ხონის ქალთა საინიციატივო ჯგუფის შეხვედრაზე ჯგუფის წევრებთან ერთად მოხდა ონლაინ პეტიციის რეგისტრაცია, რათა ხელი შევუწყოთ ბინათმესაკუთრეთა ამხანაგობების განვითარების პროგრამის დანერგვას ადგილობრივი მუნიციპალიტეტის ბიუჯეტში.
პროგრამის ფარგლებში უზრუნველყოფილი იქნება მუნიციპალიტეტის თანამონაწილეობით ბინათმესაკუთრეთა ამხანაგობების საკუთარი და საერთო საკუთრების მოვლა-პატრონობა. თანადაფინანსების პრინციპით განხორციელებული პროექტებითა და ღონისძიებებით მუნიციპალიტეტი დაეხმარება მოსახლეობას საცხოვრებელი გარემოს გაუმჯობესებაში და ამასთანავე შეიქმნება ხელსაყრელი პირობები სამოქალაქო საზოგადოების განვითარებისათვის.
პროექტი ხორციელდება გაეროს ქალთა ორგანიზაციის
მხარდაჭერით
ხობის ადგილობრივი თვითმმართველობის მხარდაჭერით, მუნიციპალიტეტთან გაფორმებული მემორანდუმის ფარგლებში, ჩატარდა კვლევა და დაიბეჭდა ანგარიში „ქალებისა და ახალგაზრდების ადამიანური უსაფრთოების ხარისხის და გენდერული საჭიროებების შეფასება“.
კვლევა ეყრდნობა კონფლიქტების ადრეული გაფრთხილების გენდერზე ორიენტირებულ სისტემას (GREWS). თვისებრივი და რაოდენობრივი მეთოდით ჩატარებული კვლევის შედეგად გამოიკვეთა მოსახლეობის მოწყვლადობის მაღალი ხარისხი ადამიანის უსაფრთხოების სხვადასხვა კატეგორიასთან მიმართებაში.
მწვავედ დგას ეკონომიკური, სოციალური, ინფრასტრუქტურული პრობლემები. გამოვლინდა სახელმწიფო თუ ადგილობრივი პროგრამების შედგენის დროს მოქალაქეთა მონაწილეობის გაძლიერების აუცილებლობა, რაც ხელს შეუწყობს მოსახლეობის საჭიროების ასახვას ადგილობრივ ბიუჯეტში და პრობლემების გადაჭრას. კვლევაში გამოვლენილი გამოწვევების საპასუხოდ წარმოდგენილია რეკომენდაციებიც.
ურთიერთდახმარების ჯგუფები პრობლემების იდენტიფიცირებას ცდილობენ ყველა მუნიციპალიტეტში. ჯგუფებმა ბაღდათში, ქობულეთში, ჩოხატაურში, სამტრედიაში რამდენიმე პრობლემა გამოავლინეს და ადვოკატირებაც დაიწყეს.
ორ ქეისზე მუშაობს აქტიურად სენაკის ქალთა ურთიერთდახმარების ჯგუფი. ჯგუფის წევრები არიან არა მარტო ქალაქში, არამედ სოფლებში მცხოვრები ქალებიც.
ვანის და თერჯოლის მოტივირებული ჯგუფები პრობლემების ადვოკატირებით სხვებს აძლევენ მაგალითს, როგორ შეიძლება საკუთარი პრობლემების მოგვარება.
წყალტუბოს ურთიერთდახმარების ჯგუფი ერთადერთი ჯგუფია, რომელიც დევნილი ქალებით დაკომპლექტდა. ჯგუფის წევრების მიერ იდენტიფიცირებულია სამი პრობლემა და მათი მოგვარებისთვის ისინი ადგილობრივ თვითმმართველობასთან თანამშრომლობენ.
ასე აქტიურად მიილია ზაფხული...
პროექტი ხორციელდება გენდერული თანასწორობის ფონდის მხარდაჭერით (კანადა)
წალენჯიხის ურთიერთდახმარების ჯგუფს აქვს იდენტიფიცირებული პრობლემები, აპირებს მათ გადაჭრას და ამისთვის უკვე დაიწყო კომუნიკაცია სოციალურ სააგენტოსთან.
ზუგდიდის ურთიერთდახმარების ჯგუფი სოფელ კოკში იკრიბება და ჯგუფში, ძირითადად, ამ სოფლის ქალები არიან გაერთიანებულები. სექტემბრიდან ჯგუფს სხვადასხვა სოფლიდან შემოუერთდებიან მოწყვლადი ჯგუფები. შეხვედრებს დაესწრება თვითმმართველობის წარმომადგენელი - ეს გააადვილებს სახელმწიფო სტრუქტურებთან თანამშრომლობას და ადვოკატირების პროცესს.
აგვისტოში შეხვედრები წალენჯიხის და ზუგდიდის ჯგუფებთან ონლაინ გაიმართა. ზუგდიდის ჯგუფთან შეხვედრაში ქალთა ფონდი „სოხუმის“ ფსიქოლოგიც მონაწილეობდა.
სექტემბრიდან ორივე ჯგუფში მეტი აქტიურობაა მოსალოდნელი, რაც პრობლემების მოგვარებაზე მუშაობას გულისხმობს.
პროექტი ხორციელდება გენდერული თანასწორობის ფონდის მხარდაჭერით (კანადა)
27 აგვისტოს ახალგაზრდების ჯგუფთან ონლაინ ჩატარდა საინფორმაციო შეხვედრა, ხოლო ზუგდიდში 5 სექტემბრის შეხვედრის მონაწილეები ქალები იყვნენ.
შეხვედრების მონაწილეები გაეცნენ ევროპული ქსელის WAVE-ის მიერ შემუშავებულ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ - https://wave-network. org/wp.../uploads/Toolkit-Georgian.pdf.
მათ მიიღეს ინფორმაცია გზამკვლევში წარმოდგენილ ქვეყნებსა და ქალთა ორგანიზაციების მუშაობაზე. განსაკუთრებული ყურადღება გამახვილდა ქალთა ფონდი „სოხუმის“ წარმატებულ პრაქტიკაზე, რომელსაც მნიშვნელოვანი ადგილი უკავია პუბლიკაციაში.
მონაწილეებმა აღნიშნეს, რომ ფონდი „სოხუმი“ ძალიან საჭირო საქმეს აკეთებს ახალგაზრდების და ქალების გაძლიერების კუთხით და კარგია, რომ ამას საერთაშორისო აღიარება მიეცა.
პროექტი ხორციელდება ქალთა უფლებების დაცვის
სწრაფი რეაგირების ფონდის მხარდაჭერით
ონლაინ ფორმატში ორი საინფორმაციო შეხვედრა ჩატარდა ახალგაზრდებთან და ქალებთან (26 აგვისტოს - ახალგაზრდულ ჯგუფთან; 29 აგვისტოს - ქალთა ჯგუფთან). სულ ესწრებოდა 40 მონაწილე.
შეხვედრების მონაწილეები გაეცნენ პუბლიკაციას „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“, რომელიც გამოსცა ქსელმა WAVE-მა.
შეხვედრებზე გავრცელდა ინფორმაცია გზამკვლევში წარმოდგენილი ქალთა ორგანიზაციების მუშაობის პერსპექტიულ პრაქტიკებზე, მათ მიერ გამოყენებულ სტრატეგიებზე ომის და ომის შემდგომ პერიოდში. მთავარი აქცენტი გაკეთდა ქალთა ფონდი „სოხუმის“ წარმატებულ პრაქტიკაზე, რომელიც გზამკვლევში მნიშვნელოვან ადგილს იკავებს.
დამსწრე საზოგადოებისთვის ეს სიახლე საინტერესო აღმოჩნდა. მონაწილეებმა აღნიშნეს, რომ სასიხარულოა ფონდი „სოხუმის“ საერთაშორისო აღიარება, რადგანაც ორგანიზაცია დიდ და სასარგებლო მუშაობას ეწევა საზოგადოებაში.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
ამ ჟურნალისტთა უმრავლესობა კარგად იცნობს და არაერთხელ გაუშუქებია ქალთა ფონდი „სოხუმის“ აქტიური მუშაობა.
შეხვედრაზე ისინი დიდი ინტერესით გაეცნენ ევროპული ქსელის WAVE-ის მიერ შემუშავებულ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ - https://wave-network. org/wp.../uploads/Toolkit-Georgian.pdf.
პუბლიკაციაში წარმოდგენილია ქალთა ფონდი „სოხუმის“ წარმატებული პრაქტიკა - ეს არის ჩვენი მასშტაბური მუშაობის აღიარება საერთაშორისო დონეზე. ჟურნალისტებისთვის საინტერესო იყო ამ სიახლის გაგება. მათ გამოთქვეს სურვილი, კიდევ უფრო აქტიურად გააშუქონ ჩვენი ორგანიზაციის საქმიანობა, წარმატებები და მიღწეული შედეგები.
პროექტი ხორციელდება ქალთა უფლებების დაცვის
სწრაფი რეაგირების ფონდის მხარდაჭერით
თერჯოლის ქალთა დღის ცენტრში წარმატებით დასრულდა ჭრა-კერვის სასწავლო კურსი. ჩვენს ნიჭიერ ბენეფიციარებს მისალოცად მუნიციპალიტეტის მერი მანუჩარ რობაქიძე და საკრებულოს თავმჯდომარის მოადგილე დავით გოგბერაშვილი ესტუმრნენ. ისინი თავიდანვე გულშემატკივრობდნენ ქალთა ფონდი „სოხუმის“ ამ კეთილ საქმეს და ხელს უწყობდნენ, რომ სწავლება კომფორტულ სივრცეში წარმართულიყო.
კურსდამთავრებულებმა თავიანთი ნაშრომები წარმოადგინეს. მათ საზეიმოდ გადაეცათ სერტიფიკატები. იყო მადლიერება და სიხარული. ბენეფიციარებმა ახალ პროფესიასთან ერთად შეიძინეს ერთმანეთი, მეგობრები, მხარდამჭერები და ახალი სურვილები და მიზნები გაუჩნდათ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ამ ლამაზ ფოტოკოლაჟებზე შემაჯამებელი შეხვედრებია აღბეჭდილი.
სექტემბერი ახალგაზრდობის გაძლიერების ცენტრებში ექვსთვიანი სატრენინგო კურსის შეჯამებებით დაიწყო. უკვე ჩატარდა შეხვედრები თერჯოლის, სამტრედიის, ქობულეთის, ხობისა და სენაკის მუნიციპალიტეტების ახალგაზრდებთან. შეხვედრებს ესწრებოდნენ პედაგოგები, მშობლები, განათლების რესურსცენტრების და ახალგაზრდული სამსახურების წარმომადგენლები, გენდერული თანასწორობის საბჭოს წევრები.
ჯგუფის ლიდერებმა საინტერესო პრეზენტაციები წარმოადგინეს. ახალგაზრდებმა ისაუბრეს ხუთი თვის განმავლობაში ჩატარებულ მუშაობაზე, შედეგებზე, ცვლილებებზე, პროექტის გავლენასა და მნიშვნელობაზე.
სექტემბერში კიდევ ხუთი შემაჯამებელი შეხვედრა ჩატარდება. პარალელურად ხდება ახალი ჯგუფების ფორმირება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ზუგდიდის ქალთა საინიციატივო ჯგუფის წევრებთან ჩატარდა საინფორმაციო შეხვედრა, სადაც მონაწილეებთან ერთად განხილული იყო სიტუაცია შერჩეული პრობლემების ადვოკატირების მხრივ. ჯგუფის ლიდერმა მერიაში წარდგენილი წერილები გააცნო მონაწილეებს და ოპერატიულად მიღებული პასუხებიც წაიკითხა. აქტიურად მიმდინარეობს პროცესი, თუმცა არის საკითხები, რომლებიც დამატებით ძალისხმევას საჭიროებს. შეხვედრის მონაწილეებმა ასევე მიიღეს ინფორმაცია დაგეგმილი ღონისძიებების შესახებ.
პროექტი ხორციელდება გაეროს ქალთა ორგანიზაციის
მხარდაჭერით