგზე.
ინფორმაცია პროექტის მიმდინარეობის, ღონისძიებების და პუბლიკაციების შესახებ ხელმისაწვდომი იქნება პროექტის ვებ-გვერდზე http://fsv4.ge/.
პროექტი ხორციელდება ვიშეგრადის ფონდის მხარდაჭერით
წყალტუბოს ამომრჩეველ ქალთა კლუბის მუშაობის შეჯამება
წყალტუბოს ამომრჩეველ ქალთა კლუბის მორიგი შეხვედრა დაეთმო კონსტიტუციის განხილვას. კლუბის წევრები გაეცნენ ცვლილებებს კონსტიტუციაში, დააფიქსირეს თავიანთი აზრი.
შეხვედრაზე ასევე შეჯამდა კლუბის მუშაობა, გამოიკვეთა სუსტი და ძლიერი მხარეები, ისაუბრეს სამომავლო გეგმებზეც. აღინიშნა, რომ კლუბის არსებობა მნიშვნელოვანია ქალთა გააქტიურების, აქტუალური საკითხების წამოწევისა და გადაჭრისათვის.
პროექტი ხორციელდება აშშ საელჩოს მხარდაჭერით
ტრენინგი ახალგაზრდული კლუბების წევრებისთვის
ფონდი „სოხუმის“ ახალგაზრდული კლუბების 28 წევრი 6 რეგიონიდან - მათთვის ქუთაისში ჩატარდა მწვრთნელთა მოსამზადებელი ტრენინგის 1-ლი ეტაპი. ტრენინგის თემა იყო გენდერი და გენდერული ძალადობა.
მუშაობა ორ ჯგუფში წარიმართა. იყო დიდი ინტერესი თემების მიმართ, ინდივიდუალური და ჯგუფური სავარჯიშოები, ფილმის ჩვენება, საუბარი ტრადიციებზე, სტერეოტიპებზე.
უკუკავშირის დროს გაირკვა, რომ ახალგაზრდები ჩაწვდნენ გენდერის არსს, მათ გაუჩნდათ სურვილი, თავადაც გახდნენ მწვრთნელები.
ამის შესაძლებლობა არის კიდეც - მონაწილეები კამპანიის დღეებში საინფორმაციო შეხვედრებს ჩაატარებენ სკოლებში. ბევრი მათგანისთვის ეს იქნება პირველი გამოცდილება და წვლილი ძალადობის პრევენციის პროცესში.
ტრენინგის აქტიური მონაწილეებისთვის გაიმართება მე-2 ეტაპი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)