ოჯახური კონფლიქტები, დისკრიმინაცია, ბულინგი, გენდერული თანასწორობა, ფემიციდი- ეს აქტუალური საკითხები ახალგაზრდებმა მათ მიერ შემუშავებული მინი-პროექტებისთვის აარჩიეს.
პროექტის ფარგლებში ქუთაისის, ხონის, წყალტუბოს, სენაკის, ზუგდიდის ახალგაზრდული საინიციატივო ჯგუფების ბაზაზე ფორუმ-თეატრები შეიქმნა. თითოეულ ჯგუფში ორ-ორი სცენარი მომზადდა.
ორი თვის განმავლობაში ახალგაზრდებმა ფორუმ-თეატრის ფორმატის გამოყენებით სულ 42 შეხვედრა ჩაატარეს. შეხვედრები სხვადასხვა ლოკაციას მოიცავდა: ქალაქებისა და სოფლების სკოლები, დასახლებები, საზოგადოებრივი თავშეყრის ადგილები.
გენდერული თანასწორობის, ბულინგის, ოჯახური ძალადობის, ფემიციდის საკითხებზე არა ერთი დისკუსია გაიმართა. შეხვედრებზე იმსჯელეს პრობლემების აქტუალობაზე და ისაუბრეს გადაჭრის გზებზეც.
26-27 ივნისს ქალთა ფონდი „სოხუმის“ წარმომადგენელმა - ეკატერინე გამახარიამ მონაწილეობა მიიღო ქალ მშვიდობის მშენებელთა გლობალური ქსელის (GNWP) ორგანიზებითა და ეუთოს (OSCE) მხარდაჭერით გამართულ რეგიონულ კონფერენციაზე.
საქართველოდან კონფერენციაზე მონაწილეობდნენ ქალთა საინფორმაციო ცენტრის ხელმძღვანელი ელენე რუსეცკაია და დევნილ ქალთა ასოციაციის „თანხმობა“-ის ხელმძღვანელი იულია ხარაშვილი.
კონფერენციამ გააერთიანა სამხრეთ კავკასიის, აღმოსავლეთ ევროპისა და ცენტრალური აზიის ქალი მედიატორები და მშვიდობის მშენებლები. რეგიონული კონფერენციის მთავარ მიზანს მშვიდობის მშენებლობის დარგში სამოქალაქო საზოგადოების ქსელის და ადვოკატირების საგზაო რუკის შემუშავება წარმოადგენდა.
მონაწილეები აქტიურად უზიარებდნენ ერთმანეთს მათ ქვეყნებში „ქალები, მშვიდობა და უსაფრთხოება“ დღის წესრიგის შესრულების მიმდინარეობას, მშვიდობის მშენებლობის და გადაწყვეტილების მიღების პროცესში მონაწილეობის არსებულ გამოცდილებებს, გამოწვევებსა და საუკეთესო პრაქტიკებს.
6-8 ივლისს ფონდი სოხუმის წარმომადგენლები - ეკატერინე გამახარია და თეა თორინავა სამუშაო ვიზიტით ვენაში იმყოფებოდნენ.
სამუშაო შეხვედრა მიზნად ისახავდა პარტნიორი ორგანიზაციების მიერ 2022 წელს მომზადებული პრაქტიკული გზამკვლევის „გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები“ (ხელმისაწვდომია აქ https://wave-network.org/wp-content/uploads/Toolkit-Georgian.pdf?fbclid=IwAR1rCpxvDqw8HCIz-iBwYSlKCsF9ITicwIkEr-DVCBOI3ZP5eYZv_ATu3IA) გამოყენებით ტრენინგმოდულის შემუშავების პროცესის დაგეგმვას. ტრენინგმოდული ხელს შეუწყობს დაინტერესებული პირების ცოდნის გაღრმავებას გზამკვლევში ასახულ კონფლიქტურ სიტუაციებში გენდერული ძალადობის პრევენციის, რეაგირების საუკეთესო პრაქტიკების, ასევე სტრატეგიების შესახებ და მათ რეპლიკაციას პრაქტიკულ საქმიანობაში.
შეხვედრაში მონაწილეობდნენ ეუთოს (OSCE), ქსელი WAVE-ის და პროექტში ჩართული პარტნიორი არასამთავრობო ორგანიზაციების წარმომადგენლები: სექსუალური ძალადობის კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი და თბილისი, საქართველო), ფონდი „გაერთიანებული ქალები ბანია ლუკა“ (ბოსნია&ჰერცეგოვინა).
საქართველოს პრეზიდენტის ინიციატივით, თბილისის ქალთა საერთაშორისო კონფერენცია (TWIC) გაიმართა. კონფერენცია საქართველოს პრეზიდენტმა გახსნა და მას ესწრებოდნენ ლიდერი ქალები მსოფლიოს სხვადასხვა ქვეყნიდან.
კონფერენციის ფარგლებში საუბარი შეეხო ისეთ საკითხებს, როგორებიცაა: კონფლიქტები, მშვიდობა, უსაფრთხოება და საქართველოს ევროინტეგრაცია. ღონისძიებაზე მიწვეული იყო ქალთა ფონდი „სოხუმის“ თბილისის წარმომადგენლობის
საქართველოს პრეზიდენტის ინიციატივით, თბილისის ქალთა საერთაშორისო კონფერენცია (TWIC) გაიმართა. კონფერენცია საქართველოს პრეზიდენტმა გახსნა და მას ესწრებოდნენ ლიდერი ქალები მსოფლიოს სხვადასხვა ქვეყნიდან.
კონფერენციის ფარგლებში საუბარი შეეხო ისეთ საკითხებს, როგორებიცაა: კონფლიქტები, მშვიდობა, უსაფრთხოება და საქართველოს ევროინტეგრაცია. ღონისძიებაზე მიწვეული იყო ქალთა ფონდი „სოხუმის“ თბილისის წარმომადგენლობის ხელმძღვანელი ეკატერინე გამახარია.
ქალთა ფონდი „სოხუმის“ ორგანიზებით თერჯოლაში მრგვალ მაგიდასთან შეიკრიბნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის, ჯანდაცვის და საგანმანათლებლო სფეროს წარმომადგენლები.
მოწვეულმა იურისტმა შეხვედრის მონაწილეებს გააცნო რეფერირების დოკუმენტი, კონკრეტული პასუხისმგებელი პირების ვალდებულებები და ფუნქციები.
შეხვედრაზე აგრეთვე ისაუბრეს მუნიციპალიტეტში ძალადობის კუთხით არსებულ სიტუაციაზე, პრობლემების იდენტიფიცირებასა და მსხვერპლთა დახმარებაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში გრძელდება საინფორმაციო შეხვედრები სხვადასხვა სამიზნე ჯგუფთან, რომელიც მიზნად ისახავს ქალთა საჭიროებების გამოვლენას და ადგილზე არსებული პრობლემების იდენტიფიცირებას. მობილიზატორები აქტიურად არიან ჩართულნი შემდგომ პროცესში, რაც გულისხმობს ქეისების შესწავლას და მათ გადამისამართებას.
ზუგდიდის, ბაღდათის, სამტრედიის, წალენჯიხის და თერჯოლის ქალთა მხარდაჭერის ცენტრებში საინფორმაციო შეხვედრების პარალელურად, მთელი თვის განმავლობაში ხუთი ახალი ქეისის იდენტიფიცირება მოხდა. ახალი საჭიროებებიც დაფიქსირდა, რომელთა ადვოკატირებასაც თემის აქტივისტებთან ერთად შეეცდებიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოში ქალთა საინიციატივო ჯგუფის წევრებმა ის პრობლემები გაანალიზეს, რომელთა ადვოკატირებაც ადგილობრივი რესურსებით არის შესაძლებელი. ასევე ადვოკატირების გეგმებზე იმუშავეს, რომლითაც პრობლემების გადაჭრის შესაძლებლობა იზრდება.
წყალტუბოს პირველ და მეოთხე სკოლებში არსებული ახალგაზრდული კლუბების წევრებმა კი მინი-პროექტების მიმდინარეობა შეაფასეს. ისაუბრეს,თუ როგორ მიიღო მაყურებელმა ფორუმ-თეატრის ელემენტებით წარმოდგენილი ძალადობის სცენები. მათი შეაფასებით , მაყურებელი მათთან ერთად ფიქრობდა, მსჯელობდა და ეძებდა გამოსავალს.
შინაგან საქმეთა სამინისტრომ ბავშვობის ასაკში ქორწინების წინააღმდეგ მიმართული კამპანიის - „ნუ წაართმევ ბავშვობას“ დასკვნითი ღონისძიება გამართა. ღონისძიებაზე შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტმა წარადგინა პრეზენტაცია, რომლითაც სამთავრობო და არასამთავრობო სექტორის, ადგილობრივი და საერთაშორისო ორგანიზაციების წარმომადგენლებს მიეწოდათ ინფორმაცია კამპანიის ფარგლებში განხორციელებული ღონისძიებების თაობაზე. შეხვედრას ჩვენი წარმომადგენლები - ლინდა ჩიხლაძე და ნინო კორინთელი ესწრებოდნენ.
საქართველოს სახალხო დამცველის აპარატისა და ევროპის საბჭოს ორგანიზებით, ქალთა მიმართ და ოჯახში ძალადობის პრევენციის ზომების შეფასების შესახებ მონიტორინგის ინსტრუმენტის პრეზენტაცია გაიმართა.
მონიტორინგის ინსტრუმენტი დაფუძნებულია ქალთა მიმართ ძალადობისა და ოჯახში ძალადობის პრევენციის და მის წინააღმდეგ ბრძოლის ევროპის საბჭოს კონვენციაზე და მისი მიზანია, შეაფასოს სახელმწიფოს პრევენციის მექანიზმის გავლენა ქალთა მიმართ და ოჯახში ძალადობის საკითხებზე, გამოავლინოს კონკრეტული მიღწევები და გამოწვევები. დოკუმენტი ხელს შეუწყობს სახელმწიფო უწყებებს სამომავლო ნაბიჯების დაგეგმვასა და განხორციელებაში.
ღონისძიებას ესწრებოდნენ ჩვენი წარმომადგენლები - ლინდა ჩიხლაძე და ნინო კორინთელი.
ქალთა ფონდი „სოხუმი“ წარმოგიდგენთ ახალ მონიტორინგის ანგარიშს - „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“. ანგარიშში შეფასებულია ქალთა მიმართ ძალადობის ან/და ოჯახში ძალადობის საკითხებზე სამიზნე მუნიციპალიტეტების მიერ პრევენციული ღონისძიებების განხორციელების ეფექტიანობა და ადგილებზე მოქმედი რეფერალური მექანიზმის სუბიექტებთან მათი თანამშრომლობის ხარისხი. დოკუმენტში ასახულია მნიშვნელოვანი გამოწვევები, მათ შორის, ადრეულ ეტაპზე კრიზისული/მოწყვლადი ოჯახების იდენტიფიცირების და შესაბამისი რეაგირების პრობლემა ოჯახში ძალადობის პრევენციისთვის; არასაკმარისი ინფორმაციის გაცვლა და კოორდინაცია მუნიციპალიტეტებსა და რეფერალური მექანიზმის სუბიექტებს შორის; ასევე, ქალთა მიმართ ძალადობისგან დაცვის მუნიციპალური პროგრამების არარსებობა ან სიმცირე და მოსახლეობის, ასევე სხვადასხვა უწყების წარმომადგენლების ცნობიერების ამაღლების და პროფესიული გადამზადების საჭიროების საკითხები. გამოკვეთილი მიგნებების საფუძველზე შემუშავდა კონკრეტული რეკომენდაციები, რომლებიც მიემართება რელევანტურ უწყებებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)