დოკუმენტში წარმოდგენილია, ქალთა ფონდი „სოხუმის“ მიერ, 2024 წლის მარტი-მაისში, 10 სამიზნე მუნიციპალიტეტში, ჩატარებული რაოდენობრივი კვლევის ცალკეული მიგნებები, რომლებიც ეხება ოჯახში ძალადობას, მისი გამოვლენის ფორმებს და მოძალადის აღქმას. კვლევის ფარგლებში გამოიკითხა 1027 ქალი. მოცემული დოკუმენტის ფოკუსია ქალთა მიმართ ოჯახში ძალადობის გამოვლინებების შეფასება და ძალადობის საფრთხეებისა და რისკების გამოვლენა/ გაანალიზება. კვლევის შედეგები აჩვენებს, რომ ოჯახში მოძალადის „როლში,“ ძირითადად, გვევლინება ქმარი, ხოლო ძალადობის ფორმებიდან წამყვანია ფსიქოლოგიური ძალადობა; 2024 წელს, ეკონომიკური ძალადობის მაჩვენებელი შემცირებულია 2023 წელთან შედარებით; ამას გარდა, 2023 წელს, თუ ოჯახში ძალადობის მიზეზებს შორის წამყვანი ტენდენცია ნივთიერებაზე დამოკიდებულება იყო, 2024 წელს - რთული ეკონომიკური მდგომარეობაა. ყურადღების მიღმა არ უნდა დაგვრჩეს სექსუალური ძალადობის არცთუ უმნიშვნელო მაჩვენებელი, რომელიც ორი წელია, არ იცვლება (16%).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„მანამდე უბრალოდ მსიამოვნებდა ეს პროცესი. ახლა ცოდნასაც ვიღებ საკუთარ ჩვევებზე“.
„ფსიქოლოგთან კომუნიკაცია აქამდე არ მქონია და ძალიან მომწონს“.
„ჩვენ ყველას გვჭირდება ტკივილების მოშუშება. ამაში პოლიმერული თიხა გვეხმარება. ფსიქოლოგის შემოსვლამ პროცესი კიდევ უფრო საინტერესო გახადა“.
ასე ამბობენ ქალები.
ქალთა ფონდი „სოხუმის“ დღის სარეაბილიტაციო ცენტრი პოლიმერული თიხის ხელოვნების სწავლებას თერაპიულ მხარდაჭერასთან ერთად აგრძელებს. ამით, მუშაობის პროცესში ფსიქოლოგიური რჩევებიც ბუნებრივად ჩნდება და კითხვებზე - პასუხებიც, რაც ძალიან მოსწონთ ქალებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხაში ჩატარდა მრგვალი მაგიდის ფორმატის შეხვედრა. მოწვეულმა იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების შესახებ. აქცენტი გაკეთდა ქალთა ფონდი „სოხუმის“ სერვისებზე და მათ მნიშვნელობაზე მსხვერპლთათვის.
შეხვედრაზე საუბარი შეეხო არასამთავრობო ორგანიზაციების როლს და მოყვანილ იქნა სამოქალაქო საზოგადოების მუშაობის პოზიტიური გავლენის მაგალითები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ მონიტორინგის ჯგუფმა მუშაობა დაიწყო ახალ კვლევაზე, რომლის მიზანია ქალთა მიმართ/ოჯახში ძალადობის მსხვერპლთა არსებული სერვისების ეფექტიანობის შესწავლა და რეკომენდაციების შემუშავება ეფექტიანობის გაზრდისთვის, რათა განისაზღვროს საჭირო სტრატეგიები და ახალი მიდგომები.
მიმდინარეობს ინფორმაციის შეგროვება ქალთა მიმართ/ოჯახში ძალადობის მსხვერპლთა არსებული (და/ან დაგეგმილი) სერვისების ღონისძიებების შესახებ. მოხდება სერვის პროვაიდერების მუშაობის გაცნობა, სერვისის მიმღებების/ბენეფიციარების დამოკიდებულებების, განწყობების და მოლოდინების შესწავლა.
ივნისში ჩატარდა 10 ჩაღრმავებული ინტერვიუ ბენეფიციარებთან, სერვისის მიმწოდებლებთან (კრიზისული ცენტრის, სახელმწიფო თავშესაფრის, ორგანიზაცია „მერკურის“, ახალგაზრდა იურისტთა ასოციაციის და ქალთა ფონდი „სოხუმის“ სერვისებზე), რამაც საშუალება მოგვცა, კონკრეტულ ქეისებზე დაყრდნობით შეგვესწავლა ამ კუთხით არსებული სიტუაცია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდული გაძლიერების ცენტრები აქტიურად მუშაობენ სენაკის, ხობის, ქობულეთის, წალენჯიხის და სამტრედიის მუნიციპალიტეტებში. ქალთა ფონდი „სოხუმის“ ტრენერებმა ჩაატარეს ტრენინგები ახალგაზრდებისთვის საინტერესო თემაზე. ყველა შეხვედრაზე გამოიკვეთა ლიდერები, რომლებიც ინიცირებულ ღონისძიებებს ატარებენ და შემდგომშიც აპირებენ. ამ ეტაპზე ცენტრების წევრები ემზადებიან შემაჯამებელი შეხვედრისთვის და აქტიურად არიან ჩართულები ორიგინალური პრეზენტაციების მომზადების პროცესში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აღნიშნულ დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული რაოდენობრივი კვლევის ცალკეული მიგნებები, რაც ქალთა პირადი უსაფრთხოების ხარისხის შეფასებას ეხება. კვლევის ფარგლებში გამოიკითხა 1027 ქალი. მოცემული დოკუმენტის ფოკუსია ქალთა პირადი უსაფრთხოების ხარისხის შეფასება და იმ ფაქტორების იდენტიფიცირება, რომლებიც მათ საფრთხისა და დაუცველობის განცდას უჩენს. კვლევის შედეგების თანახმად, ქალებისთვის ძირითად საფრთხეს წარმოადგენს სიღარიბე და უმუშევრობა. გასულ წელთან შედარებით გაზრდილია მიგრაციის სურვილი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სარეაბილიტაციო სესიები ფსიქოლოგმა მანანა გოცირიძემ, ძირითადად, ონლაინ ჩაატარა: 9 სატელეფონო ზარი და 12 შეხვედრა ინტერნეტ პლატფორმებზე.
მუშაობა მიმდინარეობდა ქალთა ფონდი „სოხუმის“ ოფისშიც - გაიმართა 10 ფსიქოთერაპიული კონსულტაცია.
ყველა ბენეფიციარმა მიიღო სათანადო კომპეტენტური დახმარება, საჭირო ინფორმაცია და რჩევა. მათ შეძლეს ფოკუსირება პოზიტივზე.
ფსიქოლოგი აქტიურად მუშაობდა ფონდი „სოხუმის“ სარეაბილიტაციო ცენტრში, სადაც იმყოფებოდა სამი ქალი და ორი ბავშვი. წასვლის წინ ერთ-ერთმა მათგანმა განაცხადა: არ მინდოდა აქ ჩამოსვლა, მაგრამ ახლა ძალიან კმაყოფილი ვარ. ცენტრის თანამშრომლებმა სასიამოვნო, თბილი ოჯახური გარემო შეგვიქმნეს. ჩვენთან მუშაობდნენ ფსიქოლოგი, სოციალური მუშაკი, იურისტი. სიცოცხლის სიყვარული, რწმენა და სიხარული დამიბრუნეს. დიდი მადლობა!
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ მონიტორინგის ჯგუფმა მუშაობა დაიწყო ახალ კვლევაზე, რომლის მიზანია ქალთა მიმართ/ოჯახში ძალადობის მსხვერპლთა არსებული სერვისების ეფექტიანობის შესწავლა და რეკომენდაციების შემუშავება ეფექტიანობის გაზრდისთვის, რათა განისაზღვროს საჭირო სტრატეგიები და ახალი მიდგომები.
შეგროვდება ინფორმაცია ქალთა მიმართ/ოჯახში ძალადობის მსხვერპლთა არსებული (და/ან დაგეგმილი) სერვისების ღონისძიებების შესახებ. მოხდება სერვის პროვაიდერების მუშაობის გაცნობა, სერვისის მიმღებების/ბენეფიციარების დამოკიდებულებების, განწყობების და მოლოდინების შესწავლა. ამ კუთხით არსებული კარგი პრაქტიკის მოძიების მიზნით, მონიტორინგის ჯგუფი გაეცნობა სხვადასხვა დოკუმენტს.
მაისში ჩატარდა 10 ჩაღრმავებული ინტერვიუ ბენეფიციარებთან, რამაც საშუალება მოგვცა, კონკრეტულ ქეისებზე დაყრდნობით შეგვესწავლა ამ კუთხით არსებული სიტუაცია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საზოგადოების ინფორმირება მსხვერპლთა მხარდაჭერის სერვისებზე ქალთა მხარდაჭერის ცენტრების შეხვედრების მნიშვნელოვანი სეგმენტია, რის საფუძველზეც ხდება ქეისების იდენტიფიცირება და შემდგომი რეაგირება. სწორედ აქ ხდება ქალთა საჭიროებების გამოვლენა. გამართულმა შეხვედრებმა უკვე მოიტანა შედეგები. გამოჩნდნენ კონკრეტული ბენეფიციარები, რომლებიც მზად არიან არსებული სერვისების მისაღებად. ქეისების ანალიზის შედეგად მოხდა მათი გადამისამართება საჭიროების შესაბამისად.
ძალადობის პრევენცია და მსხვერპლთა იდენტიფიცირება კვლავ რჩება ქალთა მხარდაჭერის ცენტრების მთავარ მიმართულებად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ჩვენთვის მნიშვნელოვანია, გვქონდეს სივრცე, სადაც ვისაუბრებთ ყველა იმ თემაზე, რომელიც საგაკვეთილო ფორმატში არ ჯდება. ვეცნობით ერთმანეთის აზრებს და შეგვიძლია, მიღებული ცოდნა სხვებსაც გავუზიაროთ, რაც ხელს უწყობს კონფლიქტებისა და ძალადობის პრევენციას“. - ეს ტრენინგის ერთ-ერთი მონაწილის სიტყვებია.
ახალგაზრდობის გაძლიერების ცენტრებში აქტიურად გრძელდება სატრენინგო კურსები. ხობის და წალენჯიხის მუნიციპალიტეტებში გაიმართა ტრენინგები კონფლიქტის მიზეზების, გენდერული თანასწორობის და სტერეოტიპების საკითხებზე.
ტრენინგებზე არის აქტუალური თემების განხილვა, დისკუსიები, ინიცირებული ღონისძიებების ორგანიზება. ახალგაზრდებს აქვთ არაფორმალური განათლების მიღების მაღალი ინტერესი და მოტივაცია მუშაობისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)