- 76 წლის თემურ ჩოგოვაძე ხარკოვიდანაა, ჩამოვიდა ვაჟიშვილთან ერთად, რომელიც მეორე ცოლისგან ჰყავს. მეუღლე კოვიდის დროს გარდაეცვალა. - გვიამბობს ფსიქოლოგი მანანა გოცირიძე. - მშობლების სახლში დაბრუნდა, კიდევ კარგი, ჰქონდა დასაბრუნებელი ადგილი. შორიდან სახლს ვერ უვლიდა და ამ ხნის მანძილზე მიუხედავი სახლიც საცხოვრებლად არ არის კომფორტული. წვიმების დროს სახურავიდან წყალიც ჩამოვიდა. ბატონ თემურს თავის სახლში შევხვდით. მას ჯანმრთელობის პრობლემები აქვს. ის მფრინავი იყო, მთელი ცხოვრება უკრაინაში ცხოვრობდა, იღებს უკრაინულ პენსიას, მაგრამ ხანდახან აგვიანდება და უფულოდ რჩება მამა-შვილი. მეზობლები ეხმარებიან, როგორც შეუძლიათ. ჩვენი ორგანიზაციაც უწევს დახმარებას სურსათით, გადასახადების გადახდით.
ეს ქალთა ფონდი „სოხუმის“ ფსიქოლოგის ერთ-ერთი ბენეფიციარია.
ივლისში ფსიქოლოგიური დახმარება გაეწია 10 ოჯახს - ეს არის 26 ლტოლვილი უკრაინიდან. ყველა მათგანმა მიიღო ჰუმანიტარული დახმარება საჭირო პროდუქტებით. ორი ბენეფიციარი გადის ინდივიდუალურ ფსიქოთერაპიულ სესიას - ეს არის მუშაობა ტრავმებზე და სტრესზე, უარყოფითი ემოციებისგან განთავისუფლებაზე. ასეთი დახმარება სჭირდება ყველას, ვინც უკრაინიდან ჩამოდის...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ადვოკატირების ჯგუფის ორგანიზებით, თერჯოლის მოსწავლე-ახალგაზრდობის მუნიციპალური ცენტრში ჩატარდა შეხვედრა, რომელსაც ესწრებოდნენ ადგილობრივი თემის წარმომადგენელი ქალები. მათ მიეწოდათ ინფორმაცია ჩვენი ორგანიზაციის მიერ ჩატარებული მონიტორინგის „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“ შედეგებზე.
აქცენტები გაკეთდა დოკუმენტში ასახულ მნიშვნელოვან გამოწვევებზე, რომლებიც ადგილობრივი თვითმმართველობების, სკოლების და ბაღების გაერთიანების მუშაობას გააუმჯობესებს ძალადობის პრევენციისთვის.
მონაწილეებმა ასევე მიიღეს ინფორმაცია მერიის ბავშვთა უფლებების დაცვის განყოფილების პროგრამის შესახებ, თუ რა სერვისებით შეუძლიათ სარგებლობის მიღება ბენეფიციარებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხობის მუნიციპალიტეტის მერიის სხდომათა დარბაზში ჩატარდა მრგვალი მაგიდა ადგილობრივი რეფერირების სუბიექტების - საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის და სოციალური სფეროს წარმომადგენლები, სკოლის პედაგოგები და სამედიცინო პერსონალის -მონაწილეობით.
შეხვედრაზე საუბარი შეეხო ოჯახში ძალადობის პრობლემას და ადგილობრივ სტრუქტურებთან თანამშრომლობის მნიშვნელობას. ისაუბრეს მუნიციპალიტეტის მასშტაბით არსებულ სტატისტიკაზე, ძალადობის იდენტიფიკაციასა და მსხვერპლის დახმარებაზე. ყურადღება გამახვილდა რეფერირების გზებზე და უწყებებს შორის თანამშრომლობაზე, რაც ხელს შეუწყობს ძალადობის პრევენციას.
შეხვედრაზე გაკეთდა პრეზენტაცია „ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურები (ეროვნული რეფერალური მექანიზმი)“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წარმატებული ადვოკატირებისთვის აუცილებელია, გვყავდეს მეტი თანამოაზრე, რომ პრობლემის მნიშვნელობა დასაბუთებულად იყოს წარმოდგენილი. ეს მიზანი დაისახა დევნილ ქალთა საინიციატივო ჯგუფმა ხონში, რადგან პრობლემა სიღრმისეულად აღიქვან დევნილთა დასახლებაში მცხოვრებლებმა.
ივლისში ჩატარდა საინფორმაციო შეხვედრების ციკლი - მოსახლეობას მიეწოდა ინფორმაცია, თუ რამდენად მნიშვნელოვანია, რომ ადგილობრივი თვითმმართველობის ბიუჯეტში არსებობდეს პროგრამა, რომელიც საშუალებას მისცემს ბინათმესაკუთრეობის ამხანაგობებს, თვითმმართველობასთან თანამონაწილეობით განახორციელონ ინფრასტრუქტურული პროექტები.
შეხვედრების შედეგად მონაწილეებმა გააანალიზეს, რომ ამ გზით მაქსიმალურად მეტი მნიშვნელოვანი საკითხი გადაიჭრება დევნილი თემის საცხოვრებელი პირობების გაუმჯობესებისთვის.
პროექტი ხორციელდება გაეროს ქალთა ორგანიზაციის
მხარდაჭერით
ჩოხატაურში გაიმართა შეხვედრა ადგილობრივი რეფერირების სუბიექტებთან (მერიის სამსახურები: ბავშვთა უფლებების დაცვის განყოფილება, უწყებათაშორისი კომისია, მუნიციპალიტეტის გენდერული თანასწორობის საბჭო, მერის წარმომადგენლები ადმინისტრაციულ ერთეულში, ასევე ბაღის და სკოლის პედაგოგები, ოჯახის ექიმები). შეხვედრის მონაწილეები გაეცნენ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“, რომელშიც ასახულია WAVE-ს ქსელის 6 პარტნიორი ორგანიზაციის გამოცდილება.
ყურადღება გამახვილდა ფონდი „სოხუმის“ გამოცდილებაზე, რომელიც ეხება გაჭიანურებული კონფლიქტის, „არც ომის და არც მშვიდობის“ პირობებში, ძალადობრივი ქცევის გარემოს, როდესაც იზრდება ოჯახური კონფლიქტები და ქალთა მიმართ ოჯახში ძალადობა.
ფონდ „სოხუმს“ გააჩნია წარმატებული პრაქტიკა, რომლის აღიარება მოხდა საერთაშორისო დონეზე: საზოგადოების ინფორმირება ძალადობის საკითხებზე და გენდერულად მგრძნობიარე ადრეული გაფრთხილების სისტემის (GREWS) დანერგვა, შემთხვევების იდენტიფიცირება და სერვისების მოწოდება, ქალებისა და გოგონების გაძლიერება და ადგილობრივი რეფერირების სუბიექტების კოორდინირებული ქმედების ხელშეწყობა, არსებული მხარდაჭერა/დახმარების სერვისების შესახებ ძალადობის ციფრული რესურცენტრის პლატფორმის ამოქმედება, გენდერული თანასწორობის ინსტიტუციური მექანიზმების გაძლიერება მუნიციპალურ დონეზე.
შეხვედრის მონაწილეებმა აღნიშნეს, რომ გაჭიანურებულმა კონფლიქტმა თავისი კვალი დაატყო საზოგადოებრივი ცხოვრების სხვადასხვა სფეროს. მათი აზრით, სამთავრობო ორგანოები, საჯარო დაწესებულებები და სამოქალაქო საზოგადოების ორგანიზაციები არიან ომის დროს და ომის შემდეგ ქალებისა და გოგონების დაცვაზე პასუხისმგებელი ძირითადი აქტორები.
მოხდა აზრთა გაცვლა ყველაზე მწვავე გამოწვევებზე ქალთა მიმართ/ოჯახში ძალადობის პრევენციის და ეფექტიანი რეაგირების კუთხით.
გზამკვლევზე დეტალური ინფორმაციისთვის მონაწილეებს მიეწოდა ბმული https://wave-network.org/wp.../uploads/Toolkit-Georgian.pdf
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
ქალთა ურთიერთდახმარების ჯგუფების მუშაობა თანდათან აქტიურდება. ჩატარდა შეხვედრები ყველა ათივე ჯგუფში. პროექტის ასისტენტი ნინო ჭაბუკიანი ხუთ მუნიციპალიტეტში (წყალტუბო, სამტრედია, ქობულეთი, თერჯოლა, ჩოხატაური) შეხვდა ჯგუფის წევრებს - შეხვედრებზე აქცენტი გაკეთდა ქალების საჭიროებებსა და პრობლემებზე, ადვოკატირებასა და ადგილობრივ თვითმმართველობასთან თანამშრომლობაზე.
ქალებმა იციან, რომ პრობლემების ადვოკატირებისთვის მეტი უნდა ისწავლონ, ამიტომაც შეხვედრებს დაემატა ახალი კომპონენტი - ციფრული წიგნიერების კურსები. კურსები უკვე დაიწყო ქობულეთის, თერჯოლის და ჩოხატაურის მუნიციპალიტეტებში. შეხვედრებზე ქალებმა ისწავლეს, როგორ უნდა მოძებნონ საჭირო ინფორმაცია ინტერნეტში და დეტალურად გაეცნენ უნიკალურ პლატფორმას - sosfsokhumi.ge, სადაც განთავსებულია ძალადობის მსხვერპლთათვის საჭირო მასალები. ეს მუშაობა ხელს უწყობს ჯგუფის წევრების ციფრული წიგნიერების კომპეტენციის ამაღლებას.
ურთიერთდახმარების ერთ-ერთი ჯგუფის წევრი ახლა ქალთა ფონდი „სოხუმის“ სარეაბილიტაციო ცენტრში გადის ფსიქორეაბილიტაციას, რომ უფრო ძლიერი დაბრუნდეს სახლში და მეტი აქტიურობით იმუშაოს ჯგუფში.
პროექტით გათვალისწინებულია მობილური ტელეფონების გადაცემა SOS აპლიკაციით, რაც გაუადვილებს ქალებს საკუთარი თავის და შვილების დაცვას. ივლისში ტელეფონები გადაეცათ თერჯოლის მუნიციპალიტეტში მცხოვრებ ქალებს. თანადგომის აქციაში მონაწილეობა მიიღეს თერჯოლის მერმა მანუჩარ რობაქიძემ და საკრებულოს თავმჯდომარის მოადგილემ - დავით გოგბერაშვილმა.
პროექტი ხორციელდება გენდერული თანასწორობის ფონდის მხარდაჭერით (კანადა)
კიდევ ხუთი ტრენინგი ჩატარდა ახალგაზრდობის გაძლიერების ცენტრებში. ამჯერად - ქობულეთის, ჩოხატაურის, ვანის, სენაკის და ბაღდათის მუნიციპალიტეტებში. ახალგაზრდები დიდი სიამოვნებით ჩაერთნენ მუშაობაში, სატრენინგო აქტივობებში.
განსაკუთრებით სასიხარულოა, რომ ისინი არა მარტო თვითონ სწავლობენ კონფლიქტის მართვასთან თუ ძალადობის პრევენციასთან დაკავშირებულ საკითხებს, არამედ ცდილობენ, ტრენერობასაც დ აეუფლონ და სხვებსაც გააცნონ ის საკითხები, რაც უვკე იციან. საზაფხულო არდადეგების პერიოდში ახალგაზრდები თანატოლებთან აპირებენ საინფორმაციო შეხვედრების ჩატარებას. ეს ჩვენი მუშაობის თვალნათელი შედეგია - სწორედ ტრენინგების შემდეგ გაუჩნდათ ამბიციები, თავიანთი ცოდნა და გამოცდილება გაუზიარონ სხვებს. ახალგაზრდა ტრენერები შემაჯამებელი შეხვედრისთვისაც დიდი მონდომებით ემზადებიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აირჩიე ბლოგის თემა - ქალები უკრაინიდან...
ჩვენს ვებგვერდზე არის ამის შესაძლებლობა და...
არის ამბები ქალებზე, რომლებიც უკრაინიდან ჩამოვიდნენ საქართველოში. ჩამოვიდნენ ცოტა ხნით, ომის დამთავრებამდე, მაგრამ ჯერ აქ არიან. ჯერ კიდევაა ომი...
ბლოგის ავტორია ლალი შენგელია, თვითონაც ომგამოვლილი, რომლისთვისაც მახლობელია უკრაინელი ქალების ტკივილი, დარდი, მონატრება, იმედი...
ამბებშიც ეს ჩანს: როგორ ტკივათ, რაც მოხდა, როგორ დარდობენ იქ დარჩენილ ახლობლებზე, როგორ ენატრებათ სახლი, მეზობლები და იმედი - რომ მალე შეძლებენ დაბრუნებას.
ყველა ისტორია საინტერესო და უნიკალურია: ანა უკრაინის ხსენებაზე სულ ტირის, ნატალიამ მეორე შვილის გაჩენა გადაწყვოტა ქუთაისში, ლიუბოვი ახლობლებთან ჩამოვიდა, მაგრამ ისევ დაბრუნდა უკრაინაში. მეორე ნატალიამ კი ხელახლა იპოვა ბედნიერება - განქორწინებულ ქმარს შეურიგდა და ბავშვიც უზომოდ ბედნიერია... კიდევ უამრავი საინტერესო ამბავს წაიკითხავთ ბლოგში
https://blogofwomanfundsukhumi.tilda.ws/#blog4
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
თერჯოლაში ქალთა ფონდმა „სოხუმმა“ ჭრა-კერვის სასწავლო კურსი გახსნა. გახსნას დაესწრნენ თერჯოლის მერი მანუჩარ რობაქიძე, საკრებულოს თავმჯდომარის პირველი მოადგილე დავით გოგბერაშვილი და გენდერული საბჭოს წევრი რუსუდან კოვზირიძე.
ბენეფიციარები ახალ პროფესიას ორთვენახევრის მანძილზე შეისწავლიან. სამუშაო სივრცე მუნიციპალიტეტმა მოსწავლე-ახალგაზრდობის სასახლეში გამოყო. საკერავი მანქანების, მასალების და პედაგოგის ფინანსურ მხარდაჭერას ფონდი „სოხუმი“ უზრუნველყოფს.
„ჩვენ ვასწავლით წარმატების და დამოუკიდებელი ცხოვრების მარტივ საიდუმლოს - პროფესიას, რომელიც ქალს კიდევ უფრო ძლიერს და თავდაჯერებულს გახდის. გვაქვს ბევრი მაგალითი, ასეთი სასწავლო კურსების შემდეგ როგორ მოემატათ ქალებს მოტივაცია და როგორ დაიწყეს მცირე ბიზნესი. გვჯერა, თერჯოლაშიც გვექნება წარმატების ახალი ისტორიები“, - აღნიშნა პროექტის კოორდინატორმა ლელა ჯალაღონიამ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკის ქალთა საინიციატივო ჯგუფმა კვლევის შედეგად გამოკვეთილი 2 პრობლემის ადვოკატირების გეგმაზე იმუშავა. ქალბატონებმა ის რისკებიც გათვალეს, რომელიც ადვოკატირების პროცესში შეიძლება წარმოიქმნას.
ახალგაზრდული ჯგუფის წევრებმა კი მინი-პროექტები შეაფასეს. ფორუმ-თეატრის გამოყენებით დებატების მოწყობა მათთვის სიახლე იყო. მონაწილეები მიიჩნევენ, რომ მინი-პროექტის საშუალებით მათ ძალადობის პრობლემის პრევენციის საქმეში საკუთარი როლი დაინახეს.